Avtomobil bazarımızda böyük durğunluq...

Tarix: 05.03.2015 / 01:42
Bölmə: İqtisadiyyat

Son bir il ərzində avtomobil bazarında yaranan vəziyyət burada durğunluğun hələ də davam etdiyini və getdikcə dərinləşdiyini göstərir. Elə bunun nəticəsidir ki, Azərbaycana gətirilən maşınların sayında kəskin azalma müşahidə olunur. Məsələn, cari ilin yanvarında Azərbaycana 4 090 ədəd avtonəqliyyat vasitəsi idxal edilib. 2014-cü ilin analoji dövründə bu rəqəm 6 477 ədəd olub. Beləliklə, idxalda kəskin azalma qeydə alınıb.
Azalma ötən il ərzində də özünü qabarıq şəkildə büruzə verib. Məlumat üçün qeyd edək ki, ötən il ərzində Azərbaycana 63 368 ədəd avtomobil idxal olunub. Bu göstərici 2013-cü illə müqayisədə 41 017 avtomobil və ya 39,3% azdır. Qeyd edilən rəqəmlər avtomobil bazarında tələbatın kəskin surətdə azalmasının da göstəricisi sayıla bilər.
Ekspertlər isə bildirir ki, "Avro 4" standartının tətbiqindən sonra Azərbaycana avtomobil idxalının azalacağı gözlənilən idi. İli köhnə olan avtomobillərin ölkəyə gətirilməməsi ilə yanaşı, yeni avtomobillərə tələbatın nisbətən zəif olması da avtomobil idxalına təsir göstərən amillərdəndir. Maşın bazarında durğunluğa qiymət amili də təsir edir. "Avro 4" standartının tətbiqi, praktiki olaraq, daha bahalı avtmobillərin gətirilməsi deməkdir və bu da, təbii ki, ölkəyə gətirilən avtomobillərin sayına təsir göstərir. Köhnə avtomobillərin gətirilməsinə məhdudiyyətin qoyulması Gürcüstandan gətirilən avtomobillərdə də özünü göstərir. Ekspertlər bildirir ki, ölkəyə avtomobil idxalı bundan sonra da kəskin azalacaq.
Qiymət məsələsinə gəlincə, burada kəskin artım var. Məsələn, Gürcüstandan Azərbaycana ixrac olunan avtomobillərin orta qiyməti 2,5 dəfə artıb. Belə ki, 2014-cü ilin ilk ayında 2 min 381 avtomobil üçün 20,4 milyon dollar ödənilib. Bu isə o deməkdir ki, ötən ilin yanvarında Gürcüstandan Azərbaycana gətirilən avtomobillərin orta qiyməti 8,5 min dollar olduğu halda, bu ilin yanvarında 20,3 min dollar təşkil edib. Avtomobillərin orta qiymətinin son bir il ərzində 2,5 dəfə artmasının əsas səbəbi, yuxarıda qeyd olunduğu kimi, odur ki, "Avro-4" standartına cavab verməyən avtomobillərin ölkəyə gətirilməsinə ötən ilin aprel ayının 1-dən etibarən qadağa qoyulub. Əvvəllər Gürcüstandan Azərbaycana buraxılış ili köhnə olan ucuz avtomobillər gətirilirdi. Qeyd olunan qadağadan sonra ölkəyə buraxılış ili yeni olan avtomobillər gətirildi ki, bunların da qiyməti yüksəkdir. Bütün bunlar bazarda durğunluğa yol açan əsas amillər sırasında yer alır. Daha bir fakt isə odur ki, maşın bazarında durğunluq maşın alveri ilə məşğul olanların sayının azalması ilə bağlıdır. Belə şəxslər daha çox köhnə avtomobillər gətirirdi. Yeni standartların tətbiqi isə daha bahalı avtomaşınların gətirilməsini tələb edir ki, buna da əksər maşın alverçilərinin maliyyə imkanları yetmir. Belə vəziyyət isə avtomobil bazarlarına təsirsiz ötüşmür.
Dollar və avronun bahalaşması da maşın bazarına üz tutanların sayını azaldıb. İnsanlar əllərində olan manatı avro və ya dollara çevirib maşın almağa indi maraq göstərmir. Maşın almaq üçün kredit götürənlərin sayında da azalma var. Bəzi ekspertlər hesab edir ki, əslində, Azərbaycanda nəqliyyat vasitələri əldə etmək istəyən şəxslər kifayət qədərdir. Lakin burada bir nüans da var ki, əvvəllər banklar vasitəsilə avtomobil almaq üçün kreditlər verilirdi. İndi həmin kreditlər məhdudlaşdırılıb. Halbuki, bizdə il ərzində avtomobil satışının yarıdan çoxu banklar hesabına həyata keçirilirdi. Nəticə etibarilə, istər qanunvericilikdə idxalla bağlı yeniliklər, istərsə də banklar vasitəsilə kreditlərin dayandırılması və bu tip məsələlər avtomobil bazarında durğunluqlara gətirib çıxarır. Bu sahədə vəziyyət dəyişməyənə qədər isə maşın bazarında istənilən fəallığın yaşanması gözlənilmir.
Digər tərəfdən, nəinki köhnə, eləcə də təzə avtomobillərin satışını azaldan səbəb yanacağın ötən ilin sonunda bahalaşmasıdır. Ölkədə yanacağın qiyməti 30%-ə qədər qalxıb. Yanacaq baha olanda vətəndaşa sərf eləmir ki, avtomobilə əlavə xərc ödəsin. Ekspertlər burada da yanacaq qiymətinə diqqət çəkir. Belə ki, Bakıda hər yerdə yeraltı, yerüstü dayanacaqlar olsa da, qiymətlər sərfəli deyil. Bir çox yerlərdə qiymətlər 1 saat üçün 1 manatdır. Üstəlik, bu gün şəhərdə müxtəlif yerlərdə qurulan parkomatlarla da bağlı eyni vəziyyət hökm sürür. Burada da xidmət saata görə 1 manatdır. Təbii ki, bu hallar da avtomobil sahibi olmaq istəyən şəxsin son qərarına təsir edir. Yaranmış vəziyyətdə qiymətlərin aşağı düşməsi də istisna olunmur. Belə ki, durğunluq fonunda avtomobillərin qiymətlərinin aşağı düşməsi qaçılmaz sayılır. Çünki bazara əlavə pul vəsaiti daxil olmadığından qiymətlərin düşməsi mütləq hal sayılır. Lakin istənilən halda, avtomobil bazarında əvvəlki fəallığın müşahidə olunması ciddi sual altındadır.

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...