Müharibə vəziyyətində olan Azərbayjan üçün maraq dairəsində olan məqamlardan biri də ordusunu daha üjlü hala gətirmək, onu ən müasir hərbi texnika ilə təmin etməkdir. Artıq sirr deyil ki, Azərbaycan bu gün xarijdən yeni müasir hərbi texnikanın alışını həyata keçirir, eyni zamanad yerli səviyyədə bir çox hərbi məmumlatın istehsalını reallaşdırır. Özü də belə texnikanın sayı getdikjə artır.
Daha bir önəmli məqam odur ki, Azərbayjanın hərbitəyinatlı məhsullarına dünyada maraq da getdikjə artır. Bu araad iəs bəlli olub ki, Azərbaycan Müdafiə Sənayesi Nazirliyi (MSN) RPQ-26 tank əleyhinə reaktiv qumbaraatanın seriyalı istehsalına başlayacaq. Seriyalı istehsalına hazırlıq işləri davam edən RPQ-26 qumbaraatanının nümunəsi sentyabr ayının sonunda Bakıda keçirilmiş ADEX-2016 sərgisində MSN stendində nümayiş etdirilib. Qumbaraatanların Azərbaycan Ordusuna tədarükü ilə yanaşı ixracı da həyata keçiriləcək. Qeyd edək ki, hazırda Azərbaycanın hərbi zavodlarında RPQ-7 qumbaraatanının seriyalı istehsalı və ixracı həyata keçirilir.
Bundan başqa bəlli olub ki, Müdafiə Sənayesi Nazirliyinin "Aqreqat" İstehsalat Birliyi Konqoya təkmilləşdirilmiş BTR-70 zirehli transportyorunun istehsalını həyata keçirəcək.
Məsələ ilə bağlı "Azeri Defence"ə açıqlama verən "Aqreqat" İstehsalat Birliyinin baş direktoru Fərhad Cəfərquliyev bildirib ki, İstehsalat Birliyinə daxil olan Bakı Cihazqayırma Zavodu artıq 10 ilə yaxındır BTR-60, BTR-70, BTR-80 və BRDM-2 zirehli transportyorların təmiri və təkmilləşdirilməsi sahəsində müxtəlif layihələr reallaşdırır: "Zavodumuz MDB məkanında bu sahədə ixtisaslaşmış və təcrübəli müəssisələrdən hesab olunur. Bizim layihə üzrə təkmilləşdirilən BTR-70 tipli zirehli transportyor böyük gediş ehtiyatına, yüksək dinamik keyfiyyətlərə və yüksək maneə keçmə qabiliyyətinə sahib olub". BTR və BRDM-2 maşınlarında aparılan təkmilləşdirmələr barədə danışan müəssisə rəhbərinin sözlərinə görə, BTR-lərdə aparılmış ən mühüm dəyişikliklər sırasında idarəetmənin asanlaşdırılması və güc bölməsinin yenilənməsidir. Təkmilləşdirmə işləri maşının xarici görünüşünə toxunmadan aparılıb. Maşında bir ədəd 260 at (176,5 Kvt) gücündə KamAz-740.11.240 dizel mühərriki qurulub. Bu da əvvəllər sinxron işləyən iki mühərriklə bağlı olan idarəetmə problemini aradan qaldırıb: "Qeyd etmək istərdim ki, BTR-60 və BTR-70-lərdə iki mühərrik olduğundan onların istifadəsində çətinliklər yaranır, nəticədə BTR-lər tez sıradan çıxırdı. Bizim təkmilləşdirdiyimiz BTR-70-lərin mühərrik və idarəetmə sistemi tamamilə dəyişdirilib. Maşının sürəti və manevrliliyi artırılmaqla yanaşı müasir soyutma sistemi tətbiq olunub. Bu aparılan təkmilləş-dirmənin əsas üstünlüklərindən biridir. Maşının daxilində elektrik hissəsi və sürücü paneli tam dəyişdirilib. Modernizasiya olunmuş maşının sürəti 80 km/saata, gediş ehtiyatı 550 km-ə qədər çatdırılıb. Təkmilləşdirilmiş BTR-70-lər 30 dərəcə bucaq altında yüksəkliyi dəf etməklə, 25 dərəcə yana maili hərəkət etməyi bacarır. Eyni zamanda zirehli maşınlar naviqasiya aparatları ilə təchiz edilib". Bu günədək müəssisədə xeyli sayda BTR-70 və BTR-60 təkmilləşdirilərək Azərbaycan Silahlı Qüvvələrinə və Daxili Qoşunlara təqdim olunub. Daxili Qoşunların silahlanmasında olan BTR-60, BTR-70 və BRDM-2-lər də Bakı Cihazqayırma Zavodunda modernizə olunub: "Modernizə olunmuş BTR-70-ləri sifarişçinin istəyinə uyğun olaraq həm öz ştat qülləsi ilə, həm də yerli mütəxəssislər tərəfindən yaradılmış 14,5 mm-lik iriçaplı KPVT pulemyotu, 20 mm və ya 23 mm kiçik çaplı avtomatik toplarla silahlandırılmış "Şimşək" qüllə ilə təklif edirik. Silah seçimi müştərinin istəyinə bağlıdır".
Bunual yanaşı, bəllidir ki, Azərbaycan "Yalquzaq" snayper tüfənginin ixracını həyata keçirəcək.Artıq bir ölkə ilə snayper tüfənginin ixracına dair müqavilənin imzalandığı məlumdur. Ixracla yanaşı Sərhəd Qoşunlarından da ilk sifarişlər alınıb. Qeyd edək ki, "Yalquzaq" snayper tüfəngi bazardakı xarici analoqları ilə müqayisədə bir çox üstünlüklərə malikdir. Bu snayper tüfəngi müxtəlif hava şəraitində istismar oluna bilir. Daşınma rahatlığı və erqonomikası baxımından "Yalquzaq" xüsusi təyinatlılar və hava-desant qoşunları üçün ideal seçim hesab oluna bilər. "Yalquzaq" snayper tüfəngində Azərbaycan hərbi sənayesində ilk dəfə olaraq tətiyin tənzimlənməsi mexanizmi tətbiq edilib. Bu da tətik mexanizminin sərtliyini, gediş məsafəsini atıcının rahatlığı üçün öncədən nizamlamağa imkan verir. Ümumiyyətlə, proseslər göstərir ki, Azərbayjan istehsalı olan hərbi təyinatlı məhsullara maraq getdikjə artır. Hətta bu günlərdə müdafiə sənayesi nazirinin müavini Yəhya Musayev bildirmişdi ki, xaricdə Azərbaycanda istehsal olunan silaha tələbat xeyli artıb. Onun sözlərinə görə, sifarişlərin çox olması ilə əlaqədar Müdafiə Sənayesi Nazirliyi hətta bəzi ölkələrin sifarişlərindən imtina etmək məcburiyyətində qalıb. Sifarişlər əsasən Avropa, Afrika və Asiya ölkələrindən daxil olur. Məmmədov qeyd edib ki, Azərbaycan məhsulları keyfiyyəti ilə fərqlənir və dünya qiymətləri ilə satılır.
Nahid SALAYEV
