10/07/2020 22:51
728 x 90

Yer üzünü vahimədə saxlayan pandemiya...

img

Dünyanı bürüyən koronavirus pandemiyasına qarşı mübarizə tədbirləri ölkəmizdə gücləndirilməkdə davam etdirilir. Bu o deməkdir ki, cənab Prezident yenə də vətəndaşının yanındadır, insanların sağlamlığına, iqtisadiyyata vurulan zərbələrin aradan qaldırılması istiqamətində fəaliyyətini davam etdirir.

İctimaiyət nümayəndələri qarşısında «Mən həmişə bu dəstəyə arxalanmışam, mənə güc verən sizin mənə olan inamınızdır» cavabı hakimiyyətin yeganə mənbəyinin xalq olmasının göstəricisidir. 

Məlum olduğu kimi, bu il may ayının 4-də Prezident  İlham Əliyevin Qoşulmama Hərəkatının sədri kimi Qoşulmama Hərəkatının Təmas  Qrupunun «COVİD-19» pandemiyasına həsr edilmiş onlayn  Zirvə Görüşü təşkil edilmişdi. «COVİD-19»-a qarşı mübarizədə qlobal həmrəyliyin  nümunəsi kimi Ümumdünya Səhiyyə Təşkilatına Azərbaycan Respublikası tərəfindən könüllü  ianə  ayrıldığını, 30-dan artıq dövlətə humanitar yardım  verildiyini  diqqətə  çatdıran cənab   Prezident təəssüf hissi ilə bildirmişdir ki, beynəlxalq münasibətlər sistemində nədənsə bu istiqamətdə BMT və onun  əsas qurumları olan Baş Assambleya və Təhlükəsizlik Şurasının rolu  görünmür. Dünyanın aparıcı  ölkələri qlobal  liderlik əvəzinə  geosiyasi rəqabət və özünü təcridə kökləniblər. Prezident İlham Əliyev Zirvə görüşündə, həmçinin, BMT Baş Assambleyasının dövlət və hökumət başçıları səiyyəsində   vidokonfrans vasitəsilə xüsusi sessiyasının keçirilməsinin vacibliyi haqqında təklif vermişdir. Təklif böyük rəğbətlə qarşılanmış və  elə oradaca BMT-nin baş katibi Antonio Quttereşə  müraciət ünvanlanmışdır.

Hakimiyyətdə olduğu 17 illik zaman kəsiyində daim özünün praqmatik və müdrik daxili və xarici, eyni zamanda, sərbəst siyasi  düşüncələri sayəsində saysız-hesabsz uğurlara imza atan, müstəqil respublikamızın sürətlə və dinamik inkişaf yolunda olan dövlətlərə interasiyasına nail olan möhtərəm Prezidentimiz bu dəfə də siyasi apponnentləinə və bir sıra dövlət rəhbərlərinə nümunə  oldu.

Təklif Nyu Yorkda 120 QH üzvü bu ölkələr arasında təklif yekdilliklə razılaşdırılmışdır. BMT üzvü olan bu dövlətlər tərəfindən Qoşulmama Hərakatının sədri statusunda Prezident İlham Əliyevin BMT Baş Assambleyasının Xüsusi sessiyasının keçirilməsi barədə təşəbbüsünün dəstəklənməsi beynəlxalq ictimaiyyət tərəfindən ölkəmizə olan böyük etimadın və hörmətin növbəti göstəricisidir.

Bu təəşəbbüsə qarşı çıxış edən yeganə dövlət isə Ermənistan olmuşdur. Bütün dünya COVİD-19-a qarşı mübarizədə qlobal həmrəyliyin vacibliyini vurğuladığı halda, Ermənistan bu təşəbbüsə qarşı çıxış etməklə bir daha özünün nəyə qadir olduğunu, kimliyini göstərdi. Dünya ictimaiyyəti Ermənistanın əsl irticaçı mahiyyətinin şahidi oldu. Və istər-istəməz Milli Şuranın videokonfransında neftin qiymətinin 14 dollara düşməsini sevinə-sevinə bir birniə xəbər verən müxalifətçilərlə paşinyanlar arasında hansısa fərq axtarsam da tapa bilmədim. Paşinyan xəcalət çəkmədən 130-a yaxın ölkənin iştirak edəcəyi möhtəşəm tədbirdən, məhz bizlərə nifrətinə görə iştirak etmir, özümüzünkülər isə cənab Prezidentin təbirincə desək: «Görün, nəyə sevinirlər? Sevinirlər ki, neftin qiyməti 14 dollara düşüb. Buna kim sevinir? Bir Ermənistan, birdə özünü müxalifət adlandıran bu antimilli Şura. Neftin qiyməti 14 dollara düşəndə, axı insanlar bundan əziyyət çəkəcəklər. Problemlər yaranacaq. Sosial sahədə problemlər yaşana bilər, iqtisadiyyatımız yavaşıyar. Amma bu, onların işinə yarayır, Azərbaycan üçün nə qədər pisdir, onlar üçün o qədər yaxşıdır». Bəli, mən adlarını müxalifət qoyan bu insanlarla ermənilər arasında heç bir fərq görmədim.

Dünyanı bürüyən koronavirus (COVİD-19) pandemiyası yer üzünü vahimədə saxlamaqda davam edir. Qarşısıalınmaz bir aqressiya ilə yoluxma və ölüm sayı artırmaqda davam edir.

Ümidlə gözləyirəm. Təşəbbüsü dəstəkləyən ölkələr dünyanın bütün regionlarını əhatə edir. Yaxın günlərdə BMT Baş Katibi tərəfindən üzv dövlətlərə rəsmi qaydada məlumat verilməsi gözlənilir. Bu xüsusi sessiyanın keçirilməsi bütün ölkələrin ümumi məsələsinə çevrilmişdir. Çox inanıram ki, xüsusi sessiya pandemiya qarşısında beynalxalq ictimaiyyətin tam olaraq səfərbər olunmasına şərait yaradacaq, bizi cənginə alan bu koronavirusun məhv olunmasının yollarının tapılmasına öz müsbət tövhəsini verəcəkdir.

Burada bir qürur hissimiz də var. Ölkəmizin Başçısı öz humanst, qayğıkeş, yanımcıl, sülhsevər və mərhəmətli əməlləri, siyasi fəaliyyəti, dünyanın talehyüklü məsələlərinin həll olunduğu kürsülərində məntiqli və cəsarətli çıxışı ilə hamımızın rəğbətini qazanmağı haqq etmişdir.

Ramiz HƏMİDOV,
Yevlax rayon Ağsaqqallar Şurasının sədr müavini

Son xəbərlər