Rusiya sanksiyalarının əks-sədası - Quba fermerləri almanı çaya axıdır...

Tarix: 09.02.2015 / 02:21
Bölmə: İqtisadiyyat

Dünya bazarlarında neftin qiymətinin cüzi şəkildə yüksəlməsi Rusiya rublunun da kursuna təsirsiz ötüşmür. Rubl avro və dollara nisbətdə müəyyən qədər möhkəmlənib. Lakin ekspertlər bunun müvəqqəti xarakter daşıya biləcəyini bildirir. Çünki Qərb ölkələri Rusiyaya qarşı yeni sanksiyalar tətbiq etməyi düşünür. Bu şəraitdə rublun yenidən dəyər itirməsi istisna olunmur.
Düzdür, Rusiya prezidenti Vladimir Putin Qərbin Moskvaya qarşı tətbiq etdiyi sanksiyaların effektiv olmadığını hesab edir, lakin onların ölkəyə zərər vurduğunu etiraf edir: "Biz bunu anlamalıyıq və bunu anlayaraq iqtisadiyyat sahəsində də suverenliyimizin səviyyəsini artırmalıyıq". İstənilən halda, Qərb sanksiyalarının rublun kursuna təsir göstərəcəyi proqnozlaşdırılır. Analitiklərin proqnozlarına görə, rubl dəyərdən düşəcəyi halda 2015-ci ildə Rusiyaya idxal ən azı 15 faiz, ən çoxu isə iki dəfə azalacaq. İdxalın azalmasına məhz rublun devalvasiyası səbəb olacaq. 2015-ci ildə rublla bağlı hazırkı kursun 1,5-2 dəfə azalması gözlənir. Ekspertlər Rusiyanın cari ili idxalın 8 faiz azalması ilə başa vuracağını deyir. Məlum olur ki, antisanksiya tədbirləri artıq idxalın 7 faiz azalmasına yol açıb. 2009-cu ildəki böhran dövründə də belə olduğunu xatırladan ekspertlər bildirir ki, idxal həmin vaxt 36 faiz azalmışdı. Onların fikrincə, 2015-ci ildə proseslər 2009-cu ildəkindən fərqli olacaq. Rəsmi məlumatlara əsasən, 2014-cü ildə idxal 310 milyard dollar, 2015-ci ildə 263 milyard dollar olacaq. Bütün bunlar, digər ölkələr kimi, Azərbaycandan da Rusiyaya məhsul axınının həcminə təsir edir. Çünki Rusiya MDB ölkələri arasında Azərbaycanın əsas ticarət tərəfdaşıdır. 2014-cü ildə Rusiya Azərbaycanın ticarət dövriyyəsində üçüncü sırada yer alıb. Həmçinin, rublun ucuzlaşması Azərbaycanın ixrac potensialını zəiflədir.
Məsələn, məlumatlara görə, artıq qubalı fermerlər alma satışının zəif olması səbəbindən məhsullarını çaylara tökürlər. Meyvənin yığımından 4 aydan çox vaxt keçsə də, bağbanlar tədarük edilən məhsulun satışında ciddi problemlərin olduğunu bilidirir. Meyvənin əsas satış bazarlarından sayılan Rusiyada rublun düşməsi, ölkə daxilində isə alıcılıq qabiliyyətinin aşağı olması tonlarla məhsulun tədarük məntəqələrində qalmasına səbəb olub. "Region TV"nin məlumatına görə, hazırda 1 kiloqram alma 10-15 qəpiyə alınır. Bağbanların sözlərinə görə, alış qiyməti meyvənin yetişdirilməsinə və saxlanmasına çəkilən xərcləri heç cür ödəmir.
Qeyd edək ki, Qubada 14724 hektar meyvə bağı var. Onun da əksəriyyətində alma yetişdirilir. Ötən il bağlardan 122 min 816 ton meyvə toplanıb. Əsas satış bazarı Rusiya olsa da, rublla bağlı yaranmış vəziyyət problemlərə yol açıb. Eyni vəziyyət digər kənd təsərrüfatı məhsullarında da müşahidə olunur. Daha bir problem isə Rusiyada rubla görə yüksələn inflyasiyadır. Bu hal Rusiyadan məhsul gətirilməsi zamanı idxal inflyasiyasına səbəb olur, eyni zamanda yerli istehsalı sıradan çıxarır. Ölkəmizdə də Rusiyadan gələn mallar ucuzlaşır. Bu isə yerli istehsala mənfi təsir edir. Eyni situasiya ilə üzləşən Qazaxıstan hökuməti, vəziyyətdən çıxış yolu kimi, rublun dəyərdən düşməsi nəticəsində ciddi şəkildə ucuzlaşan və bununla da Qazaxıstanın daxili bazarına təhlükə törədən bəzi məhsulların Rusiyadan idxalına embarqo tətbiq etməyi düşünür. Məsələ ilə bağlı "Kommersant" qəzeti Rusiya Kənd Təsərrüfatı Nazirliyi və Avrasiya İqtisadi Komissiyasına istinadən məlumat yayıb ki, Astana Rusiyadan neft məhsullarının, avtomobillər və onlar üçün akkumulyatorların, tikinti armaturları, ət, toyuq yumurtası, makaron, qənnadı məmulatları, un və şirələrin idxalını qadağan etmək və ya məhdudlaşdırmaq niyyətindədir. Qazaxıstan öz mövqeyini belə əsaslandırır ki, rublun devalvasiyası nəticəsində qazax istehsalçıları Rusiya malları ilə qiymətdə rəqabət apara bilmir. Bu səbəblə Qazaxıstan Milli Sahibkarlar Palatası ölkə hökumətini Rusiyadan toyuq ətinin, unun idxalına tam qadağa qoymağa, toyuq yumurtasının idxalına kvota tətbiq etməyə çağırıb. Lakin Rusiya Kənd Təsərrüfatı Nazirliyindəki mənbə bildirib ki, Astana embarqo üçün ciddi əsaslar təqdim etməyib və hazırda tərəflər idxalın həcmi və qiymət parametrlərini dəqiqləşdirir. Mənbə Qazaxıstanın yarım il müddətində Rusiyadan neft məhsullarının gətirilməsinə də məhdudiyyət tətbiq etmək istədiyini söyləyib. Rusiya avtomobillərinin idxalına da kvota tətbiqi gözlənir.

DİGƏR XƏBƏRLƏR

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...