Rubl Azərbaycandan Rusiyaya ixrac üçün növbəti problem yaradır

Tarix: 11.02.2015 / 02:38
Bölmə: İqtisadiyyat

Dünya bazarlarında neftin qiymətinin düşməsi, Qərbin tətbiq etdiyi yeni sanksiyalar Rusiya rublunun yenidən dəyər itirməsinə gətirib çıxarıb. Belə vəziyyət Rusiyaya məhsul ixrac edən ölkələrə də təsir edir. Hesab edilir ki, rubl bu templə dəyər itirməkdə davam edərsə, Azərbaycandan da cari il ərzində Rusiyaya ixracın həcmi azalacaq.
Xatırladaq ki, Qərb ölkələri Rusiya iqtisadiyyatını daha zəif hala gətirmək üçün yeni saknsiyaların tətbiqinə hazırlaşır. Belə ki, Avropa Birliyi ölkələrinin xarici işlər nazirləri fevralın 9-da Brüsseldə Rusiyaya qarşı sanksiyaların genişləndirilməsini təsdiqləyib. Amma yeni sanksiyaların tətbiqi fevralın 16-dək təxirə salınıb. Fransanın xarici işlər naziri Loran Fabius "Reuters" agentliyinə bildirib ki, məqsəd Ukrayna böhranının həlli ilə bağlı sülh cəhdlərinə mane olmamaq, dialoqun baş tutmasına vaxt verməkdir. O qeyd edib ki, hadisələrin gedişi Minskdə gözlənilən dördtərəfli sammitin nəticələrindən asılı olacaq. Ukraynada gedən şiddətli döyüşlər isə sanksiyaların tətbiqinin qaçılmaz olacağını göstərir. Yeni sanksiyalarda yeni şəxslərə qarşı viza qadağası və onların bank hesablarının dondurulması nəzərdə tutulur. Böyük Britaniyanın xarici işlər naziri Filip Hamond bildirib ki, nə qədər ki Rusiyanin Ukraynaya qarşı təcavüzü davam edir, Avropa öz mövqeyində möhkəm durmalıdır. Bütün bunlar Rusiya ilə Qərbin sanksiyalar savaşının davam edəcəyini göstərir və belə vəziyyət şimal qonşumuz üçün müsbət heç nə vəd etmir. Rusiyanın "qazeta.ru" portalı bu fonda yazır ki, rusiyalı idxalçılar bu il heç vaxt rastlaşmadıqları çətinliklərlə üzləşəcək. Nəşrin yazdığına görə, rusiyalıları gözləyən çətinliklərin səbəbi odur ki, xarici təchizatçılar və ixracatçılar valyutanın kursunun tez-tez dəyişməsindən qorxaraq Rusiyaya göndərəcəkləri məhsulların haqqının tam şəkildə qabaqcadan ödənməsini tələb edir.
Bildirilir ki, bu qaydalar ən çox pal-paltar satışında ciddi problemlərə səbəb olacaq. Paltar və ayaqqabı satışı dükanları yaz-yay mövsümü üçün adətən idxal etdikləri məhsulun indi uzaqbaşı 15 faizini idxal edə biləcək. Bu isə mağazaların faktiki olaraq boş qalacağı deməkdir. Onların əlində nağd pul kütləsi olmadığı üçün mal almaqda çətinlik çəkəcəklər.
Ekspertlər bildirir ki, əvvəlki "satıb ödəmək" qaydasının "nağd alıb satmaq" qaydası ilə əvəzlənməsi Rusiyanı boş piştaxtaların adi hal sayıldığı 1990-cı illərin əvvəllərinə qaytarır. Rusiyada heç bir idxalatçı 90-cı illərin ortalarından bəri nağd pula mal alıb-satmayıb. Ərzaq məhsulları ilə də bağlı eyni qayda tətbiq edilir. Nəşr qeyd edir ki, bütün bunlar Rusiyada kəskin ərzaq və məhsul qıtlığına gətirib çıxaracaq. Bu qıtlıq isə, öz növbəsində, dükanların qarşısında, Qorbaçov və Yeltsin vaxtlarında olduğu kimi, uzun növbələrin yaranmasına səbəb olacaq. Rusiya Mərkəzi Bankının rəhbəri Elvira Nabiullina isə bildirir ki, Rusiyada inflyasiya 15%-dən çox olacaq. Qeyd edək ki, Elvira Nabiullina bir müddət bundan öncə verdiyi açıqlamada Rusiyanı qarşıda ağır günlərin gözlədiyini və rublun qiymətinin bundan sonra da ucuzlaşmaqda davam edəcəyini bildirmişdi. Belə vəziyyət isə, yuxarıda da qeyd olunduğu kimi, Azərbaycandan da Rusiyaya ixracın həcminə təsir etmək iqtidarındadır. İqtisadçı ekspert Natiq Cəfərli bununla bağlı deyir: "Rublun kursu hər gün dəyişir, demək olar ki, sabah və axşam kursları arasında da fərq var. Buna görə də iş adamları hər bir biznes müqaviləsi üzrə Rusiya ilə işləyərkən bunu nəzərə alır. Yəni onlar rublun daha da ucuzlaşacağı ilə bağlı gözləntiləri qiymətin üzərinə gəlmək məcburiyyətində qalır ki, sonradan dolların məzənnəsi qalxdıqda bu əməliyyatdan uduzmasın. Rusiyanın Avropa və Amerika kənd təsərrüfatı məhsullarına embarqosu üzündən Azərbaycandan bu ölkəyə ixracın artacağı gözlənirdi. Görünən odur ki, kursun oynaqlığı azərbaycanlı fermerlərin Rusiyada iş görmək həvəsini öldürüb. Bu da, öz növbəsində, Azərbaycandan bu ölkəyə ixrac olunan məhsulların həcminin azalması ilə nəticələnib. İkinci bir təsir isə orada yaşayan azərbaycanlılarla bağlıdır ki, bu da Rusiyadan gələn gəlirlər hesabına dolanan ailələrin sosial vəziyyətini pisləşdirəcək".
Ekspertlərin böyük əksəriyyəti bu fikirdədir ki, yaxın tezlikdə Rusiya iqtisadiyyatında vəziyyətin yaxşılaşmasını gözləməyə dəyməz. Bu isə Rusiyanın digər ölkələr, o cümlədən də Azərbaycanla ticarətinə mənfi təsir edəcək.

DİGƏR XƏBƏRLƏR

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...