Manat dollara görə hansı həddə qədər ucuzlaşacaq?

Tarix: 18.02.2015 / 02:02
Bölmə: İqtisadiyyat

Rəşad Həsənov: "Burada təxminən 10 faiz ucuzlaşmadan söhbət gedir"

"İnkişaf etmiş ölkələr öz valyutalarını dəyərdən salaraq ucuzlaşdırmaq istiqamətində addımlar atır"

Məlum olduğu kimi, Azərbaycan Mərkəzi Bankı məzənnə siyasətində ikitərəfli məzənnənin hədəflənməsindən valyuta səbəti dəyərinin hədəflənməsinə keçdiyini bəyan edib. Məzənnə siyasətinin ABŞ dolları və avronun daxil olduğu iki valyutalı səbət mexanizmi əsasında həyata keçirilməsi məqsədəuyğun hesab edilib.
Bu zaman müəyyən olunmuş dəhliz çərçivəsində valyuta bazarında MB-nin iştirakı davam edəcək.
Əslində bu gözlənilən idi. Ona görə ki, Prezident İlham Əliyev də çıxışında manatın məzənnəsinin möhkəmlənməsini məqsədəuyğun saymamışdı. Məsələ ondadır ki, milli valyuta məzənnəsinin dəyişməz qalması daxili istehsala zərər vururdu. Daxili istehsalın stimullaşmasını əngəlləyirdi. Ona görə də MB manatın məzənnəsinin mərhələ-mərhələ yumşaldılacağını bəyan edib.
Maraqlıdır, manatın ucuzlaşması hansı həddə qədər olacaq? Sözügedən məsələni dəyərləndirən iqtisadçı-ekspert Rəşad Həsənov MB-nin qərarını dəstəkləyir. Onun fikrincə, əvvəlcədən təklif olunurdu ki, iki valyutaya uyğun olaraq manatın məzənnəsi müəyyənləşdirilsin: "Burada səbətə indiki halda dollar və avronun daxil olması məqsədəuyğun idi. Məhz görünür ki, MB manata olan təzyiqlərdən irəli gələrək bu addımı atıb. Həmçinin, MB valyuta ehtiyatlarının əriyib sıradan çıxmasının qarşısını almaq məqsədilə bu sistemə keçib. Ümumiyyətlə, bu addımı manatın ucuzlaşmasına start kimi qiymətləndirmək olar. Bu siyasətə keçilirsə, bu o deməkdir ki, manatı avroya uyğunlaşdırmaq lazımdır. Prezidentin də çıxışında qeyd edildiyi kimi təxminən 1 manat 1 avroya uyğunlaşdırılmalıdır. Belə olacaqsa, təxminən 1 manat 1,13 dollara qədər düşəcək. Burada təxminən 10 faiz ucuzlaşmadan söhbət gedir. Bunları nəzərə alaraq mərhələli şəkildə maliyyə bazarlarında manevr edərək, manatın məzənnəsinin kəmiyyət yumşaldılması prosesi həyata keçiriləcək. Bu günə qədər hökumətin mövqeyindən hiss olunan odur ki, manatın stabil saxlanması və məzənnəsinin möhkəm olması iqtisadi və siyasi bir prioritet hesab olunurdu. Artıq bu gün qərar verilibsə, bu o deməkdir ki, prosesə start verildi".
R.Həsənovun fikrincə, bir çox inkişaf etmiş ölkələr öz milli valyutasının ucuzlaşmasında maraqlıdır: "Dünya iqtisadiyyatında ciddi mövqeyi olan ölkələr, hətta Avropa Birliyi kimi bir qurum və yaxud da Yaponiya kimi iqtisadiyyatı güclü olan bir dövlət öz valyutalarını dəyərdən salaraq ucuzlaşdırmaq istiqamətində addımlar atır. Belə olan təqdirdə, düşünürəm ki, MB bu qərarın verilməsində gecikib. Ancaq yenə də qərar qəbul edildi. Ölkənin baş bankı bazara nəzarəti itirməyi düşünmür. Çünki Rusiya Mərkəzi Bankı bu addımı atdı və ötən ilin dekabrında ciddi bir təhlükə ilə üzləşdi. Ona görə də yenidən bazara maliyyə müdaxiləsi etmək məcburiyyətində qaldı. O üzdən, Azərbaycan MB-si bunu nəzərə alacaq. Artıq müşahidə edirik ki, vətəndaşlar manatla olan əmanətlərini geri çəkərək dollarla dəyişərək yenidən banka yatırırlar. Böyük ehtimalla bazara dolların az şəkildə buraxılması və ya əmanətlərin manat şəklində müəyyən həddə qəbul edilməsi və ya manatla olan əmanətləri vətəndaşların geri çəkməsi halında məhdudiyyət tətbiq ediləcək. Çünki Rusiya da belə etmişdi".

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...