Azərbaycanla Rusiya arasında bank əməliyyatları çətinləşəcək

Tarix: 29.01.2015 / 03:30
Bölmə: İqtisadiyyat

Şimal qonşumuzla Azərbaycan bankları arasında maliyyə əməliyyatları, informasiya mübadiləsi yaxın tezlikdə əhəmiyyətli dərəcədə çətinləşə bilər. Buna əsas səbəb Qərbin Rusiyanı SWIFT maliyyə sistemindən (Ümumdünya Banklararası Maliyyə Telekommunikasiya Cəmiyyəti) kənarlaşdırmaq niyyətinin tədricən reallığa çevrilməsidir.
Moskvanın bu sistemdən çıxarılması onun digər ölkələr, o cümlədən Azərbaycanda bank əməliyyatları mübadiləsi üçün ciddi problem yarada biləcəyindən, Kreml məsələyə kifayət qədər həssas yanaşır. Xatırladaq ki, Rusiyanın SWIFT maliyyə sistemindən çıxarılması ötən ildən gündəmdədir. Sadəcə, indiki vəziyyətdə Kremlin Ukraynada işğal əməliyyatlarını genişləndirməsi məsələni yenidən aktuallaşdırıb.
Hələ ötən ilin avqustunda Böyük Britaniyanın baş naziri Devid Kemeron Rusiyanın SWIFT sistemindən kənarlaşdırılmasına nail olmağa çalışıb. Daha sonra Avropa Parlamentinin üzvləri bu çağırışla çıxış edib. Həmçinin amerikalı senatorlar Maliyyə Nazirliyinə bu barədə müraciət edib. Qeyd edək ki, Avropa Birliyinin (AB) xarici işlər nazirlərinin yanvarın 29-da keçiriləcək toplantısında Rusiyaya qarşı yeni sanksiyalar müzakirə ediləcək və fevralın 12-də AB-nin sammitində sanksiyalar qəbul oluna bilər. Bundan sonra isə növbəti addım olaraq Rusiyanın SWIFT maliyyə sistemindən kənarlaşdırılması gündəmə gələ bilər. AB Rusiyaya qarşı yeni sanksiyaları tətbiq edəcəyi halda SWIFT Rusiya banklarına xidmət göstərməyi dayandıracaq. SWIFT-dən bildirilib ki, bunun üçün beynəlxalq qərarlar qurumun fəaliyyəti üçün əsas təşkil edir. Ekspertlər isə qeyd edir ki, hər hansısa ölkənin sözügedən sistemə girişi bağlanarsa, onun iqtisadiyyatını çökdürmək olar. ABŞ Dövlət Administrasiyası da Rusiyanın SWIFT sistemindən kənarlaşdırılacağına ümid edir. Dövlət Administrasiyasındakı mənbə bu xüsusda bildirib: "ABŞ Ukrayna məsələsində əvvəlki kimi diplomatik həllə üstünlük verir. Amma bu variant hələ lazımlı effekt verməyib. Başqa yola gəlincə, bizim Rusiyaya təsir imkanlarımız hələ bitməyib". Mənbə Rusiyanın SWIFT sistemindən kənarlaşdırılmasının bu ölkə üçün çox ağrılı olacağını deyib.
SWIFT sistemi hazırda qlobal maliyyə axınlarını tənzimləyən əsas sistemdir və bu sistemə daxil olmayan banklar xarici hesablar üzrə əməliyyat apara bilməz. Bundan əvvəl Qərb İrana qarşı bu cür sanksiya tətbiq edib və nəticədə İranın beynəlxalq maliyyə əməliyyatları həyata keçirmək imkanı ciddi şəkildə məhdudlaşdırılıb. Həmin sanksiyanın nəticəsində İran satdığı neftin pulunu ala bilmirdi və məcbur olub nefti ya külçə qızıla, yaxud aşağı qiymətə digər vasitəçilərə satırdı. İran banklarının SWIFT sisteminə girişinin məhdudlaşdırılması bu ölkəni on milyardlarla dollar ziyana saldı və iqtisadiyyatına böyük zərbə vurdu. İndi Rusiyaya qarşı analoji sanksiyaların tətbiqi bu ölkənin iqtisadiyyatına ağır zərbə sayılır.
