Azərbaycan qızıl ehtiyatını artırır

Tarix: 17.02.2015 / 01:43
Bölmə: İqtisadiyyat

Dünya bazarlarında son dövrlər qızılın yenidən bahalaşması müşahidə olunmaqdadır. Bu şəraitdə bir çox ölkələr maliyyə itkilərini sığortalamaq üçün qızıl alışına daha çox diqqət yetirməkdədir. Böyük maliyyə ehtiyatlarına malik ölkə kimi Azərbaycan da valyuta ehtiyatlarının tərkibində qızılın miqdarının artırılmasına getdikcə daha çox önəm verir. Qeyd edək ki, təkcə ötən il qızılın qiyməti 7%-dən çox bahalaşıb.

«Thomson Reuters GFMS» təşkilatının hesabatına görə, bir çox ölkələr qızıl alışını artırır. 2014-cü ildə Azərbaycan 10 ton qızıl alıb. Təşkilatın statistik məlumatlarına əsasən, 2014-cü ildə dünyanın mərkəzi bankları tərəfindən ümumilikdə 461 ton qızıl alınıb ki, bu da 2013-cü illə müqayisədə 13% çoxdur. 2014-cü ilin göstəricisi 1971-ci ildə dollarların qızıla konvertasiyasının ləğv olunduğu vaxtdan ən yüksək göstəricidir.

2014-cü ildə Rusiyanın Mərkəzi Bankı ümumilikdə 152 ton qızıl alıb. Ötən il Rusiyanın aldığı qızılın həcmi dünyanın mərkəzi banklarının aldığı həcmin üçdə birini təşkil edir. Belə ki, keçən il Rusiyanın aldığı qızılın həcmi Sovetlər İttifaqının dağılmasından sonra ən yüksək səviyyədə olub. Moskvanın böyük həcmdə qızıl alması dollardan asılılığa son qoymaq, həmçinin məzənnəsi aşağı düşən rublu saxlamaq arzusu ilə izah olunur. GFMS-in statistik məlumatlarına əsasən, Mərkəzi Asiya ölkələri də qızıla böyük maraq göstərir. 2014-cü ildə Qazaxıstan 46 ton, İraq 2014-cü ilin birinci yarısında 48 ton qızıl alıb. «Moody`s» mütəxəssislərinin fikrincə, neftin ucuzlaşması fonunda qızılın qiymətinin daha da yüksəlməsi qaçılmaz olacaq. Baş verənləri şərh edən iqtisadçı ekspert Samir Əliyev qızıl alışının artırılması ildə bağlı qeyd edir: «Dünya Qızıl Şurasının son hesabatına əsasən, 2014-cü ildə qızıla olan qlobal tələbat 4% azalaraq 3924 tona düşüb. Halbuki, 2013-cü ildə qızıl alışı 4088 ton olub. Bu, 2009-cu ildən bəri ən aşağı göstəricidir. Azalma bütün kateqoriyadan olan qızıl məmulatlarında müşahidə edilib. Yeganə olaraq mərkəzi banklar qızıl tələbatına dəstək veriblər. Qızılın əsas komponenti olan zərgərlik məmulatlarına tələbat 10% azalaraq 2153 ton olub. Mərkəzi bankların qızıl alışı ötən il 17% artıb. Ümumilikdə banklar tərəfindən 477,2 ton qızıl alınıb ki, bu da son 50 ildə ikinci ən yüksək göstəricidir. Qızılın əsas alıcıları MDB ölkələri, o cümlədən Azərbaycan olub». Ekspert xatırladır ki, Dövlət Neft Fondunun ehtiyatlarında isə 30 tondan çox qızıl var və aktivlərdə payı 3.1%-dir. Qızılın dəyəri 1 milyard 150 milyon dollar məbləğində qiymətləndirilir. 2014-cü ildə Neft Fondu qızıl alışı həyata keçirməyib. İstənilən halda isə valyuta ehtiyatlarının tərkibinə qızıl ehtiyatının daxil edilməsi məqbul sayılır. Qızılın qiymətindəki artım tempinin davam edəcəyi proqnozlaşdırılsa da, hələlik kəskin yüksəliş gözlənilmir. Bununla belə, 2015-ci ildə bütövlükdə qızılın dəyər qazanacağı proqnozlaşdırılır. Azərbaycanda da qızılın qiymətində bu fonda yaxın günlərdə artımların olacağı gözlənir. Bunun əsas səbəbi dünya bazarında müşahidə edilən artımlar nəticəsində idxal olunan analoji məhsulların xərcinin yüksəlməsi ilə yanaşı, bu il yanvarın 1-dən aksiz vergisi dərəcəsinin artırılması ilə bağlıdır.

Onu da qeyd edək ki, ölkənin özünün də təbii qızıl ehtiyatlarından daxil olan miqdarın artması gözlənir. Belə ki, son illərdə kəşf olunmuş yataqlar hesabına ölkənin qızıl ehtiyatları 2 dəfədən çox artıb. Məlumatlara görə, Azərbaycanın 25 bölgəsində 192 müxtəlif təyinatlı yatağın ehtiyatları balansa alınıb. Bu illər ərzində kəşf olunaraq balansa götürülmüş qızıl yataqlarının bazasında istehsal prosesi təşkil edilməklə Azərbaycan qızıl istehsal edən ölkələr sırasına qoşulub. Xatırladaq ki, ötən illərin sonunda faydalı qazıntıların kəşfiyyatı istiqamətində Gədəbəy rayonunda mis polimetal filizlərində nüvə geofiziki tədqiqat üsulları ilə platin, qızıl, mis və sinkin yüksək miqdarı müəyyən edilib. Hazırda xüsusi maraq dairəsində olan məsələ tapılan yataqlarda hasil olan məhsulun ölkənin qızıl ehtiyatlarının tərkibinə daxil edilməsidir.

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...