Prezident pensiyaçıların inflyasiyada itirdiyini kompensasiya etdi

Tarix: 28.01.2015 / 02:02
Bölmə: İqtisadiyyat

Rəsul Cahangirli: "Sığorta hissəsində artımlar rəsmi göstəricilərə uyğun həyata keçirilir"

"Ancaq bu o demək deyil ki, təqaüdlər bundan sonra artırılmayacaq"

Məlum olduğu kimi, Prezident İlham Əliyev əmək pensiyalarının sığorta hissəsinin indeksləşdirilməsi haqqında sərəncam imzalayıb. Sərəncam bütün növ əmək pensiyalarının ötən il qeydə alınmış qiymət artımına uyğun artırılmasını nəzərdə tutur.
Pensiyaların indeksləşdirilməsi haqqında Prezidentin sərəncamı nəticəsində Azərbaycanda pensiyaların sığorta hissəsi 1,4% artırılacaq. Sərəncama əsasən pensiyaların sığorta hissəsi və fərdi hesablardakı pensiya kapitalı 2014-cü il üzrə istehlak qiymətləri indeksinə, yəni 2014-cü ildəki inflyasiyaya uyğun olaraq artırılmalıdır. Dövlət Statistika Komitəsinin açıqladığı rəsmi məlumata əsasən, 2014-cü ildə ölkədə inflyasiya 1,4% təşkil edib. Bunu nəzərə alanda pensiyaların sığorta hissəsi də məhz 1,4% artırılacaq.
Qeyd edək ki, hazırda Azərbaycanda pensiyalar iki hissədən - baza və sığorta hissəsindən ibarətdir. Pensiyaların baza hissəsi 2013-cü ilin sentyabrından bəri 100 manatdır. Pensiyanın digər hissəsi sığorta hissəsi sayılır. Dövlət başçısının sərəncamı da sığorta hissəsinə aiddir. Bu isə o deməkdir ki, kimsə indiyə qədər 150 manat pensiya alırdısa, bu məbləğdən 100 manat (baza hissə) çıxılır, qalan 50 manatın üzərinə isə 1,4% əlavə olunur. Beləliklə, pensiyaların sığorta hissəsi 70 qəpik artmış olur ki, bu da yeni pensiya məbləğinin 150,7 manat olması deməkdir.
200 manat pensiya alanlar üçün pensiyanın sığorta hissəsi 100 manat təşkil edir. Bu hissə 1,4 manat artacaq və yeni pensiya məbləği 201,4 manat təşkil edəcək.
Bütövlükdə, pensiyanın sığorta hissəsində artımlar ölkədəki inflyasiyaya adekvatdırmı?
Məsələyə münasibət bildirən ekspert Rəsul Cahangirli, prinsipcə, artımların adekvat olduğu qənaətindədir: "Çünki sığorta hissəsində artımlar rəsmi göstəricilərə uyğun həyata keçirilir. Məsələ ondadır ki, rəsmi məlumata əsasən, 2014-cü ildə ölkədə inflyasiya 1,4 faiz təşkil edib. Buna uyğun olaraq da pensiyalar göstərilən faiz civarında indeksasiya olunmalıdır. Ancaq pensiyaların təkcə sığorta hissəsində edilən artımlar o demək deyil ki, təqaüdlər bundan sonra artırılmayacaq. Əsla bu belə deyil. Dövlətin imkanları daxilində pensiyalar müvafiq həcmdə arta bilər. Bunun haçan olacağı isə dövlət qurumlarının səlahiyyətindədir. Bir şeyi nəzərə almaq lazımdır ki, neftin qiymətinin dünya bazarında düşməsinə rəğmən, bunun sosial proqramlara təsir etməyəcəyi rəsmi səviyyədə bəyan olunub. Büdcə müzakirələrindən sonra bu məqam xüsusi olaraq vurğulandı. Ona görə də nikbinliyə müəyyən əsas var".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...