Ermənistanın baş naziri Nikol Paşinyan bildirib ki, Ermənistan indi böyük bir problemlə üzləşir, çünki ictimaiyyət koronavirus təhlükəsini kifayət qədər ciddi qəbul etmir. Erməni KİV-nin məlumatına görə, bu barədə erməni baş nazr öz Facebook səhifəsində canlı yayımda etiraf edib:"Bu vəziyyəti iki, beş, on qat daha ciddi qəbul etməyin vaxtı gəlib".
Onun sözlərinə görə, ən yaxın zamanda koronavirus xəstələrinin sayı dəfələrlə çoxalacaq və hətta reanimasiyada yer belə tapılmayacaq:“Əgər yoluxma tempini yavaşlatmasaq, mayın 29-dək Ermənistanda 10 min koronavirusa yoluxma, 12 iyunda isə 20 min xəstəlik qeydə alınacaq. Bu, həmçinin, ölüm hallarının artacağını da göstərir. Bununla yanaşı, reanimasiyada sadəcə yer belə qalmayacaq".
Nikol Paşinyan etiraf edib ki, bu dinamika dəyişməzsə, sutkada bəlkə də onlarla, hətta yüzlərlə ölüm halları qeydə alınacaq və hökumət yenidən ən sərt məhdudiyyətlərə əl atmalı olacaq. Əslində Ermənistanın baş naziri koronavirusla bağlı qaldırdığı şüvəndə səmimi deyil. Çünki biz görürük ki, o bunun fonunda tammailə fərqli addımlar atır. Dünyanın koronavirusla ən aktiv mübarizə apardığı bir zamanda bu adam qondarma qurumda seçkilər keçirdi. Gəlin, Paşinyanın ikinci planına nəzər salaq. Bu adam Azərbaycanın işğal altındakı Qarabağ torpaqlarında yaradılmış qondarma rejimin yeni “prezidenti” Araik Arutunyana mayın 21-də “inauqurasiya” mərasimi keçirməyə hazırlaşır.
Ermənistan KİV-i bildirir ki, mərasim Azərbaycanın mədəniyyət paytaxtı sayılan Şuşada keçiriləcək. 1992-ci ilin mayında Şuşanı zəbt edən erməni birləşmələri mədəniyyət evinə də od vurmuşdular. Sonradan Kanadadan olan diaspor nümayəndələrinin maliyyəsi hesabına mədəniyyət evi bərpa olunub. Restavrasiya işləri zamanı binanın üzərində və daxilindəki Azərbaycan ornamentləri məhv edilib. Bəşəriyyətin sağlamlığı, mədəniyyəti, təhlükəsizliyi üçün təhlükə mənbəyi olan erməni kriminal rejimi yenə dünyanı aldatmağa çalışır. Əslində Paşinyanın nə istədiyi məlumdur. Onu əhalinin virusa yoluxması ciddi narahat etmir. Etsə, Ermənistanın kriminal hakim elitasının da iştirak edəcəyi inauqurasiya kimi kütləvi tədbiri keçirməz. Bütün dünyada görüşlər, toplantılar videoformatda keçirildiyi halda bunlar kütləvi tədbir keçirməyə hazırlaşırsa, deməli, Paşinyan dediklərində səmimi deyil. Başlıca məqsəd vəziyyəti dramatikləşdirib, beynəlxalq qurumlardan və ölkələrdən yardım adı ilə pul qoparmağa hesablanıb. Əslində Paşinyanın bu ərköyün davranışlarında dünya birliyi də günahkardı. Əgər ona pandemiya dönəmində keçirdiyi qondarma seçkiyə görə lazımi səviyyədə təpki olsaydı, bu cür şoularını davam etdirməzdi. Bu baxımdan da, Paşinyan korona şüvənində qətiyyən səmimi deyil.
Məhəmmədəli QƏRİBLİ
