Azərbaycandan Avropaya ixrac artacaq

Tarix: 30.01.2015 / 02:08
Bölmə: İqtisadiyyat

ABŞ valyutası müxtəlif ölkələrin pul vahidlərinə nisbətdə sürətlə dəyər qazanmaqda davam edir. Keçən ilin ortalarından bəri təxminən 18% artan dollar indeksinin 2015-ci ildə də yüksəlməsi gözlənir. Hesab edilir ki, ABŞ iqtisadiyyatının böyüməsi və faiz dərəcələrinin artması ilə gələcək 3 il ərzində dollar ömrünün ən yüksək dövrünü yaşayacaq.
Nyu- Yorkda yerləşən "Deutsche Bank Securities"in iqtisadçısı Peter Hooper məsələ ilə bağlı qeyd edib: "Bünövrə çox yaxşıdır. Valyuta bazarları haqqında ən çox gözəçarpan nəticə dollar artımının qalıcı olmasıdır". Avronun zəifləməsi də prosesə təsir göstərir. Yunanıstanda keçirilən parlament seçkilərində müxalifətin qalib gəlməsi isə avronun dollarla müqayisədə məzənnəsinin daha da aşağı düşməsinə səbəb olub. Avronun dollara nisbətdə məzənnəsi yenidən 1% azalıb. Bu, 2003-cü ildən bəri ən aşağı göstərici sayılır. Analitiklər avronun ucuzlaşmasının davam edəcəyini proqnozlaşdırır. Təbii ki, bütün bunlar Azərbaycana da təsirsiz ötüşmür. Qeyd edək ki, milli valyutamızın məzənnəsi dollara hədəflənib və dolların digər valyutalara qarşı mövqeyi manatın mövqeyini şərtləndirir. Dolların dəyər qazanması ilə avro da manat qarşısında ucuzlaşır. Lakin bu hal Azərbaycanın ixracatı üçün sərfəli sayılmır. Bu səbəbdən, artıq məlumat verildiyi kimi, hökumət avronun manata nisbətən bahalaşdırılmasının tərəfdarı kimi çıxış edir.
Ekspertlər hesab edir ki, avronun ucuzlaşması Avropadan Azərbaycana idxalın artmasına səbəb ola bilər. Digər tərəfdən, baş verən proses Azərbaycanın ixracına da mənfi təsir edə bilər. Digər tərəfdən, avronun ucuzlaşması Avropadan Azərbaycana idxalın artmasına gətirib çıxarmaq iqtidarındadır. Bununla yanaşı, valyuta ehtiyatlarımızdakı həm depozit, həm də qiymətli kağız şəklində yerləşdirilmiş avro aktivləri dəyərini xeyli itirə bilər. Bundan başqa, Azərbaycan banklarında avro ilə yerləşdirilən əmanətlərin dəyərini itirməsi də istisna olunmur. Belə vəziyyət hökuməti qane etmədiyindən, avro ilə bağlı fərqli siyasətə start verilməsi gözlənir. Prezident İlham Əliyev də qeyd edib ki, manatın avroya qarşı bundan sonra da bahalaşması müsbət hal deyil. İqtisadçı-ekspert Vüqar Bayramov məsələ ilə bağlı bildirir: "Prezident manatın kəskin möhkəmlənməsinin qeyri-neft sektorunun ixrac qabiliyyətinin müəyyən qədər azalmasına gətirib çıxardığını söylədi. Bu, tamamilə doğru yanaşmadır. Belə ki, manatın məzənnəsinin möhkəmlənməsi ölkədə istehsal olunan yerli məhsulların dünya bazarında bahalaşmasına gətirib çıxarıb. Bu da onların satış imkanlarını xeyli məhdudlaşdırır. Hazırda manatın dollara nisbətən məzənnəsi stabil qalır, avroya nəzərən isə möhkəmlənir. Bu ona gətirib çıxarır ki, 100 avro almaq üçün 87 manat ödəmək gərəkdir. Manat ifadəsində məhsulun qiyməti dəyişməsə də, avro ifadəsində bahalaşıb. Hansı ki, bu, Azərbaycanda istehsal edilən məhsulların Avropa bazarında satışı ilə bağlı xeyli çətinliklər yaradır".
Ümumiyyətlə, hesab olunur ki, ölkədə qeyri-neft sektorunu inkişaf etdirmək üçün manatın xüsusilə avroya nisbətən məzənnəsinin müəyyən qədər aşağı salınmasına ehtiyac var. Belə fikirlər də səslənir ki, manatın məzənnəsi təkcə dollara nəzərən müəyyənləşdirilməməlidir. Təkliflər irəli sürülür ki, manatın məzənnəsi müəyyənləşdirilən zaman tələb formasında dollar və avronun məzənnəsi nəzərə alınmaqla müəyyənləşdirilməlidir. Bu da Azərbaycanın ixrac qabiliyyətinin artırılması baxımından əhəmiyyətlidir. Bu vəziyyətdə Azərbaycandan Avropaya ixrac həcminin artması gözlənir. Elə Avropanın özü də ixrac həcmini artırmaq üçün avronun məzənnəsinin azalmasında maraqlı tərəf kimi çıxış edir. Qeyd edək ki, Avropa Mərkəzi Bankı mart ayında kəmiyyətcə yumşaldıcı proqramı genişləndirəcəkləri ilə bağlı qərar verib və hər ay dövriyyəyə 60 milyard avro buraxacağını bildirib. Avropa Mərkəzi Bankının rəhbəri Mario Draqi bəyan edib ki, müvafiq proqram çərçivəsində mart ayından etibarən 2016-cı ilin sentyabr ayına qədər aylıq 60 milyard avroluq istiqrazlar alınacaq. Beləliklə, 19 ay ərzində 1,14 trilyon avroluq alış həyata keçiriləcək ki, bu da dövriyəyə əlavə avronun buraxılması deməkdir.
Avropa Mərkəzi Bankının yeni proqramla bağlı xəbəri avronun məzənnəsinə hələ də təsir edir. Belə ki, avro dəyərdən düşməkdə davam edir. Ölkəmizdə isə müvafiq müdaxilə olmasa, avronun daha da ucuzlaşması qaçılmaz sayılır. Hökumət isə buna razı olmaq istəmir və müvafiq addımlar atmağa hazırlaşır.

DİGƏR XƏBƏRLƏR

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...