Banklar real sektora yatırımları neçə faizlə edəcək?

Tarix: 02.02.2015 / 02:54
Bölmə: İqtisadiyyat

Samir Əliyev: "İstehsal üçün kredit dərəcələri 10 faizi keçməməli və bu, 8-9 faiz ətrafında olsa daha yaxşı olar"

"Biznes kreditləri üçün lazım olan vəsaitlər bir neçə yüz min manatdan bir neçə milyon manata qədər dəyişir"

Məlum olduğu kimi, Prezident İlham Əliyev "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nın icrasının birinci ilinin yekunlarına həsr olunan konfransda çıxışı zamanı real sektorun inkişaf etdirilməsinin vacibliyinə toxunmuşdu.
Çünki dövlət bank sektorunun formalaşmasında çox böyük rol oynayıb. Belə ki, dövlətin bankları maliyyə resursları ilə təmin etdiyini, onlar üçün qazanc mənbəyi yaratdığını bildirən ölkə başçısı bankların ümidləri doğrultmadığını bildirib: "Üstünlük istehlak kreditlərinə yox, real sektora verilməlidir. Bank sektorunun əsas fəaliyyəti yeni müəssisələrin yaradılmasına, iş yerlərinin açılmasına yönəldilməlidir".
İstehsal sektorunun inkişaf etdirilməsi paralel olaraq digər sahələrin inkişafına təkan verə bilər. Təəssüflər olsun ki, banklar ötən illər ərzində istehlak kreditləşməsinə daha çox önəm verib. Məsələ ondadır ki, bir neçə il qabaq ümumi kredit səbətində istehlak kreditlərinin payı 26-27 faiz ətrafında dəyişirdisə, ötən il bu, 37-38 faizə qalxıb. Hazırda isə bu rəqəm 41 faiz ətrafında dəyişir. Nəticədə istehsal sektorunun kreditlərə olan tələbatı ödənməmiş qalır. Yalnız Sahibkarlığa Kömək Milli Fondu istehsal sektoruna kredit ayırır ki, bu da yetərli deyil. SKMF fəaliyyət göstərdiyi dövrdə 1,7 milyard manat kredit verib. Ancaq Azərbaycanın kreditə olan tələbi ÜDM-in 25-30 faizi səviyyəsində götürülür, yəni təxminən 17 milyard manat təşkil edir.
O da məlumdur ki, istehsal sektoruna verilən kreditlərin faizləri sərfəli olmalıdır ki, sahibkarlar bunda maraqlı olsun. O baxımdan maraqlıdır, indiki şəraitdə sözügedən kredit faizləri nə qədər olsa qənaətbəxş hesab etmək olar?
Məsələyə münasibət bildirən iqtisadçı-ekspert Samir Əliyevin fikrincə, istehsal sektoruna ayrılan kreditlərin faizləri çox yüksəkdir. Onun sözlərinə görə, sözügedən məqsədlə verilən kreditlər 16-17 faiz arasında dəyişir: "Bəzən 36 faizə, bank olmayan təşkilatlarda isə 40 faizə qədər çatır. Digər kreditlər isə 16-17 faiz arasında dəyişir. Bu, istehsalı dəstəkləyə bilməz. Bizim araşdırmalarımıza görə, istehsal üçün kredit dərəcələri 10 faizi keçməli deyil. 8-9 faiz ətrafında olması daha yaxşı olar. Azərbaycanın əsas banklarının biznes kreditləri verməyə imkanı yoxdur. Biznes kreditləşdirilməsi üçün çox böyük vəsaitlər lazımdır. İstehlak kreditləri üçün uzağı 5 min manat yetərlidirsə, biznes kreditləri üçün lazım olan vəsaitlər bir neçə yüz min manatdan bir neçə milyon manata qədər dəyişir. Bankların kütləvi şəkildə bu vəsaitləri verməyə imkanı yoxdur".
Müsahibimiz hesab edir ki, Azərbaycanın kommersiya bankları ucuz resurslar tapa bilmədiklərinə görə faiz dərəcəsi aşağı, müddəti uzun olan bu kreditləri verə bilmir: "Kommersiya banklarında kredit dərəcələrinin yüksək olmasının səbəbləri var. Əsas səbəb bankların cəlb etdiyi resursların dərəcəsinin yüksək olması ilə bağlıdır. Bankların əsas kredit mənbəyi fiziki şəxslərin depozitləri, yəni əhalinin əmanətləridir. Depozitlərin dərəcəsinin yüksək olması kredit dərəcələrini də yüksək edir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...