Milli sement kifayət etdiyi üçün xaricdən idxalı dayandırmaq məqamı yetişdi

Tarix: 25.02.2015 / 01:07
Bölmə: İqtisadiyyat

Nicat Hacızadə: "Sement idxalının azalması Azərbaycan iqtisadiyyatının inkişafından xəbər verir"

"Ölkədə aparılan iqtisadi islahatlar qeyri-neft sektorunun stimullaşdırılmasına, büdcədə payının artırılmasına xidmət edir"

Azərbaycanın iqtisadi inkişafında qarşıya qoyulan əsas məqsədlərdən biri də müxtəlif növ məhsullara olan tələbatın yerli istehsal hesabına təmin olunmasıdır. Bu istiqamətdə görülən işlər artıq öz müsbət nəticələrini verməkdədir. Belə ki, indi bir sıra məhsullara olan tələb məhz yerli istehsal hesabına ödənilməkdə, eyni həmin məmulat üzrə ixrac potensialı da yaranmaqdadır.
Azərbaycanda son illər tikinti sektoru üzrə də tələbatın əsasən yerli istehsal hesabına ödənilməsi müşahidə olunmaqdadır. Bu fonda əvvəllər ölkəyə gətirilən bir sıra tikinti materillarının idxal həcmində əhəmiyyətli dərəcədə azalma qeydə alınır. Məsələn, tikintidə ən çox istifadə olunan məhsullardan biri kimi sementin idxalı əhəmiyyətli dərəcədə azalıb və tələbat əsasən yerli istehsal hesabına ödənilir. Bunun nəticəsidir ki, 2015-ci ilin yanvar ayında Azərbaycana sement idxalı kəskin azalıb.
Qeyd edək ki, yanvarda ölkəmizə cəmi 1,739 milyon manatlıq sement idxal olunub. Bu da 2014-cü ilin yanvar ayı ilə müqayisədə 5,9 dəfə və ya 8,556 milyon dollar azdır. Keçən ilin yanvarında 10,295 milyon dollarlıq sement idxal olunub. Əslində sement idxalının azalacağı gözlənilirdi. Çünki ölkəmizdə 3 yeni sement zavodu ("Norm", "Akkord" və "Naxçıvan Sement") istifadəyə verilib. Bundan əvvəl isə "Holcim" tərəfindən böyük həcmdə sement istehsalı həyata keçirilirdi. Son bir ildə istehsal olunan sementin həcmi 40 faiz artıb.
Qeyd edək ki, bu vaxta qədər Azərbaycan sementi əsasən Rusiyadan alırdı. Lakin indi Azərbaycan xaricə daha çox sement ixracına hazırlaşır.
Azərbaycan sementinin satılacağı ən böyük bazarlar qismində Qazaxıstan, Belarus çıxış edə bilər. Gürcüstan isə ölkəmizdən sement idxalını xeyli artırıb. Hazırda Azərbaycanda bu sahə üzrə istehsal gücləri 5,2 milyon ton təşkil edir.
Bu həcm Azərbaycanın sementə olan tələbatını hazırkı durumda tam həcmdə ödəməyə qadir olmaqla yanaşı, ixrac imkanları yaradır. Cənubi Qafqazın ən böyük sement zavodu olan "Norm" MMC-nin istifadəyə verilməsindən sonra ölkəmizin sement bazarında mövqeləri əhəmiyyətli dərəcədə güclənib. Xatırladaq ki, bu sement zavodu Prezident İlham Əliyev tərəfindən 2014-cü il iyulun 21-də açılıb və həmin vaxtdan çox səmərəli fəaliyyət göstərir. Ötən il zavod öz klinkerini istehsal etməyə başlayıb.
Azərbaycanın sement idxalının azalması barədə fikir bildirən iqtisadçı-ekspert Nicat Hacızadə "Bakı-Xəbər" açıqlamasında qeyd etdi ki, ölkə başçısının göstərişi ilə büdcənin əsasını təşkil edən neft sektorundan ayrılma və qeyri-neft sektorunun prioritetləşməsi qarşıya məqsəd qoyulub: "Bu o deməkdir ki, artıq ölkədə aparılan iqtisadi islahatlar qeyri-neft sektorunun stimullaşdırılmasına, büdcədə payının artırılmasına xidmət edir.
Məlum olduğu kimi, qeyri-neft sektorunun əsas hissəsini tikinti sahəsi tutur. Onu da qeyd etmək lazımdır ki, bu gün Azərbaycanda yetərli sayda tikinti şirkətləri var. O cümlədən, iqtisadi islahatların da əsas qismlərindən biri ölkəmizdə olan sərvətlərimiz hesabına bir sıra sahələrdə öz istehsal prosesinə keçid, yəni öz ehtiyaclarını özü qarşılama məqsədi durur. Bunlardan biri də, təbii ki, qeyd etdiyiniz kimi, sement istehsalında idxalın azalması, yerli istehsalla pul dövriyyəsinin xaricə çıxmaması, ölkə daxilində qalması əsas məsələlərdən biridir.
Həmçinin, bunu şərtləndirən məsələlər var ki, bu da dövlət tərəfindən investisiyalar, o cümlədən sahibkarlara güzəştli kreditlərin verilməsidir ki, bu sahədə maraqlı olanların fəaliyyətinə təkan versin".
N.Hacızadə onu da əlavə etdi ki, ötən ilin statistikasında qeyd olunur ki, 600 min tondan çox sement istehsal edilib: "Hazırda 3 iri yerli istehsalçının illik istehsal həcminin 2015-ci ildə 4,5 mln. tona yaxın olacağı gözlənir. Bundan əlavə, təxminən 10 kiçik istehsal müəssisəsi var".

DİGƏR XƏBƏRLƏR

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...