Elektron ticarətdən sui-istifadə edən mobil telefon işbazları sadə insanların fərdi mal almaq imkanlarını təhlükəyə salıblar

Tarix: 03.02.2015 / 01:27
Bölmə: İqtisadiyyat

Rabitə və ... Nazirliyi müdrik qərar vermək istəyir

Osman Gündüz: «Vergi güzəştlərini tətbiq edən qərarların qəbul edilməsi daha düzgün və daha faydalı olardı»

«Elektron ticarətdən sui-istifadə hallarının qarşısını almaq məqsədilə Dövlət Gömrük Komitəsi Nazirlər Kabinetinə müraciət edib». Bunu rabitə və yüksək texnologiyalar naziri Əli Abbasov mediaya açıqlamasında bildirib.

Nazir qeyd edib ki, son zamanlar elektron xidmətlərin genişlənməsi və elektron texnologiyalara əhalinin çıxışının asanlaşması nəticəsində elektron kommersiya və elektron ticarət vasitəsilə alış-verişin həyata keçirilməsi istiqamətində mühüm işlər görülüb: «Bu işlərin genişləndirilməsi üçün 2013-cü ilin oktyabr ayından elektron ticarəti poçt vasitəsilə həyata keçirməklə ölkəyə gələn mallara gömrük rüsumu 1000 dollardan çox olan məbləğinə tətbiq olunurdusa, yeni qərara görə, bu məbləğin həddi 150 dollara endirilib. Bəzən elektron ticarətin müsbət tərəfindən istifadə edərək bəzi işbazlar qanunsuz sahibkarlıq fəaliyyəti göstərir. Elektron ticarətdən istifadə etməklə qaçaqmalçılığın qarşısını almaq üçün Rabitə və Yüksək Texnologiyalar, İqtisadiyyat və Sənaye, Maliyyə nazirlikləri və Dövlət Gömrük Komitəsi ilə məsləhətləşmələr çərçivəsində məsələni araşdırırıq. Əgər haradasa bir neqativ hadisə varsa, bu o demək deyil ki, bu texnoloji inkişafı, xidməti dayandırmaq lazımdır. Əsas neqativ hallarla mübarizə etmək lazımdır. Dövlət Gömrük Komitəsi, həmçinin iqtisadi və təhlükəsizliklə məşğul olan qurumlar güclü elektron informasiya infrastrukturuna, idarəetmə və izləmə sisteminə malikdir. Və biz elektron qaçaqmalçılığın da bu metodlardan istifadə etməklə qarşısını ala bilərik».

Ə.Abbasov vurğulayıb ki, 1000 dollardan aşağı elektron ticarət vasitəsilə ölkəyə gətirilən mallara gömrük rüsumu tutulmaması birinci növbədə əhalinin, əsasən də aztəminatlı əhalinin maraqlarına uyğundur: «Onların alış-verişini yüngülləşdirmək üçün vacibdir. Bu onlara olunan xidmət və verilən güzəştdir. Çalışırıq ki, bu güzəştlər əhali üçün qalsın. Lakin hansısa şəxslər, biznes strukturları bundan istifadə edərək neqativ hallara yol verib, elektron qaçaqmalçılıqla məşğul olurlarsa, biz elə yeni texnologiyanı tətbiq etməklə bunun qarşısını alacağıq. Elektron ticarət vasitəsilə əsasən ölkəyə gətirilən mallar mobil telefonlardır ki, bu sahədə ciddi uçot lazımdır. Çalışacağıq elə qərar qəbul edək ki, bu, mobil telefonlara şamil olunsa da, digər mallara aid edilməsin».

Məsələ ilə bağlı fikir bildirən İKT sahəsi üzrə ekspert Osman Gündüzün sözlərinə görə, o, sui-istifadə ilə, vergisiz-rüsumsuz yolla kommersiyaya qarşı çıxır: «Hesab edirik ki, texnologiyaların ən yüksək inkişaf etdiyi Vergilər Nazirliyi və yetərincə inkişaf etmiş informasiya sistemlərinə malik olan, son dövrlərdə gömrük sisteminin informasiyalaşması istiqamətində ciddi addımlar atan DGK-nin imkanları var ki, bunu bir anda aşkara çıxarsınlar. Həm də əgər söhbət mobil telefonlarla bağlıdırsa, onda sui-istifadə ilə kommersiyanın qarşısını almaq daha asandır. Məlumdur ki, ölkədə mobil telefonlarla bağlı iki nəhəng informasiya sistemi formalaşır. Belə olan halda bu iki qurum birgə elə təkmil bir sistem qura bilər ki, eyni adamın nə zaman hansı telefondan neçəsini gətirdiyini bir anda müəyyən etmək olar».

Ekspert ümid edir ki, hökumət bütün nüansları araşdıracaq, ölkədə elektron ticarətin qarşısını alan qərar qəbul etməyəcək: «Nəzərə almaq lazımdır ki, hazırda ölkədə elektron ticarətin dəstəklənməsi istiqamətində bir sıra dövlət qurumları tərəfindən müəyyən addımlar atılır. RYTN yanında İT-nin inkişafı Dövlət Fondu bu sahəyə qrantlar və güzəştli kreditlər verir.

Belə bir məqamda, fikrimcə, məhz indiki anda, ölkədə internetin inkişaf etdiyi, plastik kart daşıyıcılarının sayının artdığı məqamda hökumətin yerli elektron ticarətin, yerli internet mağazaların inkişafını stimullaşdıran və onlara dəstək verən, vergi güzəştləri tətbiq edən qərarlarının qəbul edilməsi daha düzgün və daha faydalı olardı».

DİGƏR XƏBƏRLƏR

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...