Maşın satışı salonları manat-dollar islahatını təmkinli qarşıladı

Tarix: 24.02.2015 / 01:52
Bölmə: İqtisadiyyat

«KİA Motors» - Hüseyn Məmmədzadə: «KİA avtomobillərinin qiyməti 20 faiz qalxacaq»
«Nissan» şirkəti - Nigar: «Nissan» avtomobillərinin satışı dayandırılıb»
«Toyota» şirkəti: «Avtomobillərin satışı bir neçə günlük dayandırılıb»
«İmrotex Motors» - Elşən Məmmədov: «Hazırda avtomobil satışında heç bir məhdudiyyət yoxdur»
Azərbaycan Mərkəzi Bankının manatın devalvasiyası barədə qərarı avtomobil satışına da təsir göstərib. Yayılan məlumatlara görə, artıq bəzi avtomobil salonlarında maşınların satışı müvəqqəti olaraq dayandırılıb. Bunun da səbəbi yaxın günlərdə avtomobillərin satış qiymətinin qalxması ilə bağlıdır.
Məsələ ilə bağlı paytaxtda fəaliyyət göstərən bir neçə avtomobil salonları ilə əlaqə saxladıq. Onların bizə verdiyi cavab əhali arasında yayılan məlumatlarla üst-üstə düşdü.
«KİA Motors» şirkətinin əməkdaşı Hüseyn Məmmədzadə «Bakı-Xəbər»ə açıqlamasında qeyd etdi ki, avtomobillərin satışı dayandırılmayıb. Onun sözlərinə görə, valyuta məzənnəsində baş verən dəyişiklikdən sonra vəziyyət ürəkaçan deyil: «Artıq neçə gündür satış yoxdur. Salona, demək olar ki, alıcı daxil olmur».
H.Məmmədzadənin sözlərinə görə, satış yenə də milli valyuta olan manatla aparılacaq: «Bu, «KİA Motors» şirkətinin ümumi qərarıdır ki, satış əvvəlki qaydada manatla aparılsın. Amma qiymətlər isə əvvəlki qaydada olmayacaq. KİA avtomobillərinin qiyməti 20 faiz qalxacaq. Hər bir modelin qiymətində 20 faiz artım olacaq».
«Nissan» şirkətinin satış bölməsinin əməkdaşı Nigar xanım bizimlə söhbətində avtomobil satışının dayandırıldığını dilə gətirdi. Onun sözlərinə görə, fevralın 22-dən etibarən şirkət rəhbərliyinin verdiyi qərara əsasən, «Nissan» avtomobillərinin satışı bir neçə günlük dayandırılacaq: «Maşınların satışına icazə verilmir. Bunun da səbəbi manatın məzənnəsinin düşməsi, dolların yüksəlməsi ilə bağlıdır. Bir neçə gündən sonra avtomobillərin satışı bərpa olunacaq. Ancaq qiymətlərin hansı səviyyədə olacağı isə hələlik sual altındadır».
«Toyota» avtomobil salonundan da bizə maşınların satışının bir neçə günlük dayandırıldığı bildirildi: «Hazırda avtomobillərin satışı dayandırılıb. Çox güman ki, bir-iki günə satış bərpa olunacaq». «İmrotex Motors» şirkətinin satış üzrə meneceri Elşən Məmmədov qəzetimizə açıqlamasında bildirdi ki, hazırda avtomobil satışında heç bir məhdudiyyət yoxdur: «İstənilən alıcı rahat şəkildə salondan istədiyi avtomobili seçib ala bilər. Məlum valyuta dəyişikliyindən sonra avtomobil alıcılarının sayı azalıb. Demək olar ki, müştəri yox səviyyəsindədir». E.Məmmədov avtomobillərin satış qiymətinin qalxıb-qalxmaması barədə suala gəlincə, bildirdi ki, qiymət məsələsi rəhbərliyi də düşündürür: «Satış yenə də əvvəlki qaydada manatla aparılacaq. Amma avtomobillərin satış qiyməti hələ ki, əvvəlki qaydada qalır. Çox güman ki, gələcəkdə avtomobillərin satış qiymətində dəyişiklik olsun».

DİGƏR XƏBƏRLƏR

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...