Avropa bankı avro ilə bağlı yeni müəmmalı kurs siyasəti elan etdi

Tarix: 04.03.2015 / 02:41
Bölmə: İqtisadiyyat

Yeni "valyuta müharibəsi" avronu sürətlə çökdürür

Dünya maliyyə bazarlarında avro ətrafında cərəyan edən hadisələrin hansı sonucla bitəcəyi indi xüsusi səbrsizliklə gözlənilməkdədir. Avropa Mərkəzi Bankının bazarlardan böyük həcmdə istiqraz alması nəticəsində avronun məzənnəsi kəskin düşür. Bu proses bütün dünya ölkələrində, o cümlədən Azərbaycanda da özünü qabarıq formada büruzə verir. Bir müddət əvvəl kəskin bahalaşan avronun həcmi Azərbaycanda tədricən aşağı düşür.
Son məlumata görə, manata nəzərən avrozonanın vahid valyutası 0,0019 manat və ya 0,16% ucuzlaşaraq 1,1752 manat olub.
Avrozonada baş verənlər avronun dəyər itirməkdə davam edəcəyini göstərir. Dünya şöhrətli investisiya meneceri Bill Qross avronun məzənnəsinin daha da aşağı düşəcəyini proqnozlaşdırır. Onun sözlərinə görə, Avropa iqtisadiyyatını dirçəltmək, ixrac qabiliyyətini artırmaq üçün vahid valyutasını dəyərdən salmaqda davam edəcək. Bir daha xatırladaq ki, Avropa Mərkəzi Bankının rəhbəri Mario Draqinin kəmiyyət yumşaldılması proqramını işə salmaqla bağlı elan etdiyi siyasət avronun məzənnəsini sürətlə aşağı salır. Ekspertlərə görə, bu gedişlə avro ilin sonuna qədər dollarla bərabərləşə bilər. Xatırladaq ki, Avropada müvafiq proqram çərçivəsində hər ay dövriyyəyə 60 milyard avro buraxılacaq və həmin pula dövlət və özəl qiymətli kağızların alınması nəzərdə tutulur. Məqsəd avrozonada illik inflyasiya səviyyəsini 2 %-ə yaxın həddə qaldırmaqdır. Proqram 2016-cı ilin sentyabr ayına qədər davam edəcək və vəziyyətdən asılı olaraq uzadıla bilər. Bu müddətdə Avropa iqtisadiyyatına yönəldilən vəsaitin həcmi 1,1 trilyon avro olacaq. Dünya bazarlarında avronun ucuzlaşması həm də Avropanın ixrac imkanlarının genişlənməsinə hesablanıb. Bill Qross qeyd edir ki, avronun ucuzlaşdırılması məqsədilə atılan addımlar əks effekt də verə bilər. Onun sözlərinə görə,
məzənnələri zəiflətməyi hədəfləyən siyasət iqtisadi artım təmin etmək əvəzinə qlobal iqtisadiyyatı ləngidə bilər. O bildirir ki, Avropada avronun ucuzlaşdırılması siyasətinin ardınca Çin və Yaponiya kimi ölkələr də pul vahidlərini zəiflətməyə çalışır":Bu kimi həmlələr pul əldə etməyi və ixracı ucuzlaşdırsa da, qlobal iqtisadiyyata zərər verəcək. Güclü dollar isə dünyanın hazırkı lokomotivi olan ABŞ-ı zəiflədəcək, ya da bu devalvasiya səyləri istənilən nəticəni verməyəcək".
Fransanın "BNP Paribas" bankının analitiklərindən Laura Rosner bu gedişlə dolların uculaşa biləcəyini qeyd edir. Rosner aşağı neft qiymətlərinin ABŞ-da inflyasiyanı 2015-in ilk iki rübündə mənfi səviyyəyə sala biləcəyinə işarə edib. Belə vəziyyət isə ABŞ iqtisadiyyatı üçün təhlükəli sayılır. Bu səbəbdən dolların ucuzlaşması gözlənir. Dünyanın ən böyük iqtisadiyyatlarından hesab edilən Çin də pulunu ucuzlaşdırmaqda maraqlıdır. Bu ölkədə yanvar ayında illik istehlakçı inflyasiyası 0.8 faizə düşüb. Bu, son beş ilin ən aşağı göstəricisidir və ölkə iqtisadiyyatında zəifliyin artdığına işarə sayılır. Eyni zamanda, bu göstərici iqtisadi artımı dəstəkləyəcək yeni addımların atılması üçün ölkə rəsmiləri üzərindəki təzyiqi də artırıb. Çünki Çində də deflyasiya risqi yüksəlir. Bu, ölkənin ixrac imkanlarına da mənfi təsir edir. Belə vəziyyətdə Çin pulunu ucuzlaşdırmağı düşünür. Lakin əsas ucuzlaşma özünü avroda göstərəcək. Çünki avronun ucuzlaşması üçün praktiki addımlar atılıb. Bununla dünya miqyasında "valyuta müharibəsi"nin yenidən qızışması gözlənir. Artıq beynəlxalq təşkilatlar, o cümlədən BVF tərəfindən bu təsdiq edilib. Qeyd olunduğu kimi, əksər ölkələr böhrandan yaranmış iqtisadi problemlərini həll etmək üçün milli valyutalarını süni şəkildə ucuzlaşdırır və bu məzənnədən bir alət kimi istifadə edirlər. Eyni zamanda təkcə inkişaf etməkdə olan yox, eyni zamanda inkişaf etmiş ölkələr də bu siyasətə qatılır. Bütün bunlar fonunda baş verən proseslər ölkəmizə də təsir göstərəcək. Xüsusən də bundan sonra avronun ucuzlaşmasının Azərbaycana müəyyən zərəri olacaq və bu, ilk növbədə manata münasibətdə özünü göstərəcək. Yəni avronun ucuzlaşması manata təzyiqi yenidən artıra bilər. Digər tərəfdən, bu valyutanın ucuzlaşması Avropada daşınmaz əmlak bazarının cəlbediciliyini artıracaq, eyni zamanda Avropadan idxalımız çoxalacaq, valyuta ehtiyatlarımızda həm depozit, həm də qiymətli kağız şəklində yerləşdirilən avro aktivləri dəyərini itirəcək. Bu mənada Azərbaycanın indidən qabaqlayıcı addımlar atması olduqca zəruri sayılır.
Avronun ucuzlaşmasının hələ müəyyən müddət davam etməsi gözlənir. Çünki, qeyd olunduğu kimi, Avropa iqtisadiyyatı hələ də özünə gəlməyib, burada müxtəlif ölkələrdə büdcə kəsiri getdikcə böyüyür. Dövlətlərin borcu isə günbəgün rekord vurur. İşsizlik problemi həllini tapa bilməyib. Həmçinin, Avropanın əsas ticarət tərəfdaşı olan Çinin milli valyutasını süni surətdə ucuzlaşdırmaq niyyəti vəziyyəti daha da çətinləşdirir. Buna görə də Avropa öz pulunu dəyərdən salır. Bütün bunlar isə dünya iqtisadiyyatı üçün yaxşı heç nə vəd etmir.

DİGƏR XƏBƏRLƏR

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...