20 Yanvar faciəsinə aid filmə əcnəbi aktyorların çəkilməsi kəskin ziddiyyət doğurdu

Tarix: 04.12.2014 / 02:33
Bölmə: Mədəniyyət

Böyük ənənələri olan Azərbaycan kinosu yeni inkişaf mərhələsinə qədəm qoyub. Artıq rejissorlarımız müstəqil olaraq mövzular seçir və çağdaş dünya kinosu ilə ayaqlaşmağı qarşıya məqsəd qoyur. Son zamanlar çəkilən filmlərdə həm milli tariximiz, həm taleyüklü məsələlərimiz əksini tapır. Bilirik ki, ardıcıl olaraq dövlət sifarişi ilə bir neçə tarixi bədii film çəkilib və həmin filmlərdə də əsas və epizodik rolları Azərbaycan aktyorları canlandırıb.
Azərbaycan kinosu Sovet dövründən başlayaraq kənardan çağırılan aktyor ağrısı yaşayıb. Neçə-neçə tarixi filmimizdə xaricdən gətirilən aktyorlara rol verilib. Biz həmişə arzulamışıq ki, milli kinomuz formalaşsın və filmlərdə öz aktyorlarımız çəkilsin. Azərbaycan aktyor sənəti zəif deyil, əksinə, respublikamızda çox güclü, potenisialı böyük olan aktyor və aktrisalar var. Yalnız paytaxtda deyil, bölgə teatrlarında da güclü, müasir tələblərə cavab verən aktyorlar çoxdur. Sadəcə, onları görmək və filmlərə dəvət etmək lazımdır.
Yerli mətbuatın yazdığına görə, rejissor Vahid Mustafayev 20 Yanvar hadisələrinin 25 illiyinə həsr olununan film çəkir. Filmin yaradıcı heyəti ilə görüş zamanı rejissor Vahid Mustafayev bildirib ki, çəkilişdə iştirak edən kollektiv beynəlmiləldir: "Burada dünya şöhrətli amerikalı aktyor Lane Devies, türk kinosunun canlı əfsanəsi Nəbahət Cehrə, rus xalqının təmsilçisi görkəmli aktyor Yuriy Baleyev, İrandan dəvət olunmuş kino-operator Afşin Əlizadənin başçılıq etdiyi çəkiliş qrupu yerli azərbaycanlılarla birlikdə çalışır. Bunun xüsusi mənası var. Çünki azadlıq arzusu təkcə bir millətin mənəvi sərvəti deyil. Milli Azadlıq mücadiləsi bütün dünyaya tanış və doğmadır".
Qeyd edək ki, film bir milyon manata başa gəlir. Artıq 60 faizi çəkilən filmin 2015-ci il yanvarın 20-də nümayişi gözlənir.
20 Yanvar faciəsi Azərbaycan xalqının həyatında ən dəhşətli günlərdən biri olub. Bu faciəni hər bir azərbaycanlı öz ailəsində, ətrafında yaşayıb. Elə bir azərbaycanlı yoxdur ki, bu hadisənin şokunu, ağrı-acısını, məşəqqətini həyatında və ya yaxın çevrəsində hiss etməsin. Bu mənada, Vahid Mustafayevin filminə xarici aktyorlar dəvət etməsi kino ictimaiyyəti tərəfindən birmənalı qarşılanmır. Əsas vurğulanan məsələ ondan ibarətdir ki, 20 yanvar gecəsi şok, həyəcan yaşayan azərbaycanlı ananın rolunu bu barədə yalnız qəzetdə oxuyan və ya ümumiyyətlə xəbərsiz olan digər ölkə vətəndaşı necə yarada bilər? Bu fikirdə olanların dediyinə görə, həmin gecənin dəhşətini yaşayan, canında hiss edən çoxlu Azərbaycan aktrisası var ki, bu obrazı daha inandırıcı yaradar, yəni o gecəni təkrar yaşayar.
20 Yanvar hadisəsi ilə bağlı çəkilən filmdə əsas rollara xaricdən aktoyorların dəvət edilməsi yerli aktyor və aktrisaları narahat edib.

"Görünür, bizim aktyor və aktrisaları görmür"
Azərbaycan Dövlət Gənc Tamaşaçılar Teatrının aktrisası, əməkdar artist Naibə Allahverdiyeva 20 yanvar gecəsinin ağrısını daşıyan sənətkardır. N.Allahverdiyeva "Bakı-Xəbər"ə açıqlamasında bildirdi ki, filmdə kimi çəkmək rejissorun seçimi olsa da, onun yerli aktyorları görməməsi aktrisanı narahat edib":Mən bu barədə bir söz deyə bilmərəm. Bu rejissorun seçimidir. Amma bir şeyi qeyd etmək istəyirəm ki, görünür, rejissor bizim aktyor və aktrisaları aktyor və aktrisa kimi görmür, ona görə də xaricə üz tutub".
Tanınmış rejissor-aktyor Nicat Kazımov da bizimlə söhbətində bildirdi ki, bu, rejissorun haqqı və seçimidir":Rejissor o rollarda başqa ölkələrin aktyorlarını görür. Bu onun haqqı və səlahiyyətlərinə daxil olan məsələdir. Ola bilsin, bizim aktyor və aktrisaları o rollarda görə bilmir".

Amaliya Pənahova nə düşünür?

