Paşinyanın 7 şərtinin biabırçı aqibətindən dərs götürülməyib - yeni XİN-in uğursuz 4 şərti...

img

Bir neçə ay öncə Azərbaycan qarşısında 7 şərt irəli sürən Paşinyanın aqibətindən nəticə çıxarmayan Ermənistan XİN-in yeni rəhbəri Ara Ayvazyan bəzi iddialarla çıxış edib. Ayvazyan 10 noyabr Bəyanatının Qarabağ konfliktinin “son və uzunmüddətli” həllini əhatə etmədiyini bildirib.

A.Ayvazyan ATƏT XİN başçıları şurasının iclasındakı çıxışında Qarabağ konfliktinin həlli və regional sülh üçün “4 şərt” səsləndirib:

1. Qarabağ konfliktinin həlli yalnız xalqların öz müqəddəratını müəyyənləşdirməsi prinsipi və “artsax xalqının” təhlükəsizliyi ilə mümkündür;

2. Ərazinin “işğal”dan azad edilməsi, erməni qaçqınların təhlükəsiz halda geri qayıtması təmin edilməlidir.

3. Azərbaycanın nəzarətində olan erməni mədəni-dini abidələrinin qorunması vacib şərtdir.

4. Danışıqlar yalnız Minsk Qrupu formatında aparılmalıdır. Çünki yalnız bu format münaqişənin tənzimlənməsi ilə bağlı beynəlxalq mandata sahibdir.

Erməni nazir əsirlərin “hamının hamıya” prinsipinin (Bu prinsipi Azərbaycan tərəfi təklif edib – red.) danışıqsız icraya keçməsini və meyitlərin dəyişdirilməsinə şamil edilməsini də təklif edib.

Qeyd edək ki, Azərbaycanla şərtlə danışmağın nə demək olduğunu Ermənistan hökuməti cəmi 44 günlük müharibə sonrası anlamalı idi. Döyüşdə darmadağın ediləndən sonra beynəlxalq tribunadan istifadə edərək Azərbaycanla danışıqlar üçün yenə də şərtlər irəli sürmək Ermənistan hakimiyyətinin qeyri-peşəkar siyasi xəttindən xəbər verir. Azərbaycan Paşinyanın 7 şərtini döyüşdə cırıb zibil qutusuna atdı. Ayvazyanın 4 şərti isə masaya çatmamış “cırılmağa” məhkumdur.  Ermənistanın yeni xarici işlər nazirinin Azərbaycanla yenidən “şərt” dilində danışması nəyin əlaməti sayıla bilər?

 “Paşinyanın vəzifəyə təyin etdiyi kadrları da özü ağıldadır”

Azərbaycan Sosialist Partiyasının sədri  Elşən Həsənov  “Bakı-Xəbər”ə açıqlamasında bildirdi ki, bu ilk növbədə erməni tərbiyəsindən irəli gələn zərərli vərdişdir: “Onlar millət olaraq zərərli ideologiya ilə bəsləniblər. Bütün bu həngamələrdən sonra adamda gərək abır və həya ola. Erməni rəsmisində bu olmadığından belə danışa bilir. Paşinyan da Azərbaycana şərt irəli sürürdü, son aqibətini hamı gördü. Yeni xarici işlər naziri görünür hələ vəzifəsinin dadını çıxarmaq istəyir. Ona görə də belə məsuliyyətsiz bəynatlar verir. Onun zibilliyə atılmağa layiq olan “şərtlərinə” fikir verək. Deyir ki, xalqların öz müqəddəratını təyin etmək prinsipi və təhlükəsizlik  nəzərə alınmalıdır. Erməni xalqı öz müqəddəratını təyin edib və Ermənistan dövlətini yaradıb. Qarabağda bundan artıq söhbət gedə biləməz. Çünki Prezident səviyyəsində bildirildi ki, status söhbəti bağlanıb. Erməni əsilli vətəndaşlar Azərbaycanın tərkibində bərabərhüquqlu vətəndaş kimi yaşaya bilərlər. Bunu istəmirlərsə, seçim onlarındı. Onun “şərtlərindən” biri də budur ki, məcburi köçkünlər öz evlərinə qayıtsın. Bu müddəa 10 noyabrda imzalanan üçtərəfli Bəyanatda öz əksini tapıb və tərəflər bununla bağlı üzərlərinə öhdəlik götürüblər. Bunu yenidən “şərt” kimi irəli sürmək yeni nazirin hansı səviyyədə diplomat olduğunu ortaya qoymuş olur. Sonra deyir ki, Azərbaycanın nəzarətində olan erməni mədəni-dini abaidələrin qorunması vacibdir. Əvvəla, həmin ərazilərdə ermənilərə məxsus nəsə yoxdur. Onlar Alban kilsələrini belə öznünkü kimi təqdim edir. Bundan əlavə, Azərbaycan hətta Bakının mərkəzində olan erməni kilsəsini  qoruyub saxlayırsa, onu təmir edirsə, belə bir  fikri səsləndirmək sərsəmlikdir. Yeni nazir həm də Minsk Qrupu formatının saxlanmasını istəyir. Hələlik Bakı bundan rəsmi imtina etməyib. Ermənistan onu bu səbəbdən istəyir ki, orada Fransa kimi dostu var. Amma belə davam edərsə, Azərbaycan ya həmin formatdan imtina edəcək, ya da Fransanın həmsədrlikdən uzaqlaşdırılmasını tələb edəcək. Bütün bunları ona görə sadaladım ki, Paşinyanın vəzifəyə təyin etdiyi kadrların da özü ağılda olduğuna şübhə yeriniz qalmasın”.

Ekspertin sözlərinə görə, indi şərti Ermənistan yox, biz diqtə edirik, çünki qalib ölkəyik.

Məhəmmədəli QƏRİBLİ

Son xəbərlər