Azərbaycanda vergitutma bazası genişləndirilə bilər

Tarix: 11.02.2015 / 01:17
Bölmə: İqtisadiyyat

Rəsul Cahangirli: "Vergitutma bazası nə qədər geniş və çoxşaxəli olsa, bu, ölkənin dinamik inkişafına bir o qədər stimul verə bilər"

"Eyni zamanda bu, ölkədə qeyri-neft sektorunun inkişafına şərait yaradacaq"

Bakıda keçirilən Vergilər Nazirliyinin yaradılmasının 15 illik yubileyinə həsr olunmuş "Azərbaycanın vergi sistemi: reallıqlar və perspektivlər" mövzusunda iki günlük IV Vergi Forumunda çıxışı zamanı Dünya Bankının Bakı nümayəndəliyinin rəhbəri Larisa Leşşenko bir sıra məqamlara toxunub.
Onun sözlərinə görə, bankın proqnozlarına görə, cari il neftin qiyməti təxminən 1 barrel üçün 53 dollar səviyyəsində olacaq, növbəti ildə 57 dollara bərabər olacaq. Bunu nəzərə alaraq, L.Leşşenko Azərbaycan hökumətinə vergitutma bazasını genişləndirməyi məsləhət görüb: "Bu sahədə əsas indikator qeyri-neft sektorunun artımı məsələsidir. Bilirik ki, hazırda qeyri-neft sektoru ildə 9-10 faiz artıb. Eyni zamanda, bu sektordan əldə olunan gəlirlərin ÜDM-ə nisbəti azalmaqdadır. Ona görə qeyri-neft sektorunda yeni yanaşmalar olmalıdır, yeni müəssisələr yaradılmalıdır. Dünya Bankının göstəricilərinə əsasən, Azərbaycan vergitutma sahəsində böyük uğurlar əldə edib. Bəzi sektorlar var ki, vergi ödəmir. Bu da həm vergiyə, həm də bazar iştirakçılarına mənfi təsir edir. İnanıram ki, bu sektorlar tədricən vergi sisteminə cəlb olunacaq. Bu, tək vergi sisteminə yox, həm də həmin sektorlara daha sürətli inkişaf etməyə imkan verəcək. Neftin mövcud qiymətləri və əldə olunan gəlirlərində azalma müəyyən müddət davam edəcək. Buna görə, düşünürük ki, müxtəlif proqramlar, fiskal konsolidasiya, yeni gəlir mənbələrinin axtarışı məsələsi əhəmiyyət daşıyır. Bu, ölkənin neft gəlirlərinin üzləşdiyi itkiləri əvəzləyə bilər".
Ümumilikdə, ekspertlər DB-nin hökumətə vergitutma bazasının genişləndirilməsi ilə bağlı tövsiyələrini necə dəyərləndirir?
Məsələyə münasibət bildirən ekspert Rəsul Cahangirli, prinsipcə, DB-nin tövsiyələrini müsbət qiymətləndirdi: "Məsələ ondadır ki, vergitutma bazası nə qədər geniş və çoxşaxəli olsa, bu, ölkənin dinamik inkişafına bir o qədər stimul verə bilər. Ən başlıcası, büdcənin enerji daşıyıcılarından asılılığının azalmasına təsir göstərəcək. Bununla yanaşı, vergitutma bazasının genişləndirilməsi vergidən yayınma hallarının azalması deməkdir. Elə xidmət sektoru sahələri var ki, orada vergidən yayınma halları daha çox özünü göstərir. Əldə olunan gəlirlərlə ödənilən vergi arasında uyğunsuzluq var. Hesab edirəm ki, həmin sahələrə nəzarətin artırılması vergi yığımında müəyyən müsbət nəticələrə gətirib çıxara bilər. Başqa bir tərəfdən, bəzi sahələrdə işəgötürənlər işçilərlə əmək müqaviləsi bağlamaqdan yayınır.
Fikrimcə, bu istiqamətdə səylərin artırılması işin xeyrinə ola bilər. Ümumilikdə, bu və digər tədbirlərin kompleks şəkildə görülməsi vergitutma bazasının genişləndirilməsinə şərait yaradacaq. Eyni zamanda bu, ölkədə qeyri-neft sektorunun inkişafına şərait yaradacaq".

DİGƏR XƏBƏRLƏR

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...