Bakı Bələdiyyə Teatrının rəhbəri, xalq artisti Amaliya Pənahova bildirdi ki, yalançı vətənpərvərliyin tərəfdarı deyil. Aktrisanın sözlərinə görə, rejissorun xarici aktyor və aktrisaları filmində çəkməyi normaldır və bu, kinomuzun beynəlxalq aləmdə tanınmasına səbəb ola bilər: "Mən buna normal baxıram. Rejissor çəkdiyi filmdə hansı aktyoru və aktrisanı görürsə, onu da dəvət edir. Bizə bu gün aktyor mübadiləsi lazımdır. Əsas odur ki, ortaya yaxşı bir film çıxsın. Mən yalançı vətənpərvərliyin tərəfdarı deyiləm. İndi Azərbaycanda güclü aktyorlar yetişmir".

"20 Yanvar hadisəsini rus ordusu törədib"

Bakı Uşaq Teatrının direktoru, aktyor İntiqam Soltanın fikrincə isə, Azərbaycan rejissorları filmin büdcəsi az olanda qəpik-quruş verib öz aktyorlarımızı dəvət edir, çox olanda isə əcnəbilərə üz tuturlar: "Pulları olmayanda bizi çağırıb qəpik-quruş verib çəkirlər, amma filmin büdcəsi çox olanda min manatlarla pul xərcləyib xariciləri dəvət edirlər. Məsələnin digər tərəfinə gəlincə, deyərdim ki, 20 yanvar mövzusu sırf vətənpərvərlik məsələsidir. Bu mövzuda film çəkilirsə, orda yerli aktyorların çəkilməsi vacibdir. Bu mənada ki, o ağrıdan xəbərsiz olan, bu dəhşəti yaşamayan qeyri millət Azərbaycan anasının obrazında necə görsənər. Rusiyadan aktyor çağırıblar. Bilirsiz ki, 20 Yanvar hadisəsini rus ordusu törədib. Bu ordunun əli bizim millətin qanına batıb. Rus aktyoru gəlib oğlunu itirən atanın rolunu oynasa necə çıxacaq? Azərbaycanda çox güclü aktyorlar var. Hətta deyərdim ki, istedadına və potensialına görə bəlkə də başqa ölkələrin aktyorlarından güclüdür bizim aktyorlar. Sadəcə, onları görmək lazımdır".
Adının çəkilməsini istəməyən tanınmış ziyalılarımızdan biri isə xəbəri bizdən eşitdiyini dedi və onun məsələyə münasibəti daha kəskin oldu":Görəsən bizimkilərin dəvət etdiyi o rus aktyoru Rusiyanın istər 20 yanvarda törətdiklərinə, istərsə də Qarabağda baş verənlərə nə vaxtsa qarşı çıxaraq bəyanatla çıxış edibmi? O hansı əsasla bizim yaralı yerimiz olan 20 Yanvarla bağlı filmdə yer alır? Bu bizim şəhidlərimizə təhqirdir".
Nə deyək? Bu bir ziyalı mövqeyidir və haqsız da sayılmaz.

DİGƏR XƏBƏRLƏR

Tarix: 10.10.2026 / 17:17

Mollanəsrəddin lətifələrində memarlıq cizgiləri...

Tarix: 10.10.2026 / 11:07

Yazıçılar Birliyi üzvlük haqqını ödəməyənlərə növbəti dəfə xəbərdarlıq etdi - məsuliyyətli davransınlar...

Tarix: 08.10.2026 / 17:49

Susqun fırçanın ölməz fəryadı: Bəhruz Kəngərlinin rəngli irsi...

Tarix: 08.10.2026 / 17:03

Noyabrın 1-dək üzvlük haqqını ödəməyənlər Yazıçılar Birliyindən xaric edəcək - XƏBƏRDARLIQ...

Tarix: 07.10.2026 / 16:58

HAMAM SANDIĞININ İZİ İLƏ: SƏDİDƏN ŞƏKİYƏ, POEZİYADAN MADDİ MƏDƏNİYYƏTƏ

Tarix: 07.10.2026 / 07:03

Ustad aşıq Hüseyn Saraçlının 110 illik yubileyinə həsr olunan beynəlxalq elmi konfrans keçiriləcək

Tarix: 06.10.2026 / 22:01

Nizaminin qəzəli, Xətainin türkcə şeirləri hələ də Ermənistanda əsir saxlanılır...

Tarix: 06.10.2026 / 14:14

Beynəlxalq memarlıq arenasında Azərbaycan memarlığının yeri və rolu: Tarixi irslik və müasir parametrlər...

Tarix: 05.10.2026 / 21:34

Afina ilə Londonun “incəsənət davası” Azərbaycanın da sərvətlərini yada saldı...

Tarix: 03.10.2026 / 15:15

Faiq Ələkbərlinin Türk fəlsəfəsinə həsr olunmuş əsərinə dair düşüncələrim

Tarix: 30.09.2026 / 22:20

Dağlıq ərazilərdə unudulmuş və dağılmış Alban məbədlərinin bərpası gündəmdə...

Tarix: 29.09.2026 / 11:02

Şair-publisist Dəyanət Osmanlının yeni nəşrləri oxuculara təqdim edilib

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 08.10.2026 / 18:55

Erməni təcavüzündən hələlik 32 kütləvi məzarlıq qalıb - Xarici dipkorpusun mövqeyi...

Tarix: 08.10.2026 / 18:27

Prezident Əliyevin məntiqi - “Belə nankor qonşusu olanlar daim öz hərbi gücünü artırmalıdır...”

Tarix: 08.10.2026 / 15:19

1000-5000 pensiya alanların artımı nə qədər olacaq?..

Dövlətçilik tarixinə siyasi-ideoloji baxış, milli-mədəni mühitin mühafizəsi...