Kirayədə yaşayanlar mənzil sahibi ilə müqavilə imzalamalı olacaq

Tarix: 02.03.2015 / 01:47
Bölmə: İqtisadiyyat

Nüsrət İbrahimli: «Qeydiyyatdan keçməyən, müqaviləsiz ev kirayə verən şəxs cərimə olunmalıdır»

«Vergidən yayınma hallarına digər səbəb kirayə bazarına nəzarət mexanizmlərinin olmamasıdır»

Bu gün dövlət büdcəsi kirayə bazarına görə milyonlarla pul itirir. Səbəb mənzillərin kirayəyə verilməsi zamanı bunun, əksər Avropa ölkələrində olduğu kimi, müqavilə halında olmamasıdır. Məlumdur ki, əksər hallarda Bakıda, həmçinin rayonlarda kirayə verənlə kirayə götürən arasında müqavilə bağlanmır.

Halbuki, qanunla kirayə verən aldığı məbləğin 14 faizini gəlir vergisi kimi hər ay büdcəyə ödəməlidir. Amma bir çox hallarda aşağı qiymətə kirayəyə verilən mənzillərlə bağlı müqavilə bağlanmır və yaxud bağlansa da, rəsmiləşdirilmir. Araşdırmalar göstərir ki, orta qiymətdən yuxarı verilən kirayə evlərin 60-65 faizində müqavilə bağlanır. Bunlardan da təxminən 20-25 faizi notarial qaydada dövlət qeydiyyatından keçir. Ucuz qiymətə verilən mənzillərin 50 faizinin rəsmi müqaviləsi yoxdur. Bağlanmış müqavilələrin çox cüzi hissəsi dövlət qeydiyyatından keçirilir. Hazırda mövsümi amillərlə əlaqədar kirayə bazarında yenidən canlanma yaşanmaqdadır.

Əmlak məsələləri üzrə ekspert Nüsrət İbrahimli təklif edir ki, kirayə evlərin müqaviləsinin olub-olmaması məsələsinə nəzarət mənzil-istismar idarələrinə verilsin: «Bunu hər ərazi üzrə quruma tapşırmaq olar ki, orda evlər qeydiyyatdan keçirilsin. Ümumiyyətlə, Vergilər Nazirliyinə də tapşırmaq olar ki, daim kirayəyə verilən evlərin qeydiyyatını aparsın. Necə ki, icarəyə verilən ofislərin qeydiyyatı Vergilər Nazirliyi tərəfindən aparılır, icarəyə verilən obyektlərin hər biri reyestrə salınıb və hazırda buna nəzarət aparılır. Güman edirəm ki, gələcəkdə mənzillərin də reyestrini Vergilər Nazirliyi apara bilər. Amma bunun üçün həm zaman lazımdır, həm də bunu tək Vergilər Nazirliyinin üzərinə qoymaq doğru olmaz. Yerli icra strukturları, o cümlədən yerli mənzil-istismar idarələri bu məsələdə kömək olmalıdır. Çünki yerli mənzil-istismar sahələri birmənalı şəkildə bilirlər ki, hansı ərazidə hansı evlər kirayəyə verilir, hansı qiymətə verilir. Digər tərəfdən, cəmiyyət bu işə ciddi yanaşmalıdır. Vergi Məcəlləsinə onu əlavə etmək olar ki, kim qeydiyyatdan keçməyən, müqaviləsiz ev kirayə verirsə, cərimə olunsun. Çalışmaq lazımdır ki, insanlar özləri öz işlərinə məsuliyyətlə yanaşsın. Güman edirəm ki, bunun da zamana ehtiyacı var. Yəqin müəyyən zaman keçdikdən sonra bu məsələlər öz həllini tapacaq».

Həmsöhbətimiz onu da əlavə etdi ki, müqavilə bağlansa belə, əksər hallarda orada kirayə haqqı əmlakın dəyərindən qat-qat aşağı göstərilir: «Bu da külli miqdarda vəsaitin vergidən yayınmasına gətirib çıxarır. Vergidən yayınma hallarına digər səbəb kirayə bazarına nəzarət mexanizmlərinin olmamasıdır. Məsələnin həlli üçün ilk növbədə elektron baza yaradılmalı, kirayə və icarə obyektlərinin məlumat reyestri hazırlanaraq ora daxil edilməlidir. Daha sonra notarial qaydada bağlanan müqavilələr üzrə gəlirlər vergiyə cəlb edilməlidir. Müqavilədən yayınanları isə digər orqanlar müəyyən edə bilər».

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...