Beynəlxalq "Çirkli pullar...Komitəsi"nin xüsusi missiyasının Azərbaycan barədə siyasi xarakterli düzəliş etmək cəhdinin qarşısı alındı

Tarix: 02.02.2015 / 01:50
Bölmə: İqtisadiyyat

Azərbaycanda terrorçuluğun maliyyələşdirilməsi, cinayət gəlirlərinin və digər əmlakın leqallaşdırılması və "çirkli" pulların yuyulmasına qarşı mübarizə üzrə MONEYVAL milli sisteminin beşinci qiymətləndirməsi 2020-ci ildə keçirilə bilər. Bunu Qiymətli Kağızlar üzrə Dövlət Komitəsinin (QKDK) sədri Rüfət Aslanlı "Trend"ə müsahibəsində deyib.
Qiymətləndirmə Avropa Şurasının "Çirkli" pulların yuyulması və terrorçuluğun maliyyələşdirilməsi ilə mübarizə üzrə Ekspert Komitəsi (MONEYVAL) tərəfindən FATF-ın 49 standartına uyğun ("çirkli" pulların yuyulmasına qarşı mübarizə üzrə 40 standart, terrorçuluğun maliyyələşdirilməsi üzrə 9 standart) aparılır.
Onun sözlərinə görə, hazırda beşinci raund çərçivəsində MONEYVAL üzvlərinin milli sistemlərinin qiymətləndirmə metodologiyaları müzakirə olunur.
Aslanlı bildirib ki, dördüncü raundun əsas vəzifəsi sistemlərin effektivliyinin qiymətləndirilməsindən ibarət idi.
2014-cü ilin fevralında dördüncü raund çərçivəsində MONEYVAL-ın xüsusi missiyası Azərbaycana gəldi, sentyabrda isə Strasburqda hesabat layihəsinin ilkin ikitərəfli müzakirəsi keçirildi. Dekabrda hesabat təsdiqləndi.
Dövlət Komitəsinin rəhbəri bildirib: "Hərçənd MONEYVAL katibliyi və bəzi ölkələrin nümayəndələri hesabata Azərbaycanda terrorçuluğun maliyyələşdirilməsi və cinayət yolu ilə əldə olunmuş "çirkli" pulların yuyulması sahəsində sistemin effektiv olmamasına dair siyasi xarakterli dəyişikliklər etməyə çalışsa da, eləcə də ölkədə xüsusi monitorinqin bərpası təklifi ilə çıxış etsələr də, Azərbaycanın nümayəndə heyətinin əsaslandırılmış dəlilləri və aydın mövqeyi sayəsində həmin təkliflər qəbul edilmədi".
Aslanlının sözlərinə görə, Azərbaycanın nümayəndə heyəti öz sübut və dəlilləri ilə Komitənin bəzi ölkələrdən olan nümayəndələrinin öz təkliflərində ifadə etmək istədikləri vəziyyətin həqiqətəuyğun olmadığını sübut etdilər. Ona görə də AŞ Komitəsinin plenar iclasına yalnız bu sənədi təsdiqləmək qaldı.
Azərbaycan artıq 2006-cı ildən respublikaya Komitə tərəfindən tətbiq edilən xüsusi monitorinq rejiminin altında olub. Azərbaycan barəsində bu rejimin dayandırılması və adi qiymətləndirmə proseduruna 2009-cu ilin sonunda keçildi.
Aslanlı qeyd edib: "Maliyyə monitorinqi orqanları təhqiqat institutları deyil, onlar istintaq hərəkəti aparmır və bunlar sırf analitik institutlardır. Analiz aparmaqdan ötrü onların müəyyən məlumat bazası olmalıdır. 20 min manatdan artıq müntəzəm əməliyyatın keçirilməsinə dair hesabat maliyyə kəşfiyyatı orqanının analiz aparmaq üçün kifayət qədər bazaya malik olduğu üçün təqdim edilir. Beləliklə, belə məlumat bazası olmazsa, maliyyə monitorinqi orqanları analitik fəaliyyət göstərə bilməz. Onda həmin orqan banklar haqqında məlumat toplamalıdır və s. Bu o demək deyil ki, bütün bu əməliyyatlar qanunazidd və ya şübhəlidir".
Terrorçuluğun maliyyələşdirilməsi və "çirkli" pulların yuyulmasına dair faktlara gəldikdə, komitə rəhbəri deyib ki, bu barədə Avropa Şurasına statistika təqdim edilir: "Əgər terrorçuluğun maliyyələşdirilməsi və "çirkli" pulların yuyulmasına dair bir neçə məhkəmə qərarı varsa, bu həmin faktların olduğunu göstərir. Lakin bu, onlarla və yüzlərlə deyil, yalnız bir neçə faktdır".
Azərbaycan 2002-ci ildən MONEYVAL-da təmsil olunur.

DİGƏR XƏBƏRLƏR

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...