Onlar qondarma “Arsax” rejiminə humanist dedilər - çünki pulu USAID-dən aldılar...
Akif Nağı: "USAID həmin vaxt separatçı rejimin təbliğat maşınına, onların maraqlarını müdafiə edərək tərəfə çevrilmişdi"
USAID tərəfindən maliyyələşən media və şəxslər Qarabağda qondarma rejimin varlığına humanitar don geyindirirmiş və bizim QHT-lərin Laçın dəhlizindəki fəaliyyətinə ləkə vururmuş. Belə çıxır ki, USAID ABŞ adından Azərbaycana qarşı təxribat törədir, munaqişə ocağıňın sonməsinin qarşısını alırmış?
Politoloq Akif Nağı baki-xeber.com saytına açıqlamasında bildirib ki, zaman keçdikcə adı ictimai təşkilatlar sırasında olan USAID-ın yeni fəaliyyətləri üzə çıxır: "Əslində USAID-ın fəaliyyəti dövründə Amerika dövlət maraqlarının icraçısı olub. Tramp isə USAID-in fəaliyyətini ifşa etməklə Bayden adminstrasiyasını ifşa edir. Digər tərəfdən isə yeni administrasiya, ola bilsin ki, USAID-i yenidən quracaq.
USAID yalnız Amerika adminstrasiyasının sifarişlərini deyil, həm də öz ambisiyalarını reallaşdırıb. Bu da dövlət içində ikinci dövlət iddiası, paralel idarəetməyə bərabər bir əməldir və bağışlanan deyil. USAID Samanta Pauerin dövründə onun və digər şəxslərin varlanması üçün bir alətə çevrilib.
Bilirsiniz ki, həmin dövrdə münaqişənin söndürülməsi, aradan qaldırılması istiqamətində proses davam edirdi və Ermənistan da buna ciddi müqavimət göstərmirdi. Azərbaycan tərəfi öz hüquqlarından istifadə edərək Qarabağın sərvətlərinin Ermənistana daşınmasına etiraz etdi, mədənlərdə yoxlamalar aparmaq istədi. Azərbaycan rəsmi nümayəndələrinin qarşısını separatçi qurumun "ictimai təşkilatları" kəsdi və bununla bağlı Azərbaycan tərəfinin ekoloji hərəkatı başladı. Ekoloji istiqamətdə fəaliyyət göstərən təşkilatlar təşəbbüsü ələ aldı. Separatçilar QHT-lərin arxasında gizlənərək, həm Azərbaycanın sərvətlərini vəhşicəsinə talan edirdi, həm də o mədənlərdən silah-sursat anbarı kimi istifadə edirdilər. Belə olan halda Azərbaycanın da rəsmi qurumları geri çəkildi və ictimai fəallar ön plana çıxdı. Beləliklə, Laçin dəhlizində ictimai hərəkat başlayanda biz USAID-in ikili standartlarının, qərəzli mövqeinin şahidi olduq. Məsələn, erməni ictimai təşkilatları Azərbaycan rəsmilərinin qarşısını kəsir, öz ərazisində fəaliyyətə imkan vermir, USAID buna heç bir reaksiya vermir, amma Azərbaycan QHT-lərinin həmin ərazidə qanuni aksiyalar keçirməsinə, qanuni tələblər ortaya qoymasına USAID müxtəlif don geyindirir, qarayaxma kampaniyası aparırdı. USAID həmin vaxt separatçı rejimin təbliğat maşınına, onların maraqlarını müdafiə edən tərəfə çevrilmişdi. Bayden administrasiyası münaqişənin nizama salınmasında maraqlı deyildi. Ona görə də hər vəchlə, eyni zamanda USAID vasitəsi ilə seperatçılara açıq dəstək verirdi.
Ümumiyyətlə, Tramp Bayden hakimiyyətinin bütün eybəcərliklərini çılpaqlayib ortaya qoyur. Biz də cəmiyyət və dövlət olaraq bu istiqamətdə malik olduğumuz faktları ictimailəşdirməliyik. USAID-in Azərbaycan və Ermənistanda maliyyələşdirdiyi QHT-lər və media qurumları hazırda ciddi maliyyə problemləri yaşayır. Bundan da istifadə edib, USAID-ın fəaliyyət mexanizmilərinin qaranlıq məqamlarına işıq salmaq mümkündur. Mən inanıram ki, hələ də USAID-ın qaranlıq qalan daha tükürpədici əməlləri var.
Bu günlərdə Gürcüstanın aparıcı telekanallarından biri maliyyə çətinliyi üzündən öz fəaliyyətini dayandırdı. O da USAID-ın maliyyələşdirdiyi şəbəkənin üzvü idi. USAID-dən maliyyə alan təşkilatlar qondarma "Dağlıq Qarabağ respublikasını" "humanitar qurum" adlandırırdılar.
Azərbaycanda da belə təşkilatlar var və fəaliyyətlərini dayandırırlar. Həmin təşkilatların fəaliyyəti yoxlanmalıdır və onların bildiyi faktları da öyrənmək lazımdir. Hətta istintaqla səmimi əməkdaşlıq edən təşkilatları güzəşt və ya əfv etmək olar. İndiyə qədər aşkarlanan faktlara görə onsuz da USAID rüsvayçı bir təşkilat kimi tanınır. Ola bilər ki, ABŞ USAID-ı tamamilə bağlasın və onun nizamnamə missiyasını yerinə yetirən başqa təşkilat yaratsın. Çünki USAID-in reputasiyası o qədər çirklənib ki, o, ABŞ administrasiyasının da reputasiyasına xələl gətirir".
Dəniz NƏSİRLİ
