Qızıl ehtiyatlarımız gəlir gətirməyə başladı

Tarix: 04.02.2015 / 02:19
Bölmə: İqtisadiyyat

Məlum olduğu kimi, Azərbaycan valyuta ehtiyatlarının diversifikasiya edilməsi istiqamətində son illərdə fəal siyasət yürüdür. Bunun nəticəsidir ki, ölkənin valyuta ehtiyatları təkcə dollar və avrodan ibarət deyil. Buraya artıq bir sıra başqa ölkələrin valyutaları, o cümlədən qızıl da daxil edilib. Proseslərin gedişi isə qarşıdakı dövr ərzində qızıl ehtiyatlarının ölkəmizə daha böyük həcmdə mənfəət qazandıracağını istisna etmir.
"Thomson Reuters GFMS" təşkilatı da qızılın qiymətinin artacağını proqnozlaşdırır. Qurum xatırladır ki, qızılın qiyməti 7%-dən çox bahalaşıb. Təşkilatın statistik məlumatlarına əsasən, 2014-cü ildə dünyanın mərkəzi bankları tərəfindən ümumilikdə 461 ton qızıl alınıb ki, bu da 2013-cü illə müqayisədə 13% çoxdur. 2014-cü ilin göstəricisi 1971-ci ildə dolların qızıla konvertasiyasının ləğv olunduğu vaxtdan ən yüksək göstəricidir. 2014-cü ildə Rusiyanın Mərkəzi Bankı ümumilikdə 152 ton qızıl alıb. Ötən il Rusiyanın aldığı qızılın həcmi dünyanın mərkəzi banklarının aldığı həcmin üçdə birini təşkil edir. Belə ki, bu, Sovetlər İttifaqının dağılmasından sonra ən yüksək səviyyədə olub. Moskvanın böyük həcmdə qızıl alması dollardan asılılığa son qoymaq, həmçinin məzənnəsi aşağı düşən rublu saxlamaq arzusu ilə izah olunur. Mərkəzi Asiya ölkələri də qızıla böyük maraq göstərir. 2014-cü ildə Qazaxıstan 46 ton, İraq 2014-cü ilin birinci yarısında 48 ton qızıl alıb. Azərbaycan isə ötən il 7 ton qızıl alıb. Cari ildə də qızıl alışının davam etməsi istisna deyil. Bahalaşma zinət əşyalarında da özünü göstərir. Qiymətli daş-qaşın qiyməti yüksələrək, son 5 ayda ilk dəfə psixoloji, yəni 40 dollarıq həddi yenidən keçib. Qızıla tələbatın artması onun dünya bazar qiymətinin yüksəlməsinə səbəb olub. Belə ki, son aylar bir sıra ölkələr, o cümlədən Çin, Qazaxıstan, Türkiyə, Hindistan və hətta Rusiya öz ehtiyatlarının bir hissəsini qızıla çevirmək qərarına gəlib. 2012-2014-cü illərdə qızılın dünya bazar qiymətinin azalması və yeni qlobal iqtisadi böhran qorxusu inkişaf etməkdə olan ölkələrdə qızıla tələbatı artırıb.
Ekspertlər qızılın qiymət artımını neft və valyuta bazarında müşahidə edilən çalxalanmalar fonunda investorların öz pullarını daha az risqli istiqamətə yönəltməsi ilə də bağlayır. Qızılın qiymətindəki artım tempinin davam edəcəyi proqnozlaşdırılsa da, hələlik kəskin yüksəliş gözlənilmir. Bununla belə, 2015-ci ildə bütövlükdə qızılın dəyər qazanacağı proqnozlaşdırılır. Azərbaycanda əsasən hazır qızıl məmulatlarının qiymətində yaxın günlərdə artımların olacağı gözlənir. Bunun əsas səbəbi dünya bazarında müşahidə edilən artımlar nəticəsində idxal olunan analoji məhsulların xərcinin yüksəlməsi ilə yanaşı, bu il yanvarın 1-dən aksiz vergisi dərəcəsinin artırılması ilə bağlıdır. Qeyd edək ki, Vergi Məcəlləsinə edilən son dəyişikliklərlə əlaqədar olaraq Azərbaycana idxal olunan platin, qızıl, ondan hazırlanmış zərgərlik və digər məişət məmulatı emal olunmuş, çeşidlənmiş, çərçivəyə salınmış və bərkidilmiş almaz aksizli malların siyahısına daxil edilib. Bununla da ölkəyə idxal olunan qızılın min çəki vahidindəki miqdarından asılı olaraq 0,8-2 manat arası aksiz vergisi tutulacaq.
Dəyişikliklərə əsasən, idxal olunan platinin hər qramına görə aksiz dərəcəsi 2 manat təşkil edəcək. Qızılın, ondan hazırlanmış zərgərlik və digər məişət məmulatlarının aksiz dərəcəsi min çəki vahidindəki miqdarına görə müəyyənləşəcək. Belə ki, qızılın min çəki vahidindəki miqdarı 375 olduqda aksiz dərəcəsi hər qrama görə 0,8 manat, 500 olduqda hər qrama görə 1 manat, 585 olduqda hər qrama görə 1,2 manat, 750 olduqda hər qrama görə 1,5 manat, 958 olduqda hər qrama görə 1,8 manat, 999 olduqda hər qrama görə 2 manat olacaq. Digər səbəb Azərbaycana gələn qızıl əşyaların böyük qisminin Yaxın Şərq, ərəb ölkələrindən idxalı ilə əlaqədardır. Belə ki, son zamanlar həmin ölkələrdə hökm sürən qeyri-stabil vəziyyət, biznes mühitinin ağırlaşması, sahibkarların bu ölkələrdən qızıl almasında yaranan problemlər, bu dövlətlərdə də qızılın qiymətinin artması son nəticədə hazırda mövcud olan mənzərənin yaranmasına səbəb olur. Lakin valyuta ehtiyatları ilə bağlı vəziyyət qənaətbəxşdir. Çünki qızılın dəyər qazanması valyuta ehtiyatlarında olan qızılın daha çox mənfəət qazandırmasına səbəb olur. Daxildə qızıl hasilatının artması isə valyuta ehtiyatlarının tərkibində olan qızılın miqdarının daha da çoxalmasına gətirib çıxarmaq iqtidarındadır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...