Rusiya mətbuatı yazır ki, Qərb bu addıma getsə, o zaman Rusiya ilə Qərb arasında qarşıdurma əsl müharibəyə keçə bilər. Bu günlərdə "Vneştorqbank"ın idarə heyətinin sədri Andrey Kostin Davos Forumunda bildirib ki, Rusiya banklarının SWIFT sistemindən çıxarılması ABŞ-la Rusiya arasında münasibətlərin tamamilə kəsilməsi deməkdir: "Mənim fikrimcə, bu cür sanksiyaların tətbiqi müharibə demək olacaq". Xatırladaq ki, hər gün SWIFT sistemi üzərindən 6 trilyon dollardan yuxarı ödəmələr və köçürmələr həyata keçirilir, bu əməliyyatda 210 ölkədən 10 mindən çox bank iştirak edir. Rusiyadan sistemin 600-dən çox iştirakçısı var. Bura "Bank Rossiya" və iri banklar daxildir.
Məsələyə münasibət bildirən Rusiyanın baş naziri Dmitri Medvedyev Ukrayna böhranı səbəbilə Rusiyaya qarşı sanksiyaların sərtləşdiriləcəyi və SWIFT sistemindən çıxarılacağı ilə bağlı qeyd edib ki, ölkəsinin Rusiyanın beynəlxalq banklarla inteqrasiyasını təmin edən SWIFT sistemindən çıxarılması vəziyyətində cavab çox ağır olacaq: "Biz baş verən hadisələri təqib edirik. Bu istiqamətdə bir qərar verilərsə, bizim iqtisadi və digər sahələrdə cavabımız sərhədsiz olar. "Rusiyanın SWIFT maliyyə sistemindən kənarlaşdırılması barədə düşünməyə başlayıblar. Yaşayaq, görək nə olacaq. Bu cür qərarlar qəbul olunacağı halda bizim iqtisadi və başqa reaksiyalarımız məhdudiyyətsiz olacaq".
Belçikanın La-Yulp şəhərində yerləşən SWIFT-in xidmətlərindən xarici banklara pul göndərmək üçün istifadə edilir. Sistemdən kənarlaşdırılması istənilən ölkənin maliyyə baxımından tam çökməsi deməkdir. Yuxarıda qeyd olunduğu kimi, bu vəziyyətdə Rusiyanın Azərbaycan bankları ilə əməliyyatları da çətin duruma düşəcək. Belə bir vaxtda beynəlxalq reytinq agentliklərindən olan "Standard & Poor’s"un Rusiyanın kredit reytinqini spekulyativ səviyyəyə endirməsi vəziyyəti daha da kəskinləşdirir. Agentliyin Rusiyanın kredit reytinqini aşağı salması bu ölkənin hökumətində və biznes çevrələrində ciddi narahatlıq yaradıb. Çünki agentliyin qərarı təkcə makroiqtisadi göstəriciləri pisləşdirməyəcək, eyni zamanda ölkədə işsizliyi artıracaq, rublun kursunun daha da aşağı düşməsinə səbəb olacaq. Kreml agentliyin qərarının siyasi və Rusiya iqtisadiyyatını çökdürmək üçün həyata keçirilən sistemli hücumların tərkib hissəsi olduğunu bildirir. "Standard & Poor’s" isə bildirir ki, kredit reytinqinin aşağı salınması Mərkəzi Bankın yürütdüyü pul-kredit siyasətinin nəticəsidir. Ekspertlərin qənaətinə görə, ilk növbədə iri beynəlxalq investorlar bu rəyi nəzərə alacaq və Rusiyaya yatırdıqları pulları geri çəkməyə başlayacaq. Rusiya əhalisi də Qərbin monopoliyasında olan beynəlxalq reytinq mafiyasının qərarından zərər görəcək.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...