Nizami rayonunun sosial-iqtisadi inkişafı: real vəziyyət və perspektivlər

Tarix: 25.12.2015 / 01:28
Bölmə: İqtisadiyyat

Danılmaz faktdır ki, ümummilli lider Heydər Əliyevin hakimiyyətə qayıdışı ilə başlanan sosial-iqtisadi islahatlar ölkə Prezidenti İlham Əliyev tərəfindən inkişaf etdirilərək uğurla davam etdirilir. Bu baxımdan Azərbaycan Respublikasının inkişaf tempinə görə dünyanın lider dövlətləri sırasında olması tamamilə qanunauyğundur. Artıq keçid dövrünün başa çatdığı indiki şəraitdə ölkəmizin iqtisadi inkişafı yeni keyfiyyət mərhələsinə daxil olub.

İndi sosial-iqtisadi sahədə yeni mərhələnin əsas hədəfi milli iqtisadiyyatın rəqabət qabiliyyətinin yüksəldilməsinə və dünya sisteminə səmərəli inteqrasiyasına nail olmaq, davamlı sosial-iqtisadi inkişafa yönələn antidevalvasiya mexanizmlərinin işləkliyini təmin etməkdən ibarətdir.

Qeyd edək ki, mövcud inkişafın ölkə iqtisadiyyatına 60 milyard dollardan artıq zərər vuran işğal şəraitində baş verməsi həm də müxtəlif müddətdə dövlət proqramlarının vaxtında və layiqincə yerinə yetirilməsindən xəbər verir. İnkişafın Azərbaycan modelini reallaşdıran bu proqramlardan regionların, Bakı şəhəri və onun rayonlarının tərəqqisinə yönələn dövlət proqramlarını xüsusilə qeyd etmək lazımdır. Sözsüz ki, bu proqramların icra olunmasında inzibati ərazi vahidi kimi Nizami rayonunun da əməyi böyükdür.

Nizami rayonu hazırda Bakı şəhərinin inkişaf etmiş sosial-iqtisadi, biznes, təhsil, inzibati mərkəzlərə və müxtəlif təyinatlı infrastruktura malik ərazi vahidlərindən biridir.

Nizami rayonu paytaxtın ən kiçik rayonu olmasına baxmayaraq, burada əhalinin sıxlığı kifayət qədər yüksəkdir. Bunun səbəblərindən biri də burada vətəndaşların işlə təmin olunması istiqamətində RİH-in apardığı məqsədyönlü siyasətdir.

Rayonun iqtisadiyyatının formalaşmasında istehsal sahələri və xidmət sektoru mühüm rol oynayır. Hazırda burada "Bakı Yağ Qida" fabriki, dəmir-beton məmulatları istehsal edən "Azərtunelmetrotikinti" SC-nin DBK zavodu, "Körpü Tunel" ATSC, neft məhsulları istehsal edən Heydər Əliyev adına Bakı Neft Emalı Zavodu, müxtəlif növ şokolad məmulatları istehsal edən "Ulduz" şokolad fabriki, "Peyk" zavodu, "Evropean Tobakko-Baku" ASC və s. istehsal müəssisələri fəaliyyət göstərir.

Bakı şəhəri və rayonların hərtərəfli inkişaf etdirilməsi üzrə dövlət proqramlarını uğurla həyata keçirən Nizami Rayon İcra Hakimiyyətinin fəaliyyəti əsasən sosialyönlüdür. Fəaliyyətini bu istiqamətdə quran Nizami RİH, keçən illərdə olduğu kimi, bu ilin 9 ayı ərzində də yeni uğurlara imza atıb. Belə ki, cari ilin yanvar-sentyabr aylarında rayonda fəaliyyət göstərən müəssisələr tərəfindən 346,9 milyon manat dəyərində məhsul istehsal edilib ki, bunun da 24,8 faizi özəl sektorun payına düşüb. İstehlakçılara 364,4 milyon manatlıq məhsul göndərilib. Rayonda cari ilin 3 rübündə 1847 yeni iş yeri açılıb. I Avropa Oyunları ərəfəsində Bakı Olimpiya Stadionunun istifadəyə verilməsi isə Nizami rayonu sakinləri üçün yaddaqalan hadisə kimi artıq tarixə düşüb.

