«Cənub Qaz Dəhlizi» İlham Əliyevin yox, Avropanın ümidinə qalsaydı...

Tarix: 17.02.2015 / 02:13
Bölmə: İqtisadiyyat

Fikrət Yusifov: «Bu layihənin baş tutması Azərbaycan Prezidentinin siyasi iradəsi və qətiyyəti sayəsində mümkün olub»

«Bu çox böyük uğurdur»

Bakıda keçirilən «Cənub Qaz Dəhlizi» Koordinasiya Şurasının ilk iclası Azərbaycanın Avropanın enerji sektorunda əhəmiyyətli rol oynayacağından xəbər verdi. Rəsmi Bakının əsas təşəbbüskarı olduğu «Cənub Qaz Dəhlizi» layihəsi Avropa üçün xilas yolu hesab olunur.

Təsadüfi deyil ki, «Cənub Qaz Dəhlizi» layihəsi üzrə Məşvərət Şurasının Bakıda keçirilən ilk iclasında da iştirakçılar bu məqamı xüsusi vurğuladı.

Faktiki olaraq Azərbaycan Avropa üçün yeganə yeni qaz mənbəyi rolunda çıxış edir. İndiyə qədər Avropa bir sıra layihələri reallaşdırmaq istəsə də, bu alınmayıb. «Nabucco»nun iflası deyilənlərə əyani sübutdur. Məhz Azərbaycanın təşəbbüsü ilə «Cənub Qaz Dəhlizi» layihəsi reallaşır. «Nabucco» tarixə qovuşandan sonra Avropanın enerji təminində suallar ortaya çıxdı. Belə bir məqamda Azərbaycan qazının Avropaya çıxaran mövcud kəmərlərin istifadəsi gündəmə gəldi. 2011-ci ildə Avropa Birliyi ilə Azərbaycan hökuməti arasında Xəzər qazının birbaşa Avropaya çıxarılması haqda birgə bəyanat imzalandı və TANAP-TAP layihələri ortaya çıxdı. 2012-ci ildə Azərbaycan və Türkiyə hökumətləri bu layihə üzrə razılıq əldə etdi.

TANAP layihəsi 7 milyard dollar sərmayə ilə 6 ildə həyata keçiriləcək. İlk mərhələ 2018-ci ildə başa çatacaq. 2020-ci ildə kəmərin buraxılış qabiliyyəti ildə 16 milyard kubmetrə, 2023-cü ildə 23 milyard kubmetrə, 2026-cı ildə isə 31 milyard kubmetrə çatdırılacaq.

TAP «Cənub Qaz Dəhlizi» layihəsində yekun mərhələdir. Türkiyə-Yunanıstan sərhədindən başlayaraq Adriatik dənizinin dibi ilə qazı daşıyacaq kəmər Albaniya ərazisindən keçərək İtaliyaya qədər uzanacaq. 20 milyard kubmetr həcmində nəzərdə tutulan kəmərin yükgötürmə qabiliyyəti sonrakı illərdə artırıla bilər.

«Cənub Qaz Dəhlizi» layihəsinin arxasında siyasi iradə Azərbaycan Prezidenti İlham Əliyevə məxsusdur. Prezident İlham Əliyevin təşəbbüsü ilə həyata vəsiqə alan layihə təkcə Azərbaycana yox, Avropanın ən azı 7 ölkəsinə iqtisadi və siyasi dividendlər gətirəcək.

Sözügedən məsələni dəyərləndirən «Ekonomiks» Beynəlxalq İqtisadi Araşdırmalar Birliyinin sədri Fikrət Yusifovun sözlərinə görə, CQD regionda yeni beynəlxalq layihələrin reallaşmasına əsas yaratmaqla yanaşı, Qara dəniz və Xəzər dənizi hövzələrinin dövlətləri üçün yeni imkanlar açacaq: «Bu layihənin baş tutması Azərbaycan Prezidentinin siyasi iradəsi və qətiyyəti sayəsində mümkün olub. Layihənin reallaşdırılması Azərbaycanın iqtisadi müstəqilliyinin daha da artırılmasına, təkcə regionda deyil, iqtisadi cəhətdən inkişaf etmiş ölkələr sırasında daha layiqli yer tutmasına və onun siyasi mövqeyinin daha da möhkəmlənməsinə çox gözəl zəmin yaradacaq. Layihənin reallaşmağa başlayacağı 2015-ci ilin əvvəlində Bakıda CQD Məşvərət Şurası çərçivəsində nazirlərin görüşünün keçirilməsi böyük əhəmiyyət kəsb edir. Heç şübhə yoxdur ki, bu müzakirələr layihənin uğurla icra edilməsi istiqamətində atılan çox vacib bir addımdır. Keçən ilin sonlarında Rusiya Prezidenti Putinin Ankaraya səfəri zamanı Rusiyanın «Cənub axını» qaz layihəsindən imtina etməsi istiqamətində bəyanatından sonra CQD layihəsi daha böyük əhəmiyyət kəsb etməyə başladı».

DİGƏR XƏBƏRLƏR

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...