Manat islahatı ipoteka bazarında müsbət proseslər başladır

Tarix: 25.02.2015 / 01:51
Bölmə: İqtisadiyyat

Ölkənin mənzil bazarında son dövrlərdə müəyyən durğunluq yaranması heç kimə sirr deyil. Xüsusən yeni inşa olunan binalarda mənzil satışlarının həcmi əhəmiyyətli dərəcədə aşağı düşüb. Bu şəraitdə ekspertlər hesab edir ki, mənzil bazarının yenidən canlandırılması ipoteka kreditləşməsi sayəsində mümkündür. Lakin bu fonda ipoteka şərtlərinin dəyişdirilməsi və ayrılan məbləğin miqdarının artırılması zəruri şərt kimi çıxış edir.
Məsələ ilə bağlı son açıqlamasında Mərkəzi Bankın sədri Elman Rüstəmov bu istiqamətdə müəyyən işlərin getdiyini bildirib: "İpoteka məsələsi daha da aktuallaşır. Ötən dövrdə biz bu istiqamətdə irəliləmişik. Hökumət daxilində çox aktiv məsləhətləşmələr gedir. Bu vəsaitlərin verilməsinin yolları, alətləri axtarılır. Xüsusilə Azərbaycan əhalisinin ipotekaya olan marağı nəzərə alınaraq, ilk növbədə baxılan məsələ ipoteka kreditlərinin şərtlərinin daha da yüngülləşdirilməsi, verilən vəsaitlərin həcminin artırılması, onun ilk növbədə yeni mənzillərin alınmasına yönəldilməsinin təmin olunması, bu yolla mənzil tikintisi bazarının daha da canlandırılması, Azərbaycanda tikinti materialları sənayesinin, digər sənaye sahələrinin inkişafına nail olunması bu gün hökumətin və Mərkəzi Bankın diqqətində olan məsələdir".
Buradan da aydın görünür ki, hökumət ipoteka şərtlərinin dəyişdirilməsi üzərində iş aparır. Lakin ekspertlər hesab edir ki, şərtlərin dəyişdirilməsi sürətlə həyata keçirilməlidir. Eyni zamanda, ipoteka krediti götürən şəxsin bu vasitə ilə yeni və ya köhnə mənzil almasına da vətəndaşın özünün qərar verməsinə şərait yaradılmalıdır. "Əmlak Bazarı İştirakçıları" İctimai Birliyinin icraçı direktoru Ramil Osmanlı da qeyd edir ki, vətəndaşların yeni, yaxud köhnə binalardan ev almaları bir qədər onların zövqündən asılıdır. Onun fikrincə, vətəndaşları yeni binalardan deyil, köhnə binalardan mənzil almağa səsləmək sahibkarlıq mühitinin pozulmağına səbəb ola bilər: "Desək ki, köhnə tikililərdən mənzil almaq lazımdır, bu dərhal yeni tikililərdə aparılan alqı-satqı işlərinə təsir edəcək. Çünki sahibkarlar milyonlarla manat vəsait sərf edərək binanı tikib təhvil verir, sonra da mənzilləri satmaqda problem yaşayırlar. Yaxud da desək ki, yeni binalardan ev almaq lazımdır, bu zaman da köhnə binalardakı evlərin alqı-satqısı ilə məşğul olan şəxslərə və şirkətlərə zərbə vurmuş olacağıq. Buna görə də düşünürəm ki, bu məsələ hər bir şəxsin fərdi yanaşmasından asılıdır".
R.Osmanlı "salamnyus" portalına açıqlamasında Bakıda köhnə evlərin və binaların sökülməsi ilə bağlı yaşanan problemlərə də aydınlıq gətirib. Onun sözlərinə görə, paytaxtda söküntü işlərinin aparılmağı uzun müddətdir müzakirə obyektidir: "Xüsusilə də ötən əsrin 60-70-ci illərində tikilmiş İtaliya, Xruşşov, Stalin layihəli yaşayış binalarının istismar müddəti artıq başa çatıb. Bu binaların qalmağındansa, sökülməyi yaxşıdır". Təbii ki, mümkün sökülmə mənzil bazarına təsirsiz ötüşməyəcək. Bu fonda hesab edilir ki, mənzil bazarında bahalaşmanın qarşısını almaq üçün hökumət daşınmaz əmlak bazarın , ipoteka kreditləşməsi ilə yanaşı, digər formalarda da müdaxilə etməlidir. Məsələn, sosial evlərin inşası prosesi nəhayət reallaşmalıdır. O da vurğulanır ki, Azərbaycanda sosial evlər tikilən zaman insanların gəliri nəzərə alınmalı, vətəndaşlar aylıq 70-100 manat ödəməklə kirayə kimi qaldığı bu evləri 20-25 ildən sonra şəxsi mülkiyyətinə çevirmək hüququna malik olmalıdır. Eyni zamanda o da xüsusi olaraq vurğulanır ki, ipoteka kreditlərinin sosial bloku üzrə ayrılan 50 milyon manat tədricən artırılmalı, kredit faizləri 4 faizdən 2 faizə endirilməli və ilkin ödənişlər aradan qalxmalıdır. Eləcə də, ipoteka kreditləri təkcə Bakı şəhəri ilə məhdudlaşmamalı və bunun ölkənin digər regionlarına da yayılmasını təmin etmək üçün tədbirlər görülməlidir. Bu vəziyyətdə ipoteka kreditlərindən daha çox sayda insan istifadə edə bilər. Qeyd edək ki, bu günə qədər ipoteka kreditləri vasitəsi ilə 16 min ailə mənzil alıb. 2015-ci il üçün nəzərdə tutulan 50 milyon manatdan yalnız 1000-1200 ailə mənzil ala biləcək ki, bu da mənzilə ehtiyacı olan vətəndaşların az hisssəsini təşkil edir. Bu fonda sosial evlərin tikintisi daha çox insana mənzil sahibi olmağa imkan verər. Məlumdur ki, bu gün Azərbaycanda orta əmək haqqı 450 manatdır. Belə vəziyyətdə sosial evlər tikilən zaman bu gəlirlər nəzərə alınsa, vətəndaşlar aylıq 70-100 manat ödəməklə kirayə kimi qaldığı bu evləri 20-25 ildən sonra şəxsi mülkiyyətinə çevirə bilsə, bu hal mənzil probleminin əhəmiyyətli dərəcədə həllinə imkan verər.

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...