Vergi borclularının həbsi geniş ictimai rezonans doğurdu

Tarix: 14.10.2015 / 03:15
Bölmə: İqtisadiyyat

Əli Əlirzayev: "Hansısa sahibkar vergini gizlədirsə, təbii ki, bu cinayətdir"

"Azərbaycanda vergi nizam-intizamının gücləndirilməsi baxımından bu kimi sərt tədbirlərin miqyası genişləndirilməlidir"

Yayılan məlumatlara görə, Vergilər Nazirliyi yanında Vergi Cinayətlərinin İbtidai Araşdırılması Departamentinin vergi borclarının məcburi alınması idarəsi ilə Ədliyyə Nazirliyinin icra baş idarəsinin keçirdiyi birgə tədbirlər nəticəsində, dövlət büdcəsinə yaranmış borc məbləğlərini vaxtında ödəmədiklərindən, Binəqədi Rayon Məhkəməsinin oktyabrın 9-dakı qərarları ilə vergi ödəyiciləri Habil Ağayev 5 gün, Rövşən Əsgərov isə 3 gün müddətində inzibati qaydada həbs olunub.

Nazirliyin analitik-informasiya şöbəsindən bununla bağlı verilən açıqlamadan belə məlum olur ki, İnzibati Xətalar Məcəlləsinin 313-1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə görə fiziki şəxslərə işin hallarına görə pozuntunu törədənin şəxsiyyəti nəzərə alınmaqla bir ayadək müddətə inzibati həbs tətbiq oluna bilər. Nazirlik belə sərt inzibati tədbirlərin tətbiqinin vergi ödəyicilərində məsuliyyət hissinin artırılmasına və onların gələcəkdə vergi qanunvericiliyini pozmaqdan çəkinmələrinə səbəb olacağına hesablandığını açıqlayıb.

Qeyd edək ki, bir müddət əvvəl Vergilər Nazirliyi bütün vergi ödəyicilərinə sərt xəbərdarlıq etmişdi. Nazirlik vergi borcu olan ödəyicilərin sərhəddən buraxılmayacaqlarını, hətta azadlıqdan məhrumetmə cəzalarının belə tətbiq olunacağını qeyd etmişdi. Onu da əlavə edək ki, Cinayət Məcəlləsinin 213-cü maddəsinə əsasən, vergi ödəməkdən yayınma cinayətini törədən şəxslər 2 ildən 7 ilədək müddətə azadlıqdan məhrumetmə cəzası ilə cəzalandırılır.

Bütövlükdə sözügedən inzibati tədbirlərin görülməsi vergidən yayınma hallarını bu və ya digər şəkildə azalda bilər. Yəni vergi ödəyiciləri məsuliyyətini dərk edib vaxtında vergini ödəyəcək ki, bu da büdcənin formalaşmağına müsbət təsir göstərəcək.

Ekspertlər bu yöndə görülən inzibati tədbirləri necə dəyərləndirir?

Məsələyə münasibət bildirən iqtisadçı alim Əli Əlirzayev vergi borcu olan sahibkarlara qarşı bu cür inzibati tədbirlərin görülməsini dəstəklədiyini bildirdi: "Hansısa sahibkar vergini gizlədirsə, təbii ki, bu cinayətdir. Belə olan halda müvafiq qurumların qanundan irəli gələrək sərt tədbirlər görməsi məqsədəuyğundur. Bu, vergi nizam-intizamının gücləndirilməsi baxımından müsbət addımdır. Hər bir vergi ödəyicisi vaxtında vergi bəyanaməsini verməyə borcludur. Kimsə bunun məsuliyyətini dərk etmək istəmrsə, o zaman buna görə məsuliyyətə cəlb olunmalıdır. Bir çox inkişaf etmiş dövlətlərdə vergilərin vaxtında yığılması prioritet təşkil edir. Təcrübə göstərir ki, həmin dövlətlərin inkişaf etməsində bu amilin böyük rolu olub. O baxımdan hesab edirəm ki, Azərbaycanda da vergi nizam-intizamının gücləndirilməsi üçün bu kimi sərt tədbirlərin miqyası genişləndirilməlidir. Maksimum çalışmaq lazımdır ki, belə hallara yol verən sahibkarlar olmasın".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...