Qrenlandiya böhranı Avropa Parlamentini ayağa qaldırıb. Avropa Parlamentinin sessiyasında Vaşinqtona qarşı vahid mövqe tutmaq çağırışları səsləndirilib.
Danimarkalı siyasətçinin Trampa qarşı kobud nitqi sessiyada qalmaqala yol açılıb.
Avropa Parlamentinin danimarkalı üzvü Anders Vistisen Avropa Parlamentində keçirilən "Qrenlandiya və Danimarkanın ərazi bütövlüyü və suverenliyi: ABŞ-ın şantaj cəhdlərinə qarşı vahid AB cavabının zəruriliyi" adlı sessiyada sərt açıqlamalar verib.
Çıxışına birbaşa ABŞ prezidenti Donald Trampa müraciət etməklə başlayan ifrat sağçı Vistisen Trampı ingilis dilində təhqir edib: "Cənab Prezident, sizə başa düşə biləcəyiniz bir dildə deyim; rədd olun gedin".
Avropa Parlamentinin vitse-prezidenti Nikolae Stefanuta dərhal Vistisenin sözünü kəsərək onun çıxışının qaydalara zidd olduğunu deyib: “Hissləriniz çox güclü ola bilər və salonda belə bir atmosfer ola bilər, amma təhqiramiz dil və uyğunsuz dilin istifadəsi ilə bağlı aydın qaydalarımız var. Sözünüzü kəsməli olduğum üçün üzr istəyirəm, amma güclü siyasi hissləriniz olsa belə, bu qəbuledilməzdir."
Xəbərdarlıqdan sonra çıxışınavdavam edən Vistisen deyib ki, Trampın başa düşdüyü yeganə dil birbaşa deyilən sözdür: “Trampın hörmət etdiyi yeganə rədd cavabı isə birbaşa və aydın bir rədd cavabıdır. Lakin AB geri çəkilib. Bu gün Ali Nümayəndə Arktika ətrafındakı təhlükəsizlik təhdidləri barədə danışmağın qanuni olduğunu söylədi. Lakin bu vəziyyət məhz ABŞ administrasiyası tərəfindən qoşun sayını 15 mindən cəmi 150-yə endirilməsi səbəbindən yaranıb".
O, bildirib ki, Avropa ABŞ iqtisadiyyatına daha çox investisiya yatırmaq öhdəliyi götürdüyü bir vaxtda Tramp Avropanı əlavə tariflərlə təhdid edir: "Əgər Avropa, Danimarkaya qarşı hərbi təhdid masadan qalxmadan və Danimarkanın bölünməsi fikrindən imtina etmədən Trampı qəti şəkildə rədd etməsə və ona açıq şəkildə "Yox" deməli olduğumuzu başa düşməsə, bu məsələni dəfələrlə müzakirə etmək məcburiyyətində qalacağıq. Ümid edirəm ki, Avropa nəhayət oyanacaq və bu vəziyyətdən çıxacaq".
TAHİR
