Almaniyanın xarici işlər naziri Berbok Bakıda Azərbaycanın toponimlərini səhv dedi. Ceyhun Bayramov ona irad tutdu. Ümumən, BMT- nin coğrafi adlar reyestri var, hər ölkə üzv qəbul olunanda bu siyahını da reyestrə təqdim edir. Bu reyestr beynəlxalq hüquq normasıdır və hamı ona əməl etməlidir.
Belə şeylərlə çox rastlaşırıq ki, xarici qonaq Azərbaycanın toponimlərin təhrif efir. Bu halda əcnəbi rəsmilərə qarşı hüquqi müstəvidə hansı iddianı qaldırmaq olar?
Siyasi şərhçi Elşad Həsənov "Bakı-Xəbər"ə açıqlamasında bildirdi ki, Berbok Almaniya xarici işlər naziri seçiləndən sonra ilk dəfə olaraq Azərbaycana səfərə gəldi: "Bildiyimiz kimi, bu səfər Ermənistandan başlamışdı, Ermənistanda görüşlər keçirildi. Sonra Azərbaycana gəldi. Azərbaycan Prezidenti onu qəbul etdi və mətbuat konfransı keçirildi. Həmin mətbuat konfransında Azərbaycan ərazilərini, Şuşanı, Xankəndini təhrif etdi, ermənilərin dediyi kimi adlar çəkdi. Bu doğrudan da bağışlanmaz bir haldır. Azərbaycan xarici işlər naziri Ceyhun Bayramov onun səhvini düzəltdi və Azərbaycan torpaqlarının adını düzgün ifadə etməsini nəzərə çatdırdı. Ümumiyyətlə, belə hallar hər zaman olub. Ancaq ölkəyə gələn rəsmi şəxslər mütləq həmin ölkənin şəhərlərinin, ərazilərinin adlarını rəsmi qaydada çəkilməsini təmin etməlidir. Bunun üçün onlar öz üzərlərində çalışmalıdırlar. Əvvəllər də belə hallar olub. SSRİ MK - nın baş katibi Brejnevin hafizəsində hakimiyyətin son illərində müəyyyən yalnışlıqlar baş verirdi. Bir respublikaya gedəndə digər respublikanın adını çəkirdi. Bu, Orta Asiya ölkələrində də olmuşdu. Onun çıxısında səhvlik baş vermişdi. Amma biz hesab edirik ki, bu, Berbokun səhvi yox, Ermənistanda ona ötürülən materiallar əsasında olan bir çıxışdır. Bu da, təbii ki, düzgün deyil. Ona görə də, biz də ona yerində cavab verdik. Xatırlatmaq istəyirəm ki, Almaniya ilə Azərbaycanın münasibətləri hər zaman yaxşı olub. Azərbaycan Almaniya ilə qədimdən iqtisadi, siyasi əlaqələr qurub. Almaniyanın bizdə 200 - dən artıq şirkəti işləyir. Onlar bizə 810 milyondan çox sərmayə qoyublar. Bizim də Almaniyada 550 milyondan artıq sərmayəmiz var. Almaniyanın Cənubi Qafqazda ən çox iqtisadi bağlantısı da Azərbaycanladı. Burda da onun verdiyi müəyyən bəyanatlar bizi sevindirir. Onlar Azərbaycan ərazisini, Qarabağ da daxil olmaqla, tanıdıqlarını bildirdi. Bu müsbət haldır. Həmçinin, Azərbaycan ərazisində mina problemində dəstək olacaqlarını rəsmən bəyan etdilər. Təbii ki, bizim Qərbi Azərbaycan icması da Berbokun yanlış çıxışına çox ciddi reaksiya göstərdi, bəyanat verdi. Onların Qərbi Azərbaycandan məcburi köçkün edilən adamlarla görüş keçirməməsini qınadılar. Bildiyimiz kimi, bir yerdə bəzi adamlarla qısa görüş oldu. Ancaq onların yaşam tərzini, çətinliklərini görmədi. Ona görə də, Qərbi Azərbaycan icması bəyanla çıxış etdi. Berboka qarşı ciddi qınaq olundu və Almaniya mətbuatında da yayıldı. Bu, alman nazirin bundan sonrakı fəaliyyəti üçün bir dərs olacaq ki, toponimləri, şəhər, ərazi adlarını düz çəksin. Onun bura gəlməkdə məqsədi sülh müqaviləsinin imzalanması, müqavilədə Avropa İttifaqının Brüssel danışıqlarının vacib olmasını bildirmək idi. Biz də öz əvəzimizdən Azərbaycanın ərazi bütövlüyünü, süverenliyini bərpa etdiyini bildirdik. Xüsusilə 19-20 sentyabrda bir günlük antiterror əməliyyatından sonra Azərbaycan öz problemini həll etdiyini, ərazisində olan xunta rejiminin burdan getdiyini bildirdi. Ona görə də, biz də sülhə hazır olduğumuzu bir daha bəyan etdik. Düşünürəm ki, bu məsələni çox da böyütməli deyilik. Biz özümüzün tolerant münasibətimizi, qonağa olan hörmətimizi bildiririk ki, onlar bir daha belə səhv etməsinlər".
Məhəmmədəli QƏRİBLİ
