Vergilər Nazirliyinin 1621 cinayət işi və faktları siyasiləşdirən dairələrin məqsədləri...

Tarix: 16.10.2015 / 02:51
Bölmə: İqtisadiyyat

Əli Əlirzayev: "Bunu siyasiləşdirməyin özü məntiqsiz yanaşmadır"

"Kimsə sahibkarlıq fəaliyyəti ilə məşğul olursa, bunun müqabilində pul qazanırsa, vergini də vaxtında ödəməlidir"

Məlum olduğu kimi, bu ilin yanvar-sentyabr ayları ərzində Vergilər Nazirliyi yanında Vergi Cinayətlərinin İbtidai Araşdırılması Departamentində vergi ödəməkdən yayınma və qanunsuz sahibkarlıq fəaliyyəti ilə məşğul olma faktları üzrə cəmi 1621 sayda cinayət işi başlanıb.

Hesabat dövründə departamentdə cinayət işləri və materiallar üzrə aparılan araşdırmalar zamanı 44 mln. 262, 8 min manat vəsaitin dövlət büdcəsinə ödənilməsi təmin edilib ki, bu da 2014-cü ilin eyni dövrü ilə müqayisədə 4,4 dəfə çoxdur.

İstintaqı tamamlanmış cinayət işlərindən 143 şəxs barəsində 115 iş ittiham aktı ilə aidiyyəti üzrə baxılması üçün məhkəmələrə göndərilib.

Cinayət işləri üzrə keçirilmiş istintaq-əməliyyat tədbirləri nəticəsində vergi cinayətləri törətdiyinə görə barəsində axtarış elan edilmiş 31 nəfər şəxs tutularaq departamentin İstintaq idarəsinə təhvil verilib, ibtidai istintaqdan yayınan 257 şəxsin məcburi qaydada gətirilməsi, 366 şəxsin tapılaraq istintaqa gəlməsi, 315 şəxsin yerinin müəyyən olunaraq istintaqa məlumat verilməsi təmin olunub.

Ancaq görünən odur ki, qanun çərçivəsində görülən bu tədbirləri bəzi dairələr siyasiləşdirməyə çalışır. Bunu onunla əlaqələndirməyə çalışırlar ki, guya Prezidentin 9 ayın yekunlarına həsr olunmuş müşavirədə çıxışından sonra məlum tədbirlər görülür. Halbuki, Vergilər Nazirliyi müvafiq qanun çəçivəsində prosedura uyğun olaraq məlum addımları atmağa başlayıb.

Maraqlıdır, ekspertlər sözügedən məsələ ilə bağlı hansı fikirdədir?

Sözügedən məsələni dəyərləndirən iqtisadçı alim Əli Əlirzayevin sözlərinə görə, vergidən yayınma ilə bağlı 1621 sayda cinayət işinin açılmasının siyasiləşdirilməsinin heç bir əsası yoxdur: "Bunu siyasiləşdirməyin özü məntiqsiz yanaşmadır. Sahibkarların siyasətə nə dəxli var? Onlar siyasətlə yox, iqtisadi fəaliyyətlə məşğuldur. Belə olan halda buna siyasi don geyindirmək doğru deyil. Hər bir sahibkarın borcudur ki, vaxtında vergini ödəsin. Kimsə sahibkarlıq fəaliyyəti ilə məşğul olursa, bunun müqabilində pul qazanırsa, vergini də vaxtında ödəməlidir. Çünki dövlət büdcəsi yığılan vergilər hesabına formalaşır. Həmin vəsait hesabına təqaüdlər, əmək haqları verilir. Eyni zamanda digər vacib işlər görülür. Sosial layihələr həyata keçirilir, ölkənin müdafiə qabiliyyəti gücləndirilir və s. Ona görə də nəinki sahibkarlar, bütün ölkə vətəndaşları vergilərin yığılmasına, vaxtında ödənilməsinə son dərəcə diqqətlə yanaşmalıdır.

Belə olsa, vergi borcunun yığılıb qalması problemləri də az olacaq. Buna görə sahibkar məsuliyyətə cəlb olunmayacaq. Eyni zamanda, büdcədə hansısa kəsir yaranmaz. Yəni deməyim odur ki, bütün bunlar bir-birilə sıx bağlıdır. Hesab edirəm ki, vergi ilə bağlı maarifləndirmə işi gücləndirilməlidir".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...