9 ay ərzində M.Əliyev küçəsinin M.Abbasov küçəsi ilə Babək prospekti arasında yerləşən yolun bir hissəsinin təmiri yekunlaşıb. Burada yolun hərəkət hissəsinin uzunluğu 1375 metr, eni isə 26,5 metrdir. Küçənin 36500 kvadratmetr sahəsinə ikiqat olmaqla asfalt-beton döşənib, küçə boyu müasir işıqlandırma sistemi quraşdırılıb. Yağış sularının kənarlaşdırılması üçün yağış-kanalizasiya sistemi qurulub. Piyadaların təhlükəsiz hərəkəti üçün hər iki istiqamət üzrə 1,5 metr enində yeni piyada səkilərinə 2700 p/m xüsusi daşlar düzülüb. Hazırda burada təmir-abadlıq illəri davam etdirilir. Qeyd edək ki, rayonun B.Çobanzadə küçəsinin M.Abbasov və R.Rüstəmov küçələri arasında uzunluğu 924 metr, eni isə 15 metr olan hissəsində də təmir-tikinti işləri aparılır. Nəqliyyat vasitələrinin rahat və maneəsiz hərəkəti üçün B.Çobanzadə küçəsinin 5 metrə yaxın genişləndirilməsi istiqamətində işlər görülür. Bu küçədə sərnişin avtobusları üçün 2 ədəd xüsusi "Cib"li dayanacaqlar inşa ediləcək. Təmir-tikinti işləri rayonun M.Əliyev küçəsinin Babək prospektinə doğru istiqamətində də aparılır.

Rayonun daxili imkanları hesabına Keşlə qəsəbəsində şəhidlər xiyabanında qəbirüstü daşlar dəyişdirilib.

2014-cü ilin 9 ayı ərzində rayonun təhsil, səhiyyə və mədəniyyət ocaqlarında əsaslı təmir, yenidənqurma işləri, eləcə də həmin obyektlərin maddi-texniki bazasının möhkəmləndirilməsi istiqamətində mühüm addımlar atılıb.

Rayonda fəaliyyət göstərən Uşaq-Gənclər Yaradıcılıq Mərkəzi uşaq və gənclərin dünyagörüşünün formalaşdırılması, asudə vaxtın səmərəli və maraqlı təşkili, onların istedad və qabiliyyətlərinin üzə çıxarılması istiqamətində mühüm işlər görür. Yaradıcılıq Mərkəzi Heydər Əliyev Fondu, Ailə, Qadın və Uşaq Problemləri üzrə Dövlət Komitəsi, Ombudsman Aparatı və müxtəlif hökumət və qeyri-hökumət təşkilatları ilə sıx əlaqə qurub.

Rayonda fəaliyyət göstərən Məşğulluq Mərkəzi və Əmək Yarmarkası sakinlərin işlə təmin olunmasında müəyyən uğurlar qazanıb. Nizami Rayon Əhalinin Sosial Müdafiəsi Mərkəzinin sosial-məişət xidməti sektorunda tənha və kimsəsiz qocalara, əlillərə evlərində mütəmadi sosial və məişət xidməti göstərilir. Təqdirəlayiq haldır ki, bu xeyirxah işdə yerli bələdiyyələr də fəal iştirak edir.

Hər il 1 oktyabr tarixində isə bilavasitə rayon İH-nin təşkilatçılığı ilə Heydər bağı park-bulvarda Beynəlxalq Ahıllar Günü münasibətilə ahıllar arasında stolüstü oyunlar keçirilir, iştirakçıların hamısı mükafatlandırılır.

Bu il rayonun tədris müəssisələrində beynəlxalq əlaqələrin inkişaf etdirilməsi, müəllim-şagird heyətinə optimal şəraitin yaradılması, təhsilin keyfiyyətinin artırılmasında da uğurlar qazanılıb. 220 saylı məktəb-lisey Avropa Şurasının ölkələrarası əməkdaşlıq layihəsində iştirak edir.

Rayon ərazisində yerləşən tibb müəssisələri davamlı olaraq əhaliyə tibbi xidmət göstərir ki, bu da bir sıra infeksion xəstəliklərin sayını kəskin surətdə azaldıb. 2013-cü ilin noyabr ayında Heydər Əliyev Fondunun prezidenti Mehriban Əliyevanın iştirakı ilə Fond tərəfindən E.Süleymanov küçəsi 120 a ünvanında inşa edilən Daun Sindromlu Şəxslərin Reabilitasiya Mərkəzinin açılması isə rayonun ictimai həyatında mühüm hadisələrdən biri kimi yadda qalıb.

Rayonda su, qaz, kanalizasiya, işıq və istilik təsərrüfatlarının işi yaxşılaşdırılıb.

Ordu sıralarına çağırışın vəziyyəti və gənclərin hərbi vətənpərvərlik ruhunda tərbiyəsi ilə bağlı görülən işlər, hər il olduğu kimi, bu il də rayon İH-nin daim nəzarəti və diqqət mərkəzindədir. Belə ki, hesabat dövründə çağırışla əlaqədar Səfərbərlik və Hərbi Xidmətə Çağırış üzrə Dövlət Xidmətinin Bakı şəhəri Nizami rayonu idarəsinə verilən plan-tapşırıq müvəffəqiyyətlə yerinə yetirilib.

