Azərbaycan regionda dollarsız ticarət mərhələsi aça bilər

Tarix: 25.12.2015 / 02:13
Bölmə: İqtisadiyyat

Vüqar Bayramov: "Azərbaycanla İran arasında əlaqələrdə ancaq manatdan istifadə olunarsa, bu məqbuldur"

"İki ölkə arasında ticarət əlaqələrinin sadələşdirilməsi hər iki tərəf üçün faydalıdır"

"Ötən 20 il ərzində Azərbaycan və İran arasındakı əlaqələr indiki kimi yaxın olmayıb, münasibətlərimiz indi misilsiz səviyyədədir". Bunu mətbuata açıqlamasında İranın rabitə və informasiya texnologiyaları naziri, iqtisadi əməkdaşlıq üzrə İran-Azərbaycan hökumətlərarası komissiyasının həmsədri Mahmud Vaezi Təbrizdə keçirilən İran-Azərbaycan biznes forumunda çıxışında deyib.

M.Vaezi bildirib ki, iki ölkə münasibətlərində keçmişdə mövcud olan problemlər artıq öz həllini tapıb və ölkə rəhbərlərinin iradəsi ilə əlaqələr daha da inkişaf edəcək: "Həsən Ruhani hökumətinin siyasəti qonşu ölkələrlə əlaqələri inkişaf etdirməkdir. Azərbaycan dini və mədəni oxşarlığa görə bizə ən yaxın ölkədir".

M.Vaezi qeyd edib ki, İran Milli Bankı Azərbaycanda fəaliyyətini genişləndirəcək: "İki ölkənin ticarət dövriyyəsində milli valyutalardan (manat və rialdan) istifadə haqqında razılıq əldə etmişik. Gömrük işlərinin, nəqliyyat və yükdaşımaların asanlaşdırılması, viza rejiminin sadələşdirilməsi və rüsumların aşağı salınması ilə bağlı razılıqlarımız olub və gələcəkdə icrasına başlanacaq".

Nazirin sözlərinə görə, İranın Şərqi Azərbaycan əyaləti ilə Azərbaycanın bölgələri arasında əlaqələrin inkişafı üçün hazırlıq işləri tamamlanıb və yaxın 2 ay ərzində Şərqi Azərbaycan əyalətinin başçısı İsmayıl Cabbarzadənin başçılığı ilə nümayəndə heyəti Bakıya səfər edəcək. Səfər zamanı yekun razılıqlar əldə olunaraq onların icrasına başlanacaq.

Ümumən Azərbaycanla İran arasında milli valyutalarla ticarət əlaqələrinin qurulması çoxdandır müzakirə mövzusudur. Ticarətin milli valyutalarla aparılmasına İran tərəfi daha çox maraq göstərir. Ümumən ticarətin sözügedən valyutalarla aparılmasına ekspertlərin münasibəti necədir?

Məsələyə münasibət bildirən iqtisadçı-ekspert Vüqar Bayramov İranla Azərbaycanın qarşılıqlı ticarət əlaqələrində yerli valyutalardan istifadəsinə bir neçə prizmadan yanaşdı: "Ümumən iki ölkə arasında ticarət əlaqələrinin sadələşdirilməsi hər iki tərəf üçün faydalıdır. Ancaq beynəlxalq hesablaşmalarda dollarla deyil, digər valyutalarla Azərbaycanın ixracının yüksək olduğu ölkələrlə alış-veriş edilməsinin tərəfdarı deyiləm. Çünki Azərbaycanın ixracatının çox olduğu ölkələrlə əməkdaşlıqda əsas məqsəd odur ki, ölkəyə dollar daxil olsun. Ölkəyə dolların daxil edilməsi isə birmənalı şəkildə Azərbaycanın valyuta ehtiyatlarının artması və daha çox vəsaitin, dönərli valyutanın ölkəyə cəlbi baxımından olduqca əhəmiyyətlidir. Bu baxımdan qarşılıqlı hesablaşmalar, qarşılıqlı iqtisadi əlaqələrdə yerli valyutalardan istifadə edilməsi indiki halda arzuolunan deyil. Ölkənin beynəlxalq hesablaşmalarda, xüsusən ticarət əlaqələrində yerli valyutalardan deyil, məhz ABŞ dollarından istifadə etməsi daha məqsədəuyğundur. Bu, ölkəmizə imkan verir ki, valyuta ehtiyatlarını artıra bilsin, daha asan hesablaşmalar həyata keçirsin.

Çünki dollarla hesablaşmanın həyata keçirilməsi daha asandır. Təbii ki, manatın gələcəkdə regional əməkdaşlıqda istifadə edilməsi məqsədəuyğundur. Amma Azərbaycanla İran arasında əlaqələrdə ancaq manatdan istifadə olunarsa, bu məqbuldur. Lakin manatla yanaşı, ticarət əlaqəsi saxlanan digər ölkənin də valyutasından istifadə olunursa, bu məqbul deyil".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...