Deputat manat-dollar panikasına görə Elman Rüstəmovu suçladı

Tarix: 19.02.2015 / 03:44
Bölmə: İqtisadiyyat

"Ekonomiks" Beynəlxalq İqtisadi Araşdırmalar Birliyi: "Əhali arasında vaxtında kifayət qədər izahat işləri aparılmadığından, insanlarda çaşqınlıq yaranıb"

Vahid Əhmədov: "Bu siyasəti daha yumşaq aparmaq lazım idi ki, əhali arasında ajiotaj yaranmasın"

Milli Məclisin İqtisadi Siyasət Komitəsinin üzvü, deputat Vahid Əhmədov bildirib ki, manatın kursu ilə bağlı verilən rəsmi açıqlamada tələskənlik olub: "Mərkəzi Bankın sədri Elman Rüstəmov manatı devalvasiya (ucuzlaşma) gözləyəcəyini əvvəlcədən bəyan etməklə bir qədər tələsdi".
Bununla belə, V.Əhmədov əlavə edib ki, manatın kursunun süni şəkildə sabit saxlanması ölkənin büdcəsinə doğrudan da mənfi təsir göstərirdi: "Təsəvvür edin ki, Mərkəzi Bank manatın kursunu sabit saxlamaq üçün təkcə bu ilin əvvəlində 1,5-2 milyard dollar xərcləyib. Daha belə davam edə bilməzdi. Çünki Mərkəzi Bankın da ehtiyatları sonsuz deyil".
V.Əhmədov bununla belə əmindir ki, manatın kursunun düşəcəyi barədə açıqlama verərkən daha ehtiyatlı olmaq lazım idi: "Bu siyasəti daha yumşaq aparmaq lazım idi ki, əhali arasında ajiotaj yaranmasın".
V.Əhmədov manatın kursunun kəskin düşəcəyi təqdirdə bunun əhalinin alıcılıq qabiliyyətinə mənfi təsir göstərəcəyi təhlükəsi barədə deyilənlərlə razılaşmır: "Dolların kursunun yaxın zamanlarda, ən azı yaya qədər manata nisbətən sıçrayışlı şəkildə yüksələcəyini zənn etmirəm. Hər şey tədricən baş verəcək. Ola bilsin ki, dollar 2-5 qəpik arasında bahalaşacaq. Amma bundan artıq heç nə olmayacaq".
İqtisadçı-alim bugünkü ajiotaja da təmkinlə yanaşmağın tərəfdarıdır. O deyir ki, əhali valyutadəyişmə məntəqələrini hələ yanvardan başlayaraq "təmizləyir", manatı dollar və avroya dəyişir: "Maliyyə ilə bağlı xəbərlər yayılanda belə şeylər təkcə Azərbaycanda yox, hər yerdə olur. Bu ajiotaj bilirsinizmi nəyə gətirib çıxara bilər? Manatı dollara dəyişmək üçün hamı banklara və valyutadəyişmə məntəqələrinə axışsa, bilirsinizmi nə baş verər? Təbii ki, nəticəsi yaxşı olmaz. Ona görə də Mərkəzi Bank rəhbərliyi öz bəyanatlarında bir qədər ehtiyatlı və tədbirli olmalıdır".
"Ekonomiks" Beynəlxalq İqtisadi Araşdırmalar Birliyindən qəzetimizə verilən məlumatda bildirilir ki, manatın məzənnəsinin yumşaldılması zərurəti hələ keçən ilin ortalarından meydana gəlib: "Şübhə etmirik ki, bu qərarın məhz indi qəbul edilməsi ilə bağlı Mərkəzi Bankın öz əsasları mövcuddur. Bu zəruri bir qərardır. Lakin onun qəbulu ilə bağlı əhali arasında vaxtında kifayət qədər izahat işləri aparılmadığından, insanlarda çaşqınlıq yaranıb. Vətəndaşlarımız bunu manatın ucuzlaşması prosesinin başlanğıcı kimi dəyərləndirdiklərindən, əllərində olan manatı dollara dəyişmək istəyi ilə valyutadəyişmə məntəqələrinə üz tutmağa başlayıblar. Vətəndaşların böyük əksəriyyəti bu prosesin mahiyyətindən xəbərsizdir, sadəcə, diletantların "manat batır" kimi əsası olmayan "qiymətləndirməsindən" narahat olaraq manatı dollara dəyişməyə çalışırlar. Elə buna görə də məsələnin kökündə dayanan məqamları vətəndaşlarımıza aydın şəkildə izah etmək istəyirik.
Ən əsası, milli valyutanın məzənnəsinin bir valyutadan asılılığına son qoyuldu. Hazırkı şəraitdə isə bu, gündəmdə dayanan çox vacıb bir məsələ idi. Bir sözlə, sözügedən qərar Mərkəzi Bankın və Azərbaycan hökumətinin dünyada baş verən maliyyə və iqtisadi titrəyişlərin qarşılığında apardıqları düşünülmüş pul-kredit siyasətinin tərkib hissəsidir. Digər tərəfdən, bu siyasət nəticəsində ölkədə istehsalın və bununla yanaşı, ixracın stimullaşmasına yaxşı zəmin yaranacaq və ölkə iqtisadiyyatının diversifikasiya edilməsi sahəsində dövlətin müəyyən etdiyi kursun reallaşdırılması yolunda ciddi addım atılmış olacaq" .

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...