BƏƏ-də Ukrayna üzrə üçtərəfli ABŞ, Rusiya və Ukrayna danışıqları barədə müxtəlif xəbərlər yayılsa da, heç bir konkretlik yoxdur.
Bəzən məzmunsuz ümumi frazalarla kifayətlənilir, bəzən isə "heç bir nəticə yoxdur" kimi xəbərlər verilir. Məsələn, "Reyter" agentliyi heç bir konsesun olmadığını bildirib. "Ria Novosti”nin xəbərini isə əsil sensasiya saymaq olar. "Üçtərəfli işçi qrupun danışıqlarının ikinci günü Rusiya nümayəndə heyəti danışıqları tərk edib".
Bu o deməkdir ki, heç bir kompromisin əldə olunmadığı barədə "Reyter"in məlumatı həqiqətə daha çox oxşayır.
Amerika diplomatı M.Brayza da deyib ki, Ukrayna ərazisinin nə qədərinin Rusiya, nə qədərinin Ukrayna suverenliyində qalması məsələsində mövqelər kəskin fərqlidir.
Nəhayət, Brayzanın bu sözləri də danışıqların kompromisdən çox uzaq yekunlaşdığını aydın göstərir: "Tramp Ukraynadan çox Rusiyanın mövqeyini müdafiə edir"...
Bunlar fevralın əvvəlinə təyin olunmuş danışıqların ikinci mərhələsinin çətin baş tutacağını ehtimal etməyə əsas verir…
Namiq Quliyev
