«AzerGold» neftin qiymət böhranı şəraitində ölkəmizə gəlir gətirəcək yeni istiqamət kimi...

Tarix: 13.02.2015 / 02:36
Bölmə: İqtisadiyyat

Fikrət Yusifov: «Prezident ehtiyatları müvafiq qaydada təsdiqlənmiş yataqların sayının getdikcə artdığını nəzərə alaraq...»

«Ölkədə bu səlahiyyətlər müxtəlif aidiyyəti qurumlar tərəfindən icra edilirdi»

Məlum olduğu kimi, İlham Əliyev «AzerGold» Qapalı Səhmdar Cəmiyyətinin yaradılması haqqında Sərəncam imzalayıb. Prezidentin sərəncamında qeyd edilir ki, səhmləri dövlətə məxsus olan «AzerGold» Qapalı Səhmdar Cəmiyyəti (bundan sonra - Cəmiyyət) yaradılsın.

Sərəncama əsasən, Cəmiyyət tərəfindən əlvan metal filizi yataqlarının öyrənilməsinin, tədqiqinin, kəşfiyyatının, işlənməsinin və idarə olunmasının, bu sahədə yeni texnologiyaların tətbiqinin, maddi-texniki bazanın müasirləşdirilməsinin və ondan səmərəli istifadənin, habelə bu sahənin inkişafı ilə bağlı digər işlərin yerinə yetirilməsi müəyyən edilib.

QSC-də ümumi yığıncağın səlahiyyətlərinin həyata keçirilməsi bir neçə dövlət orqanlarına həvalə edilib.

Son dövrlər struktur islahatlarının dərinləşdirilməsi ekspertlər tərəfindən müsbət qarşılanır. Bu tədbirlər ölkənin dinamik və davamlı inkişafını təmin edən faktorlardan biridir. Bu baxımdan «AzerGold» Qapalı Səhmdar Cəmiyyətinin yaradılması ölkədə çoxşaxəli iqtisadiyyatın inkişafına təkan verir.

Sözügkdən məsələni şərh edən «Ekonomiks» Beynəlxalq İqtisadi Araşdırmalar Birliyinin sədri Fikrət Yusifov məsələyə bir neçə rakursdan yanaşır: «Bu günə qədər Azərbaycanda əlvan metal yataqlarının öyrənilməsi, kəşfiyyatı və bütövlükdə bu sahədəki məsələlərin idarə olunması işləri bir mərkəzdən həyata keçirilmirdi. Ölkədə bu səlahiyyətlər müxtəlif aidiyyəti qurumlar tərəfindən icra edilirdi. Bu gün ölkədə ehtiyatları təsdiq edilmiş onlarla yeni müxtəlif əlvan metal yataqları mövcuddur. Böyük və Kiçik Qafqazın Azərbaycan hissəsində əlvan metallardan mis, qurğuşun, sink, kobalt, civə, sürmə filizlərinin geniş yataqları mövcuddur. Mis ehtiyatları əsasən respublikanın Balakən-Zaqatala, Gədəbəy, Qarabağ və Ordubad filiz rayonlarında cəmləşib. Kiçik Qafqazın Qazax filiz rayonunda, Naxçıvanın Ordubad filiz rayonunda qurğuşun ehtiyatları qiymətləndirilib və proqnoz resursları hesablanıb. Avropada ən nəhəng yataq hesab olunan və dünyanın ən iri yataqları sırasına daxil olan «Filizçay» kolçedan-polimetal yatağının sənaye ehtiyatları təsdiq olunub. Kiçik Qafqaz ərazisində qurğuşun və sink filizləşməsi əsasən damar tipli kütlələr şəklində yayılıb və çox da böyük yataqlar əmələ gətirib. Naxçıvan MR-nın Şərur və Ordubad rayonlarında sənaye ehtiyatları təsdiq edilmiş qurğuşun-sink yataqları mövcuddur. Respublikada böyük aliminium ehtiyatları var. Daşkəsən rayonunun ərazisində «Zəylik» alunit filizləri yatağı mövcuddur. Bu yataq respublika üzrə ümumi filiz ehtiyatlarının 29,7 faizini təşkil edir. Kəlbəcər filiz rayonunda civənin dövlət balansında qeydə alınmış sənaye ehtiyatları yerləşən 4 yatağı mövcuddur».

F.Yusifovun fikrincə, Azərbaycan ərazisində qızılçıxarma sənayesi üçün böyük perspektivlər var: «Son onilliklər ərzində aşkar edilmiş çoxsaylı qızıl yataqları potensial qızıl ehtiyatlarının az bir hissəsini təşkil edir.

Hazırda respublikada 10-dan artıq ehtiyatları təsdiq edilmiş qızıl yatağı mövcuddur.

Təbii ki, Prezident ehtiyatları müvafiq qaydada təsdiqlənmiş yataqların sayının getdikcə artdığını nəzərə alaraq bu sahədəki işlərin daha yaxşı koordinasiya edilməsi və mövcud yataqların istismarının müasir tələblərə cavab verə biləcək bir səviyyədə qurulub aparılmasını təmin etmək məqsədilə «AzerGold» Qapalı Səhmdar Cəmiyyətinin yaradılması barədə Sərəncam imzaladı».

DİGƏR XƏBƏRLƏR

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...