24/04/2019 02:31
728 x 90

Makron ərəb və hindulara divan tutmuş ata-babalarının qeyri-insani cinayətlərini təkrar etdi

Qasım Hacıyev:“Bu gün həm Türkiyə, həm Əlcəzair, həm də hinduların varisləri, eləcə də fransızların törətdiyi soyqırım cinayətlərinə məruz qalan digər xalqlar bu soyqırımla bağlı məsələ qaldırmalıdır”

img

“Müasir fransızlar babalarının törətdiyi bu cinayətlərə görə faktiki olaraq soyqırıma məruz qoyduqları, assimliasiya etdikləri xalqlardan üzr istəmək əvəzinə tarixdə baş verməyən “soyqırım”ın “qurbanları”nın anım gününü elan edir”

Fransanın türk dünyasına qarşı atdığı son addımın misli görünməmiş bir ədalətsilik, haqsızlıq nümunəsi kimi tarixə düşəcəyi şübhəsizdir. Məlum olduğu kimi, Fransa prezidenti Emmanuel Makronun imzaladığı bədnam qərara əsasən, 24 aprel Fransada rəsmi olaraq “erməni soyqırımı qurbanlarının” xatirə günü kimi qeyd ediləcək.

Fransa tarixinə növbəti qara ləkə salan bu qərarı verən prezidentin arxaya boylanıb Fransa tarixinə, fransızların dünyanın digər xalqlarına qarşı törətdiyi silsilə soyqırım cinayətlərinə nəzər salmaması təəssüf doğurur. Bu belə düşünməyə imkan verir ki, o bu qərarı imzalamaqla öz ata-babalarının insanlığa sığmayan cinayətlərini təkrar edib.

24 apreli “erməni soyqırımı qurbanlarının” xatirə günü élan etməklə Makron öz ata-babalarının tarixi cinayətlərini bir daha yada saldı, xatırlatdı.  

Tarixçilər bildirir ki, fransızlar tarixin müxtəlif mərhələlərində ayrı-ayrı xalqlara, qonşu dövlətlərə qarşı imperialist maraqlarını irəli sürüb, təcəvüzkarlıq edib və bunun da nəticəsində minlərlə insan qətlə yetirilib.

Tarixçilər qeyd edir ki, Fransa 1830-cu ildə Əlcəzairi işğal edib və 1962-ci ildə Əlcəzair müstəqilliyini qazanana qədər Fransa Əlcəzairi fransızlaşdırmaq üçün bir assimilyasiya prosesi gerçəkləşdirib. Məlumatlara görə, 1954-cü ildən 1962-ci ilə qədərki müstəqillik mübarizəsində 1, 2 milyondan artıq əlcəzairli fransızlar tərəfindən qətlə yetirilib. Bu, soyqırım deyildisə, bəs nə idi? Fransızlar əlcəzairlilərə qarşı həyata keçirdikləri soyqırımları başqa xalqlara da tətbiq etdilər. Belə ki, Ruandada, Mərkəzi Amerikada misli göürməyən qətliamlar törədən fransızlar hindulara divan tutdular, onları öldürdülər. Lakin bu qəbilələrə tutduqları divana görə nə məhkəmə, nə də tarix qarşısında cavab verməyiblər.  Tarixçilər qeyd edir ki, fransızların Əlcəzairdə törətdiyi insanlıq adına həqarətlər, İngiltərənin bütün qitələrdə törətdikləri, Amerikada hindulara qarşı baş verənlər  ən qanlı qətliamlardır.

