İlham Əliyev dövlətin banklar üçün etdiyinin haqlı olaraq əvəzini istədi

Tarix: 29.01.2015 / 03:05
Bölmə: İqtisadiyyat

"Banklar sahibkarlara sərfəli şərtlər daxilində kredit verməlidir ki, onlar real sektora sərmayə qoya bilsin"

"Prezidentin tövsiyələri tamamilə əsaslıdır və reallığı özündə əks etdirir"

"Bank sektorunun inkişafı son illərdə sürətlə gedib. Azərbaycanda indi bank sektorunda konsolidasiya gedir". Bunu Prezident İlham Əliyev yanvarın 27-də Heydər Əliyev Mərkəzində "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı"nın icrasının birinci ilinin yekunlarına həsr olunan konfransda yekun çıxışı zamanı deyib.
Prezident bildirib ki, nizamnamə kapitalının artırılması bank sisteminə, ümumiyyətlə, çox müsbət təsir göstərir: "Çünki artıq banklarımızın kifayət qədər böyük nizamnamə kapitalı var. Bizim banklarımızın bir neçəsi artıq xarici bazarlara çıxır, xaricə investisiya qoyur. Mən prinsip etibarilə buna etiraz etmirəm. Ancaq hesab edirəm ki, ilk növbədə, o bankların ki, böyük resursları var, ölkə iqtisadiyyatına vəsait ayırsınlar. Mən bir dəfə bu barədə demişəm, bir daha demək istəyirəm ki, üstünlük istehlak kreditlərinə yox, real sektora verilməlidir. Bank sektorunun əsas fəaliyyəti yeni müəssisələrin yaradılmasına, iş yerlərinin açılmasına yönəldilməlidir. Çünki Azərbaycan dövləti bank sektorunun formalaşmasında çox böyük rol oynamışdır. Azərbaycan dövləti və hökuməti həmişə bank sektoruna dəstək olmuşdur, eyni zamanda, onlara maliyyə resursları da verir, təmin edir, onlar üçün qazanc mənbəyi yaradır. Yəni, bank sektoru bunu düzgün qiymətləndirməlidir və dövlətə minnətdar olmalıdır ki, bunlara bu qədər qayğı göstərir. Dövlət də, öz növbəsində, indi onlardan daha da fəal iş gözləyir. Hesab edirəm ki, ən azı ildə iki dəfə bu barədə məlumat verilməlidir".
İlham Əliyev daha sonra deyib: "Azərbaycan bankları hansı həcmdə, hansı layihələrə, hansı rayonlarda, yaxud da Bakı şəhərində hansı vəsait ayırıblar? Bax, bu məlumat olmalıdır. Mən də, ictimaiyyət də görsün ki, bank sektoru ancaq öz cibini güdmür, eyni zamanda, ölkənin inkişafı üçün də fəal çalışır. Mən bir dəfə bu barədə demişəm, bir daha demək istəyirəm ki, biz banklardan sosial məsuliyyət gözləyirik".
Həqiqətən də bu gün dövlət tərəfindən bankların formalaşması üçün xeyli işlər görülüb. Dövlət zəmanəti sayəsində xarici maliyyə mənbələri yerli banklara kredit resursları ayırır. Təəssüflər olsun ki, ötən illər ərzində bir çox banklar bu şansları lazımınca qiymətləndirməyib. Yəni kreditləri əsasən istehlak sahələrinə ayırıblar. Ona görə də banklar Prezidentin çıxışından ciddi nəticə çıxarmalıdır.
Məsələyə münasibət bildirən iqtisadçı-ekspert Oqtay Haqverdiyevin fikrincə, dövlətin banklara göstərdiyi bu qayğının müqabilində banklar özlərində sosial məsuliyyət hiss etməlidir: "Yəni iqtisadiyyatın real sektoruna investisiya qoymalıdırlar. Müxtəlif təyinatlı istehsal sahələri iqtisadiyyatın real sektoru hesab olunur. Belə ki, bura zavodlar, fabriklər və digər istehsal sahələri daxildir. Dövlət öz vəsaiti hesabına neçə illərdir sosial obyektlər tikir. Bu məsələdə sahibkarların üzərinə yük düşmür. Ancaq bunun müqabilində sahibkarlar da çalışmalıdır real sektora vəsait qoysun. Bunun üçün də banklar onlara sərfəli şərtlər daxilində kredit verməlidir. Sahibkarlar xüsusən də əlverişli sahələrə sərmayə qoymalıdır. O sahələr ki, istehsal yönümlüdür. Böyük layihələrə diqqət yönəltməlidirlər ki, real sektor daha çox əməktutumlu olsun. Ona görə də Prezidentin tövsiyələri tamamilə əsaslıdır və reallığı özündə əks etdirir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...