Cəmiyyətimiz manat islahatından əvvəl gələn siqnallara həssas olsaydı...

Tarix: 27.02.2015 / 02:43
Bölmə: İqtisadiyyat

Mübariz Əhmədoğlu: "Əhalinin prosesə hazır olmasının bir sıra üstünlükləri olardı"

"İzah olunmalıdır ki, bizdən də qüdrətli ölkələr bu islahata gedib"

Məlum olduğu kimi, Azərbaycan Prezidenti İlham Əliyev fevralın 24-də Mingəçevirdə manatla bağlı dövlətin qəbul etdiyi qərara öz münasibətini bildirib. Prezidentin sözlərinə görə, iqtisadiyyatın öz qanunları var, Azərbaycan da dünya iqtisadiyyatının bir parçasıdır:

"Azərbaycanda gedən işlər təqdirəlayiqdir və mötəbər beynəlxalq maliyyə qurumları bizim uğurlarımızı möhkəm qiymətləndirir. Amma eyni zamanda, regionda gedən proseslər bizə də təsir göstərir və son aylar ərzində, son bir il ərzində MDB məkanında bizim qonşuluğumuzda yaşanan gərginlik müəyyən dərəcədə Azərbaycan iqtisadiyyatına da öz təsirini göstərib".

İlham Əliyev vurğulayıb ki, heç kəs üçün bu sürpriz olmamalıdır: "O vaxt da demişəm ki, manat həddindən artıq bahalaşıb, bu, iqtisadiyyatımıza mənfi təsir göstərir. Regionda baş verən hadisələr, dünyada neftin qiymətinin aşağı düşməsi mənfi nəticələrə gətirib çıxarır. Bu birinci bir siqnal idi. Ondan sonra Mərkəzi Bank açıqlama vermişdi ki tədricən, ilin sonunadək manatın məzənnəsi aşağı düşəcək. Bu da bir siqnal idi ki, insanlar buna hazır olsunlar. Ancaq ondan sonra biz gördük ki, müəyyən ajiotaj yarandı və bir qədər manatın məzənnəsində dəyişiklik olan kimi əhali puldəyişmə məntəqələrinə üz tutdu və kütləvi şəkildə dollar almağa başladı. Eyni zamanda, bu vəziyyətdən bəzi spekulyantlar, möhtəkirlər, natəmiz adamlar əsassız qazanc əldə etmək üçün istifadə etmişlər. Belə olan halda bizim valyuta ehtiyatlarımız, Mərkəzi Bankın valyuta ehtiyatları azalmağa başlamışdır. Sadəcə bir rəqəmi sizə deyə bilərəm. Bir neçə gün ərzində hər gün minimum 500 milyon dollar bazardan alınıb. Əgər belə getsə idi, ilin axırına qədər Mərkəzi Bankın valyuta ehtiyatları kəskin şəkildə azala bilərdi. Belə olan halda qərar qəbul edildi ki, manat ucuzlaşsın və əslində manat əvvəlki səviyyəyə enmişdir. İslahat başlayanda 1 manat 1 dollar idisə, indi də 1 manat 1 dollara bərabərdir".

Prezidentin çıxışından məlum olur ki, Azərbaycan hakimiyyəti bu addımı birdən-birə atmayıb. Konkret faktlar sadalanır. Ancaq, təəssüflər olsun ki, əhalinin böyük hissəsi bu prosesə hazır olmayıb. Hər halda verilən ilkin siqnallar əhalini ayıq-sayıq olmağa vadar etməli idi. Azərbaycan cəmiyyəti bu prosesə tam hazır olsaydı, hansı nəticələr olardı?

Siyasi Texnologiyalar və İnnovasiyalar Mərkəzinin rəhbəri Mübariz Əhmədoğlu hesab edir ki, əhalinin bu prosesə hazır olması çox vacib amillərdəndir: "Prezident doğru olaraq qeyd etdi ki, bu proses dünyada gedir və Azərbaycandan da yan keçə bilməzdi. İlham Əliyev bu dövlətin ən vacib atributudur. Eyni zamanda, manat da ölkənin atributlarından sayılır. Biz gördük ki, milli valyutanın qorunmasında, iqtisadi sabitliyin təmin edilməsində Prezident hamıdan çox narahatdır. Təbiidir ki, əhalinin prosesə hazır olmasının bir sıra üstünlükləri olardı. Əvvəla vətəndaşlarımız tərəfindən böyük həcmdə kreditlər dollarla götürülməzdi. Əllərdə olan əmanətlər daşınmaz əmlaka yatırılardı və s. Hesab edirəm ki, Mərkəzi Bank rəhbərliyinin də bu məsələdə üzərinə böyük yük düşürdü. Xalqın bu istiqamətdə maarifləndirilməsi lazımi şəkildə aparılmalı idi. Bütün bunlar olub keçib. İndi KİV-lərin də üzərinə böyük məsuliyyət düşür. Onlar əhalini düz istiqamətə yönəltməlidir.

Bu prosesin ölkəmiz üçün hansı dərəcədə xeyrinin olacağı sadə əhaliyə çatdırılmalıdır. İzah olunmalıdır ki, bizdən də qüdrətli ölkələr bu islahata gedib. Bu məsələdə təhlükəli heç nə yoxdur".

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...