Azərbaycan Milli Elmlər Akademiyasının (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev baki-xeber.com-a bildirdi ki, Fransa prezidentinin imzaladığı bu bədnam qərar Fransanın özünə qarşı beynəlxalq cinayət işinin açıqlmasına şərait yaradıb. Q.Hacıyev hesab edir ki, fransızların XX əsrdə başqa xalqlara qarşı törətdiyi soyqırımlara, qətliamlara bu gün hüquqi-siyasi qiymət verilməlidir, lakin dünya buna reaksiya vermək əvəzinə hələ də susur. ABŞ da, Avropa da çox yaxşı anlayır ki, tarixdə “erməni soyqırmı” deyilən bir hadisə olmayıb, lakin Fransa höküməti 24 apreli “erməni soyqırımı qurbanlarının” xatirəsinin anım günü elan edir. O hesab edir ki, bu gün həm türk, həm də ərəb dünyası, eləcə də hinduların soy daşıyıcıları ayağa qalxıb fransızların onlara qarşı törətdiyi soyqırımları bütün dünyaya xatırlatmalıdır. “Fransızların özləri həm ərəblərə, həm hindulara, həm də qonşu xalqlara qarşı tarixdə misli olmayan soyqırım cinayətləri törədiblər. Dünya etiraf etməsə də, bunlar faktdır. Müasir fransızlar babalarının törətdiyi bu cinayətlərə görə faktiki olaraq soyqırıma məruz qoyduqları, assimlyasiya etdikləri xalqlardan üzr istəmək əvəzinə tarixdə baş verməyən “soyqırım”ın “qurbanları”nın anım gününü elan edirlər. Bu həqiqətən də böyük saxtakarlıq, tarixə saymazlıqla yanaşmaqdır. Fransızların başqa xalqlara qarşı həyata keçirdiyi soyqırım cinayətləri hər kəsə məlumdur. Onlar qədər müstəmləkəçi, imperiyapərəst dövlət çox az-az tapılar. Çünki Fransa öz ərazilərini genişləndirmək üçün qonşu dövlətlərlə müharibələr aparıb. Almaniya ilə 100 illər boyu müharibə apardığı məlumdur. O bir imperiyapərəst dövlət kimi hər zaman zəif dövlətlərə həqarət edib, yuxarıdan aşağı baxıb, imkan olan kimi isə öz maraqlarını qanlı cinayətlər törətməklə təmin edib. Əlcəzairi 2 il əsarətdə saxlayıb, əlcəzairlilərə qarşı amansız cinayətlər törədib. Eyni zamanda digər müsəlman ölkələrinə qarşı da bu cinayətləri işləyib. Hətta XX əsrin əvvəllərində I Dünya Müharibəsinin bitməsinə az qalmış Osmanlının torpaqlarını parçalamaq üçün müharibəni uzatdılar. Bu hadisədə Fransa çox böyük canfəşanlıq edirdi. Fransızlar Osmanlı ərazində, xüsusən də Qazantepdə, Qəhrəmanmərəşdə türklərə qarşı qanlı cinayətlər törətməklə adlarını tarixin qara səhifələrinə yazdılar. Həmin şəhərlərdə fransızların türklərə qarşı törətdiyi vəhşiliklərin izləri hələ də qalmaqdadır. Fransızlar törətdikləri bu cinayətlərə görə niyə də beynəlxalq ictimaiyyət qarşısında cavab verməsin? Onlar bu cinayətlərə görə cavab verməlidir. Türklərin ən qatı düşmənlərindən biri fransızlardır. 

Bu gün hələ də farnsızların o cinayətlərini, törətdiklərini xatırlayanlar var. Hesab edirəm ki, bu gün həm Türkiyə, həm Əlcəzair, həm də hinduların varisləri, eləcə də fransızların törətdiyi soyqırım cinayətlərinə məruz qalan digər xalqlar bu soyqırımla bağlı məsələ qaldırmalıdır. Nəhayət, dünya bu cinayətlərə hüquqi-siyasi qiymət verməlidir”-deyə bildirən Q.Hacıyev vurğuladı ki, Fransa höküməti aldığı son bədnam qərarla özünün tarixi mahiyyətini ortaya qoydu.   

O həmçinin qeyd etdi ki, bu gün türklərin, müsəlmanların Fransadan bundan artıq nə isə gözləməyi absurddur. Onun sözlərinə görə, türkə, ərəbə, hinduya tarixən qənim kəsilən fransızlar öz cinayət ortaqları olan ermənilərin yalanına, saxtakarlığına “həqiqət” donu geydirirlər. O bildirdi ki, Fransa erməni terror təşkilatlarının “ana qucağı”dır və ermənilərlə onları türkə, müsəlman aləminə qarşı düşmənçilik birləşdirir.

İradə SARIYEVA  

 

Son xəbərlər