Mənzil bazarında "şişirdilmiş qiymətlər üsulu" yenidən baş qaldırır

Tarix: 25.02.2015 / 02:16
Bölmə: İqtisadiyyat

Ölkənin daşınmaz əmlak bazarında yaranan mövcud durğunluğun əsas səbəblərindən biri də, həmişəki kimi, mənzillərin hələ də "şişirdilmiş qiymətlərlə" təklif olunmasıdır. Bu vəziyyətdə mənzil bazarında aktivlik xeyli aşağı düşmüşdü ki, nəticədə cari il ərzində mənzillərin qiymətinin 10 faizdən çox azalması gözlənirdi.
Lakin ekspertlər manat devalvasiyasından sonra mənzil bazarına yenidən böyük həcmdə vəsaitin yönləndərilməsinin əks prosesə gətirib çıxaracığını proqnozlaşdırır. Bu xüsusda verilən açıqlamalardan belə məlum olur ki, ev, mənzil almaq istəyənlər son günlərdə çoxalıb, bu da bazarda əlavə tələb yaratdığından qiymətlər artır.
Əmlak bazarı üzrə ekspert Ramil Osmanlı "fins" portalına bununla bağlı bildirib ki, son vaxtlar bu sahədə ucuzlaşma var idi, amma baş verən proseslərdən sonra bazarda vəziyyət dəyişib: "Manatın məzənnəsinin enməsi, eləcə də daşınmaz əmlakla bağlı yeni verigilərin qoyulması vəziyyəti dəyişib. Hazırda bazarda qiymət artımı müşahidə olunur. Faktiki olaraq 25-30%-lik bahalaşma var". Azərbaycan Rieltorlar Assosiasiyasının prezidenti Vəfadar Axundov isə bildirib ki, manatın məzənnəsinin düşməsi ilə bağlı ev və mənzillər 25-30% bahalaşıb. Mütəxəssis deyir ki, manatın məzənnəsinin daha da düşəcəyini güman edən alıcılar kütləvi şəkildə ev, mənzil almağa başlayıblar ki, bu da bazarda tələbatı kəskin artırıb və nəticədə qiymətlərin xeyli bahalaşmasına gətirib çıxarıb: "Hazırda "novostroyka"larda qiymətlər 20-30% arasında bahalaşıb. Vəziyyətə müdaxilə edilməsə, bahalaşma prosesi dayanmayacaq".
Digər ekspert Rövşən Talıbzadə də eyni mövqeyi bölüşür. Onun sözlərinə görə, dolların manata nisbətdə bahalaşması iqtisadiyyatın bir çox sahələrinə təsir etdiyi kimi, daşınmaz əmlak bazarına da təsirsiz ötüşməyib: "İstər ipoteka, istərsə də nağd yolla bir neçə gün əvvəl behləşib alqı-satqı əməliyyatına sövdələşənlər artıq behlərini ikiqat qaytarmaqdan belə çəkinməyiblər". Onun sözlərinə görə, tikinti sektorunda bahalaşma 35 faizə çatıb: "Daşınmaz əmlakla bağlı alqı-satqı portallarında qiymətlərə sürətlə düzəlişlər edilir, bir çoxları isə elanları çıxarır. 2014-cü ilin ikinci rübündən alqı-satqı bazarında hökm sürən susqunluq hazırda daha da dərinləşib". Ekspertin fikrincə, hazırda mənzil bazarında mövcud olan satış təkliflərini iki qismə bölmək olar: "Buraya ümumiyyətlə əmlaklarını satışdan çıxaranlar və satış təklifini dollarla tənzimləyənlər aiddir. Misal üçün: iki gün öncə elanda 3 otaqlı mənzil üçün satış təklifini 95 min manata yerləşdirən mülkiyyətçi hazırda ya satışdan imtina edir, ya da bu əqdi 120 min dollar müqabilində bağlamaq niyyətində olduğunu bildirir".
Belə vəziyyət isə, əksər ekspertlərin fikrincə, bazarda "şişirdilmiş qiymətlərin" yenidən baş qaldırmasına səbəb olacaq. Mütəxəssislərin fikrincə, daşınmaz əmlak bazarında baş verən bu proseslərin səbəbi, daxili ilə yanaşı, həm də xarici faktorlarla bağlıdır. Xüsusilə dünya və Avropa bazarlarında maliyyə böhranının yenidən baş verməsindən ehtiyatlanmalar dövriyyədəki pul kütləsinə təsir edib. Bu da nəticədə mənzillərin qiymətində özünü göstərir.
Aparılan araşdırmalar mənzillərin indinin özündə də maya dəyərindən 2-3 dəfə baha satıldığını təsdiqləyir. Elə daşınmaz əmlak bazarında aktivliyin hələ də arzuedilən səviyyəyə çatmamasında bu amil vacib rol oynayır. Manatla bağlı son proseslərdən istifadə etməyə çalışanlar da məhz "şişirdilmiş qiymətlərlə" mənzillərin satışında xüsusi maraqlı tərəf kimi çıxış edir. Beləliklə, müvafiq müdaxilə olmayacağı təqdirdə mənzillərin qiymətində növbəti artım qaçılmaz sayılır. Yaranmış vəziyyət kirayəyə verilən mənzillərin də qiymətinə təsirsiz ötüşməyəcək. Ölkəmizdə, əsas etibarilə də paytaxt Bakıda bu gün mənzil sahibləri tərəfindən alınan kirayə haqlarının yüksək olması danılmaz həqiqətdir. Məsələnin daha bir maraqlı tərəfi isə ondan ibarətdir ki, bu gedişlə kirayəyə verilən mənzillərdən daha çox haqq alınmağa başlayacaq. Çünki mənzillərin qiymət artımı mütləq şəkildə kirayə evlərin də qiymətinə təsir edəcək. Bu səbəbdən ekspertlər hökumətin prosesə müdaxiləsini vacib sayır.

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...