Bu il azərbaycanlıların Türkiyədə aldığı 733 mənzil...

Tarix: 25.12.2015 / 02:07
Bölmə: İqtisadiyyat

Xaricdə əmlak alan Azərbaycan vətəndaşlarının sayında artım var

Daşınmaz əmlak bazarında hələ də istənilən aktivliyin qeydə alınmamasına baxmayaraq, xaricdə mənzil, kommersiya obyektləri alan soydaşlarımızın sayı getdikcə artır. Həmişəki kimi isə azərbaycanlıların üz tutduğu əsas məkanlardan biri qonşu Türkiyədir. Türkiyə Statistika Komitəsinin yanvar-noyabr ayları üzrə açıqladığı məlumatda deyilir ki, təkcə cari ilin noyabr ayında azərbaycanlılar Türkiyədə 88 mənzil alıb.

O da qeyd edilib ki, cari ilin 11 ayında Azərbaycanlıların Türkiyədə aldığı mənzillərin sayı 733 olub.

Qeyd edək ki, cari ilin təkcə avqust ayında həmvətənlərimiz qonşu ölkədə 54, sentyabrda 56, oktyabrda isə 77 mənzil alıb. Ekspertlər hesab edir ki, Türikyədə mənzillərin ucuz olması fonunda burada ev alan azərbaycanlıların sayı daha da artacaq. Bu məsələ Türkiyə şirkətlərinin özlərinin də xüsusi diqqət mərkəzində yer alır. Hətta Türkiyənin nəhəng tikinti şirkəti olan "Ağaoğlu" Azərbaycanda satış ofisini açmağı planlaşdırır. Şirkətin xarici bazarlar üzrə direktoru Ali El Salih bu xüsusda bildirib: "Biz bazarı öyrənməyə gəlmişik. Düzdür, bazarı az-çox bilirik. Azərbaycan bazarı inkişaf edən bir bazardır. Hazırda azərbaycanlılar bizdən mənzil alırlar. Biz gələcəkdə Azərbaycanda ofis aça bilərik. İstəyirik ki, Azərbaycanda satışla birbaşa özümüz məşğul olaq". Ali El Salih bildirib ki, "Ağaoğlu" etibarlı tikinti şirkəti olduğundan, tikintinin başlanğıcı ilə başa çatdığı dövr arasında mənzillərin qiyməti 35-40 faiz artır: "Məsələn, lüks layihə olan "Maslak 1453"də hazırda mənzillərin 1 kvadratmetrinin qiyməti 3000-3500 manat civarındadır. 1 il sonra, tikinti işləri başa çatdırıldığında qiymət 6000 dollaradək qalxacaq. Bir il ərzində inanılmaz mənfəət götürmək olar".

Ali El Salih əlavə edib ki, hazırda şirkətin müştərilərinin təxminən 15%-ə yaxını azərbaycanlılardır":Azərbaycanılar daha çox İstanbulun Asiya tərəfindəki Ataşəhərdəki layihələrlə maraqlanırlar. Hazırda biz Ataşəhərdə "İstanbul Maliyyə Mərkəzi"nin tikintisini aparırıq. Bu, Türkiyədə tək layihədir. Bu layihədə yaşayış binaları, ofis mərkəzləri, alış-veriş mərkəzləri, Türkiyədə fəaliyyət göstərən aparıcı bankların filialları olacaq. Eyni zamanda kompleks çox əlverişli ərazidə, yol qovşaqlarının ətrafında yerləşir. "İstanbul Maliyyə Mərkəzi"ndən hava limanına 25 dəqiqəyə getmək mümkündür". Türkiyənin bir sıra yerli bankları isə, Azərbaycan da daxil olmaqla, MDB vətəndaşlarına həvəslə kredit verir. Məsələn, İspaniyada "Garanti Bank"dan rahatlıqla kredit götürmək olar. Adətən kredit yerli valyutada verilir. Bəzi banklarda müxtəlif variantlar seçmək olar. Məsələn, "Garanti Bank"da dörd valyutada kredit almaq olar: avro, dollar, türk lirəsi və funt-sterlinqdə. Şərtlərinə, o cümlədən faiz dərəcələrinə görə yerli bankların təklifləri daha sərfəlidir. Bütün bunlar Türkiyədə ev alan soydaşlarımızın sayını artırır. Azərbaycanlılar başqa ölkələrə də üz tuturlar. İspaniya, Böyük Britaniya, Çexiya bu xüsusda daha çox diqqət mərkəzindədir. Özü də xaricdə mənzilləri kreditlə almaq imkanları da genişləndirilir. Məsələn, Azərbaycan vətəndaşları İspaniyada ipoteka kreditlərini 3-5%-lə, 25-30 il müddətinə götürə bilər. İlkin ödəniş tələbi 50%-dir. Bolqarıstanda isə mənzilin dəyərinin maksumum 20%-ni əvvəlcədən ödəmək tələb olunur. Amma ipoteka kreditləri İspaniya ilə müqayisədə bir qədər bahadır. Bolqarıstanda ipoteka kreditinin illik faiz dərəcəsi 8-10%, müddət isə maksimum 20 ildir. Nəinki Avropanın, həm də dünyanın perspektivli daşınmaz əmlak bazarlarından sayılan, kirayə biznesinin geniş yayıldığı Almaniyada isə Azərbaycan vətəndaşları ipoteka kreditlərini illik 2-3%-lə, 20 illiyə götürə bilər. İlkin ödəniş tələbi isə 50%-dir.

Bütün bunlar xaricdə ev və obyekt alan soydaşlarımızın sayını artırır. Ölkəmizə gəlincə, milli valyutanın dekabrın 21-də həyata keçirilən ikinci devalvasiyasından sonra Bakı şəhərinin əmlak bazarında qeyri-müəyyənlik hökm sürür. Ekspert Nüsrət İbrahimov bildirir: "Nə alıcı, nə də satıcı qərar qəbul edə bilir və hadisələrin gedişini izləyir. Bu, bazarda vəziyyət sabitləşənə qədər davam edəcək".

Lakin ekspert qeyd edib ki, bu cür vəziyyət müvəqqəti xarakter daşıyır. Son günlər evlərin qiymətinin süni şəkildə qaldırılması ilə bağlı N.İbrahimli bildirib ki, 2015-ci ilin fevral ayında ilk devalvasiya zamanında da analoji cəhdlər olub: "Bu nəticə verməyib və daşınmaz əmlakın qiyməti əvvəlki səviyyəyə enib. Bu müvəqqətidir". Qiymətlərin aşağı düşməsi fonunda ölkəmizdə də mənzil bazarının canlanması gözlənir.

Tahir TAĞIYEV

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...