Bu fikri politoloq Aydın Quliyev özünün Facebook sosial media hesabında paylaşıb. A.Quliyev daha sonra yazır:
- Maraqlıdır ki, Almaniya mediası Fişerin Azərbaycandan rüşvət aldığı üçün mühakimə və məhkum edilməsini çox geniş işıqlandırıb. Daha maraqlı odur ki, media Fişerin Azərbaycandan hansı iş üçün rüşvət aldığını da geninə - boluna təbliğ edib. Görünür ki, Fişerə qarşı irəli sürülmüş ittihamın sonda AŞPA-nın və Almaniyanın özünə qarşı ifşaedici fakta çevrilə biləcəyini nəzərə almayıblar...
Əvvəla, Fişerin Azərbaycandan rüşvət aldığını iddia edən Almaniya məhkəmələridir. Bu məhkəmələrin isə Azərbaycana daim qərəzli və təzyiq ritorikası ilə yanaşan siyasi dairələrin təsiri altında olduğunu istisna etmək olmaz. Ötən ilin yayında Litner adlı başqa alman deputatını da bu adla həbsə atıblar.
İkinci, Fişeri ittiham edirlər ki, o, 2016- cı ildə AŞPA- da Dağlıq Qarabağ problemi müzakirə olunarkən Azərbaycanın mənafeyinə uyğun mövqe tutub. Təsəvvür edirsinizmi bu nədir? Azərbaycan həmişə çalışıb ki, AŞPA- da və digər beynəlxalq qurumlarda Azərbaycanın haqqına ədalətlə yanaşılsın və sənədlərdə Azərbaycan ərazilərinin Ermənistan tərəfindən işğalı bir təcavüz faktı kimi qeyd edilsin.Yəni Azərvaycanın hüquqi, tarixi və siyasi haqları lazımı qiyməti alsın .Bu gün Fişeri ittiham edənlər isə görünən budur ki, Azərbaycanın haqlarının əleyhinə AŞPA- da qərar çızarılmasını istəyənlər olublar.Fişer əslində Azərbaycanı yox, tarixi ədaləti və beynəlxalq hüququ müdafiə edib...Ədaləti və hüququ müdafiə etdiyinə görə keçmiş alman deputat həbs edilirsə, bu bizim üçün yox, Avropanın və Almaniyanın özü üçün biabırçılıqdır...
Üçüncü, əgər Fişer ədalətə və hüquqa uyğun mövqe göstəribsə, onu rüşvətxorluqda necə ittiham etmək olar?! Biz görmüşük ki, haqq işinin yox, nahaqq işinin müdafiəsi üçün rüşvət alıb-verərlər.
Nəhayət, əgər Fişer həqiqətən Azərbaycandan rüşvət alıbsa, demək, Avropanın ali demokratik institutu sayılan AŞPA ədalətin pulla satıldığı rüşvətxor və qərəzli qurum olduğunu özü bir daha sübut edir. Məntiqi olaraq, Münhen məhkəməsi Fişerin Azərbaycandan rüşvət aldığını yox, AŞPA- nın "ədaləti pulla satan qurum" olduğunu sübut edib...
SAMİRƏ