Vətəndaşların İcra Hakimiyyətinə operativ müraciət etməsi üçün "qaynar xətt" - 422-10-01 nömrəli telefondan istifadə olunur. RİH-nin elektron saytı bu əlaqələrin daha da genişləndirilməsinə şərait yaradıb. Bununla yanaşı, İH sakinlərin qəbuluna da xüsusi diqqət ayırır. Mövcud problemlərin, sakinlərin sosial əhəmiyyətli sifarişlərinin, tələb və təkliflərinin öyrənilməsi məqsədilə ayda iki dəfədən az olmayaraq yerlərdə RİH başçısının sakinlərlə səyyar görüşləri keçirilir. Buna misal olaraq 03 oktyabr 2015-ci il tarixində Rayon İcra Hakimiyyətinin başçısı Arif Qasımovun R.Rüstəmov, E.Süleymanov küçələri və digər ünvanlarda rayon sakinləri ilə növbəti görüşünü qeyd etmək lazımdır.

Nizami RİH ölkə KİV-i ilə sıx əməkdaşlıq edən azsaylı yerli icra orqanlarından biridir. Bunu İH-nin "Yerli icra hakimiyyəti orqanları ilə kütləvi informasiya vasitələri arasında əməkdaşlığın inkişaf etdirilməsi" mövzusunda keçirilən konfransları və son illərdə KİV DF ilə birgə jurnalistlər üçün keçirdiyi mütəmadi müsabiqələri də sübut edir.

Problemlər...

Beləliklə, Nizami RİH-nin cari ilin son 9 ayında fəaliyyəti göstərir ki, bu müddət ərzində İH dövlət əhəmiyyətli sosial-iqtisadi layihələr üzrə mühüm işlərə imza atıb. Ərazidəki park, istirahət yerləri, yaşıllıq zolaqları, abadlıq-quruculuq işləri sakinlərlə yanaşı, biz jurnalistləri də sevindirir. Təqdir olunası haldır ki, rayon rahbərliyi görülən işlərlə kifayətlənməyib, hər hesabatında problem və nöqsanların həll edilməsi yollarını gəstərir. Biz artıq hər hesabatdan sonra bu nöqsanların həll olunduğunu görürük. Ərazini gəzərkən bu nöqsan və problemlərin bəziləri ilə biz də əyani tanış olduq. Belə ki, Keşlə qəsəbəsinin P.Fərzəliyev küçəsində (bura xalq dilində "Şanxay" məhəlləsi də deyilir) dəmir yolu yaşayış evlərinin iki addımlığından keçir. Bu isə insan həyatı üçün çox təhlükəlidir.

Lakin bu və digər problemlər RİH-nin məqsədyönlü, davamlı fəaliyyətinə, görülən abadlıq-quruculuq işlərinə heç vəchlə kölgə sala bilməz. Şübhəsiz ki, həlli vacib olan bu məsələləri hamıdan daha çox rayon rəhbərliyi görür, bilir və ümidvarıq ki, İH yaxın vaxtlarda bu problemləri də uğurla həll edəcək. Bu inam RİH-nin yaxın perspektivdə hədəflədiyi işlərə start verməsindən doğur.

Perspektivlər...

RİH bu ilin sonuna qədər qarşıya qoyulan vəzifələrin icrası istiqamətində işləri yekunlaşdırmaq üzrədir. Qeyd edək ki, bu işlərin bəziləri ümumşəhər infrastrukturu ilə əlaqəlidir.

Məsələn, yaxın gələcəkdə ölkə neftayırma sənayesinin flaqmanı Heydər Əliyev adına Bakı Neft Emalı Zavodunun paytaxtdan köçürülməsi həm Bakı şəhərinin, həm də Nizami rayonunun ekologiyasına müsbət təsir göstərəcək.

Rayonun Əhalinin Sosial Müdafiəsi Mərkəzinin əhaliyə müxtəlif növ sosial xidmətlərin təqdim edilməsi istiqamətində gördüyü tədbirlər də tamamlanmaq üzrədir.

Beləliklə, Nizami rayonundakı sosial-iqtisadi inkişafla əyani tanışlığımız, rastlaşdığımız problemlərin İH-nin diqqət mərkəzində olması və perspektivə hədəflənən səylər göstərir ki, bu rayon müstəqil Azərbaycanın inkişafı naminə layiqli töhfələr verəcək. Və jurnalist olaraq biz də əminik ki, Nizami Rİh neftin qiymətinin kəskin aşağı düşməsi və manatın məzənnəsinin ucuzlaşmasına baxmayaraq, keçən illərdə olduğu kimi, bu il də qarşıya qoyulan vəzifələrin öhdəsindən layiqincə gələcək. Bu məsul işlərlə yanaşı, Rayon İcra Hakimiyyəti hazırda Prezident İlham Əliyevin tapşırığı ilə "2014-2016-cı illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"na əsasən görüləcək işlərlə məşğuldur. Bu şərəfli vəzifənin yerinə yetirilməsində Rayon İcra hakimiyyətinə uğurlar arzulayırıq.

Vaqif CƏLİLOĞLU, tex.e.üzrə fəlsəfə doktoru

Yazı Nizami Rayon İcra Hakimiyyəti və Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun keçirdiyi müsabiqəyə təqdim etmək üçündür.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...