Azərbaycanın mənzil bazarında qiymət çöküşü başladı

Tarix: 16.10.2015 / 02:49
Bölmə: İqtisadiyyat

Mənzil bazarında son vəziyyət burada qiymətlərin hələ də azalmağa doğru getdiyini göstərir. Amma əvvəlki kimi bazarda hələ də istənilən aktivlik qeydə alınmır. Ümumiyyətlə, 2014-cü ilin payızından daşınmaz əmlak bazarında qiymətlər enməyə başlayıb. Hesab edilir ki, əsas səbəb dünya bazarında neftin qiymətinin düşməsinin makroiqtisadi vəziyyətə təsir etməsidir.

Elə ilk növbədə bununla bağlı daşınmaz əmlak bazarında qiymətlər aşağı düşür. Ekspertlərə görə, bu təbiidir, çünki daşınmaz əmlak bazarı iqtisadiyyatın mühüm indikatorlarından biridir.

Bazarda qiymət enməsi artıq 1 ildən artıq davam edir və bu kifayət qədər böyük dövrdür. Bununla belə, ucuzlaşmanın hələ davam edəcəyi gözlənir. İqtisadçı Vüqar Bayramov isə vurğulayır ki, alıcıların sayının azalması mənzil bazarında qiymətlərin düşməsinə səbəb olub. O bildirib ki, alıcı sayının azalması həm də Rusiyada yaşanan iqtisadi çətinliklə bağlıdır. Ekspert hesab edir ki, sanksiyalardan sonra Rusiyada yaşayan azərbaycanlıların mənzil bazarına olan tələbatı azalıb: "Əvvəlki dövrlərdə Rusiyada yaşayan azərbaycanlılar Bakıda satılan hər 4 mənzildən birini alırdı. Eyni zamanda mənzil bazarında alıcılıq səviyyəsinin aşağı düşməsi halları qlobal və regional əmlak bazarında da müşahidə edilməkdədir. Həmçinin dolların qiymətinin qalxması vətəndaşların pul yığmağa üstünlük verməsinə səbəb olub. Bu da mənzil bazarına təsirsiz ötüşməyib. Bizim qiymətləndirməmiz göstərir ki, bu ilin 9 ayı ərzində mənzil bazarında 14%-ə yaxın azalma müşahidə edilir. Azalmalar, xüsusilə yeni istifadəyə verilmiş binalarda olub. Belə ki, yeni binalarda 8 % qiymət azalması olub". Onun sözlərinə görə, mövcud durğunluq 2015-ci ilin sonuna kimi davam edəcək. Bu il mənzil bazarında 16%-ə qədər qiymət azalmaları gözlənir

Onu da bildirək ki, alıcıların çoxunun gözləmə mövqeyində olması da mənzil bazarına təsirsiz ötüşmür. Hesab olunur ki, mənzil bazarını dirçəldə biləcək əsas amil yalnız indiki durumda bu sahəyə veriləcək ipoteka kreditləri ola bilər. Qeyd edək ki, indiyə qədər İpoteka Fondunun xəttilə 700 milyon vəsait ayrılıb ki, ondan da 17500 ailə yararlanıb. Hazırda bu kreditlərin miqdarının daha da artırılması gözlənir. Mərkəzi Bankın sədri Elman Rüstəmov da bildirib ki, 2016-cı ildə kreditlərə çıxış imkanlarının genişləndirilməsi diqqət mərkəzində saxlanacaq. O deyib ki, ipotekanın genişləndirilməsi də prioritetlərdəndir: "İpoteka Fondunun xəttilə indiyədək 700 milyon manatdan artıq kredit verilib. Banklar tərəfindən də yarım milyarddan artıq ipoteka krediti verilib. Daşınmaz əmlak daha çox məşğulluq yaradır. Bu baxımdan ipotekanın canlandırılması mühüm əhəmiyyət kəsb edir. Mərkəzi Bank Maliyyə Nazirliyi ilə razılaşdırılmaqla təklifləri təqdim edib. Burada vəsaitin artırılması, faizlərin azaldılması nəzərdə tutulur".

Həmçinin planda olan əsas məsələlərdən biri də sosial evlərin inşasıdır. Yaxın gələcəkdə Azərbaycanda sosial evlərin tikintisi planlaşdırılır. Bununla bağlı dünya ölkələrinin qeyd olunan sahədəki təcrübəsi öyrənilir. Əsasən də Almaniya və son dövrlər bu sahədə uğur qazanan Sinqapur kimi ölkələrin təcrübəsi diqqət mərkəzindədir. Almaniya modelinə əsasən, ipoteka sisteminin davamlılığı üçün təkcə sosial yardımla kifayətlənmək məqsədəuyğun hesab edilmir. Sosial ipotekanın mənbələri, dövlətin maliyyə resursları ilə yanaşı, digər əlavə mənbələr hesabına formalaşır. Maliyyələşmə mənbələri kimi qiymətli kağızlardan, kredit və qrantlardan, həmçinin Dövlət Neft Fondunun və Maliyyə Nazirliyinin səhm və istiqrazlarından da istifadə oluna bilər.

Əhalinin öz yığımları hesabına ipoteka kreditləri əldə etməsi, bank olmayan kredit təşkilatlarının bu prosesə cəlb olunması məsələsi də nəzərdən keçirilir. Bu mənbələr hesabına ipoteka ehtiyatlarının ən azı 2-3 dəfə artması mümkündür.

Yeri gəlmişkən qeyd edək ki, hökumətə təqdim olunan müvafiq layihədə yer alan təkliflər sosial ipoteka şərtlərinin yüngülləşdirilməsi, faiz dərəcələrinin aşağı salınması və ilkin ödəniş şərtlərinin asanlaşdırılmasıdır. Bütün bunlar daha çox sayda insana mənzil sahibi olmaq imkanı verməklə yanaşı, daşınmaz əmlak bazarını da əhəmiyyətli dərəcədə genişləndirə və burada aktivliyi artıra bilər.

Tahir TAĞIYEV

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...