Dünyanı gözləyən yeni dəhşətli böhranın Azərbaycana təsiri minimal olacaq

Tarix: 10.02.2015 / 02:33
Bölmə: İqtisadiyyat

Qlobal iqtisadiyyatda artım tempinin zəifləməsinin yeni maliyyə böhranına gətirib çıxara biləcəyinə dair verilən proqnozların sayı artır. Proseslər bundan əziyyət çəkən ölkələrin sayının kifayət qədər olacağını göstərir. Bu arada Beynəlxalq Valyuta Fondu və Dünya Bankı dünya ticarəti üçün pessimist bir proqnoz verib. İki təşkilatın ortaq apardığı araşdırmada dünya ticarətindəki böyümənin artıq zirvəyə çatdığı və tədricən aşağı düşəcəyi bildirilir.
Dünya Bankı həmçinin qlobal iqtisadiyyatın bu il 3 faiz, 2016-da 3,3 faiz və 2017-də isə 3,2 faiz artacağını gözləyir. Bu isə əvvəl verilən proqnozlardan aşağıdır. Qurumun "Qlobal İqtisadi Proqnozlar-2015" hesabatında deyilir ki, qlobal iqtisadi artımın tempi əvvəlki kimi yüksək deyil: "Bu qeyri-müəyyən iqtisadi mühitdə inkişaf etməkdə olan iqtisadiyyatlar ağıllı bir şəkildə ictimai proqramları dəstəkləmək üçün resurslarını hərəkətə gətirməli, insanlara sərmayə qoymağa şərait yaradacaq struktur islahatları aparmalıdırlar. Özəl sektor investisiyalarının önündəki lazımsız maneələrin də qaldırılması son dərəcə mühümdür".
Bank neftin qiyməti ilə də bağlı elə xoş olmayan mövqe sərgiləyib. Qeyd olunur ki, neftin barrelinin qiyməti 2015-ci ildə 53 dollar, 2016-cı ildə isə 57 dollar təşkil edəcək. Dünya Bankının Azərbaycandakı nümayəndəsi Larisa Leşçenkonun sözlərinə görə, belə bir vəziyyətdə Azərbaycan da yeni çağırışlarla üzləşir: "Biz qlobal miqyasda mühitin dəyişdiyini görürük. Qeyri-müəyyənliklər ilə bağlı olaraq neft qiymətlərinin aşağı düşməsi nəticəsində müəyyən çətinliklər yaranır, Azərbaycan yeni çağırışlarla üzləşir. Bütün hökumət qurumları bu çağırışlara necə cavab veriləcəyini müəyyən etməlidir. Müvafiq tədbirlər görülməlidir". Larisa Leşçenko tövsiyə edib ki, Azərbaycan özəl sektorun inkişafına xüsusi fikir versin. Bununla belə, əksər ekspertlər bildirir ki, Azərbaycanda yaxın gələcəkdə iqtisadi böhran risqi ilə bağlı hər hansı bir təhlükə gözlənilmir.
İqtisadçı-ekspert Vüqar Bayramovun sözlərinə görə, Azərbaycan iqtisadiyyatında böhranın müşahidə edildiyini söyləmək doğru deyil və bu birmənalı şəkildə qərəzli yanaşmadır: "İndiki halda, Azərbaycan dövlət büdcəsinin gəlirləri ilə bağlı öhdəlikləri yerinə yetirir və bu məsələnin formalaşdırılmasında heç bir çətinlik yoxdur. O cümlədən dolların təzyiqlərinə baxmayaraq, manatın məzənnəsi stabil olaraq qalmaqdadır. Nəzərə alsaq ki, Azərbaycanda dövlət rezervinin həcmi 50 milyard dollara yaxındır, bu, bütövlükdə, ümumdaxili məhsulun 67%-ni təşkil edir. Azərbaycanın xarici borcu ÜDM-in cəmi 8%-ni təşkil edir, yəni bu o deməkdir ki, Azərbaycanın dövlət rezervi onun xarici borcundan 8 dəfə çoxdur. Yəni tam əminliklə demək olar ki, Azərbaycan praktiki olaraq özünü baş verə biləcək bütün qlobal və regional böhranlardan sığortalaya bilib". Onu da qeyd edək ki, neftin dünya bazarında qiymətinin aşağı düşməsi fonunda neft satışından əldə ədilən gəlirlərin azalmasının müşahidə olunması təkcə Azərbaycanda deyil, bütövlükdə, neft ölkələrində də müşahidə olunan bir prosesdir. Dövlət rezervlərinin həcmi, həmçinin xarici borcun ÜDM-dən dəfələrlə az olması, qeyri-neft sektorunun payının ÜDM-də 2015-ci ildə 65%-ə qədər yüksəlməsi əslində Azərbaycan hökumətinin xeyli müddət öncədən hazırda dünya bazarında neftin qiymətinin düşməsi prosesinə hazırlaşmasından xəbər verir. Bu səbəbdən də Azərbaycan vətəndaşı neftin qiymətinin düşməsini hiss etmir.
Vüqar Bayramov SİA-ya açıqlamasında bildirir ki, ümumiyyətlə 2015-ci ildə Azərbaycan iqtisadiyyatında hər hansı bir durğunluq gözlənilmir, proqnozlaşdırılmır: "Azərbaycan özünü bütün qlobal və regional iqtisadi durğunluqlardan tam şəkildə sığortalayıb. Hətta bu sığortalanma nəticəsində, demək olar ki, nəinki 2015-ci ildə, hətta gələcək bir neçə ildə də baş verə biləcək hər hansı bir sosial böhran Azərbaycana heç bir təsir göstərməyəcək". Beləliklə, real vəziyyət göstərir ki, dünya iqtisadiyyatında yaranan yeni problemlər Azərbaycan üçün hansısa ciddi çətinlik yaratmayacaq. Ölkənin böyük valyuta ehtiyatları da bu prosesdən etibarlı müdafiə üçün önəmli rol oynayır. Xatırladaq ki, bundan əvvəl də qlobal böhran zamanı Azərbaycan ən az təsirlənən ölkələrdən biri olub.

DİGƏR XƏBƏRLƏR

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...