Olmasın Rusiya, olsun İranla 24 saatlıq gömrük rejimi...

Tarix: 16.02.2015 / 01:20
Bölmə: İqtisadiyyat

Rəsul Cahangirli: «İranın nə əhalisinin sayı, nə də bazarı Rusiya ilə müqayisə ediləsidir»

«Gömrük məntəqəsinin 24 saatlıq iş rejiminə keçməsi iki ölkə arasında ümumi ticarət dövriyyəsinin artmasına təsir göstərəcək»

Biləsuvar Gömrük İdarəsinin «Qoşa Təpə» gömrük postunda Azərbaycan və İran gömrükçüləri arasında gömrük və sərhəd məsələləri ilə əlaqədar növbəti görüş keçirilib. Görüş Azərbaycan Dövlət Gömrük Komitəsi və İran Mərkəzi Gömrük İdarəsi arasında imzalanmış Anlaşma Memorandumunun müddəalarına müvafiq olaraq gerçəkləşib.

Görüşdə İran İslam Respublikasını Biləsuvar Gömrük İdarəsinin rəisi Siyavuş Surinin, Azərbaycan Respublikasını isə Dövlət Gömrük Komitəsi Biləsuvar Gömrük İdarəsinin rəisi Sahib Axundovun rəhbərlik etdiyi nümayəndə heyətləri təmsil edib. Azərbaycan nümayəndə heyətinin rəhbəri S.Axundov qonaqları salamlayaraq iki ölkə arasında tarixi-mədəni əlaqələrdən, eləcə də qarşılıqlı əməkdaşlığa əsaslanan ticarət-iqtisadi münasibətlərdən söhbət açıb.

Görüşdə Azərbaycan və İran gömrük-sərhəd buraxılış məntəqələri arasında cari məsələlərlə bağlı fikir mübadiləsi aparılıb. Tərəflər fiziki şəxslərin gediş-gəlişi zamanı yaranan çətinliklərin aradan qaldırılması, müəyyən olunmuş normalar əsasında əl yüklərinin buraxılması məsələlərinə toxunub. Bundan başqa, görüşdə 24 saatlıq iş rejiminə keçid, Naxçıvan Muxtar Respublikasından gələn nəqliyyat vasitələrinin yanacaq çənlərinə tətbiq olunan cərimələr və bir sıra digər məsələlər ətraflı müzakirə olunub.

İran İslam Respublikası Biləsuvar Gömrük İdarəsinin rəisi S.Suri 24 saatlıq iş rejiminə keçmək üçün artıq yekun işlərin görüldüyünü və Novruz bayramından sonra birgə fəaliyyətin gerçəkləşəcəyinə əminliyini ifadə edib.

Son vaxtlar Rusiyada müşahidə olunan böhranla əlaqədar bu ölkəyə Azərbaycandan kənd təsərrüfatı məhsullarının ixracı azalıb. Rus rublunun sürətlə dəyərdən düşməsi bu məsələdə başlıca rol oynayan faktordur.

Maraqlıdır, Azərbaycanın İranla həmsərhəd Biləsuvar gömrük məntəqəsinin 24 saatlıq iş rejiminə keçməsi bu sahədə boşluğun doldurulmasında nə kimi rol oynaya bilərğ O cümlədən iki ölkə arasında ticarət dövriyyəsinin artmasında faydası nə ola bilər?

Məsələyə münasibət bildirən ekspert Rəsul Cahangirli buna bir neçə prizmadan yanaşdı. Onun fikrincə, gömrük məntəqəsinin 24 saatlıq iş rejiminə keçməsi iki ölkə arasında ticarət dövriyyəsinin artmasına müsbət təsir göstərəcək: «Ancaq Rusiyaya ixrac olunan kənd təsərrüfatı məhsullarının böyük bir hissəsinin İrana göndəriləcəyini demək doğru olmaz. Əvvəla İran Rusiya qədər Azərbaycandan kənd təsərrüfatı məhsulu idxal etmir. Çünki İranın nə əhalisinin sayı, nə də bazarı Rusiya ilə müqayisə ediləsidir. Rusiyanın hər iki sahədə sadalanan potensialı və buna müvafiq olaraq tələbatı daha böyükdür. Azərbaycan Rusiyanı bir sıra ənənəvi kənd təsərrüfatı məhsulları ilə təmin edən ölkədir. Bununla bağlı uzun illərdir Rusiyada müəyyən infrastruktur, ənənələr formalaşıb. Ona görə də İran bazarı Rusiyanın yerini doldura bilməz. Bütün bunlara baxmayaraq, gömrük məntəqəsinin 24 saatlıq iş rejiminə keçməsi iki ölkə arasında ümumi ticarət dövriyyəsinin artmasına təsir göstərəcək».

DİGƏR XƏBƏRLƏR

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...