Ermənistanda yeni qalmaqal yaşanır. Erməni mediası yazır ki, “Vətəndaş şüuru” QHT sədri, “AntiFake.am” saytının yaradıcısı Narek Samsonyan bir sənəd tapıb. Bu sənəd Ermənistan Prezidenti Armen Sarkisyanın ən kiçik gey oğlu Ayk Sarkisyanın nikah sənədidir.
N.Samsonyanın sözlərinə görə, Nikol Paşinyanın LGBT insanlarına qarşı nə qədər həssas olduğunu hamımız bilirik. O iddia edir ki, sözügedən sənəd ortaya çıxandan sonra Baş nazirlə Prezidentin münasibətləri yumşalıb: “Şəxsi zəmanətində olduqlarını bir neçə dəfə açıq şəkildə bildirib. Armen Sarkisyan, çox güman ki, hiyləgər olaraq Paşinyanın zəifliyindən faydalanaraq ən kiçik oğlunun evliliyini təsdiqləyən sənədləri ona təqdim edib. Əvvəllər Ermənistanın Baş nazirinin bu ölkənin Prezidentinə münasibəti, yumşaq desək, mənfi olub. Lakin tezliklə Armen Sarkisyan Paşinyana bir kağız göstərib, ondan sonra ona münasibət dəyişib”.
Daha sonra N. Samsonyan bunları deyib: “Armen Sarkisyanın kiçik oğlu Ayk bu yaxınlarda sevgilisi Farislə evlənib. Deyirlər ki, gey cütlüyün toyunda çox sayda hörmətli şəxs, o cümlədən, Böyük Britaniya şahzadəsi iştirak edib. Beləliklə, iki oğlu olan Armen Sarkisyan həm gəlinin qayınatası, həm də digər oğlunun ərinin qayınatası olmuş “unikal” erməni kişilərindən biri olub. Armen Sarkisyanı belə bir üstün nailiyyət münasibətilə təbrik edirəm və yeni evlənənlərə – Faris və Ayka böyük sevgi və xoşbəxtlik arzulayıram”. Samsonyan sonda gey cütlüyün fotoşəkillərini paylaşıb.
Göründüyü kimi, Ermənistan hakimiyyətində növbəti biabırçı səhnə ortaya çıxır. Belə görünür ki, hansısa cinsi azlıq bu ölkəyə rəhbərlik etsə təəccüblənməyə dəyməz.
“Belə məlumatın yayılması o qənaətə gəlməyə əsas verir ki, doğrudan da Paşinyanı LGBT ilə nəsə bağlayır”
Məsələyə münasibət bildirən AMİP funksioneri Əli Orucovun sözlərinə görə, Nikol Paşinyandan nə desən gözləməyə dəyər: “Çünki bu şəxs faşistlərə rəğbət bəsləyir və bunu gizlətmir. O nəinki Njdenin abidəsini sökmədi, hətta ona haqq qazandırdı. Üstəlik, utanmadan bildirdi ki, bu bizim tariximizdir. Bundan başqa, Paşinyanın babasının faşistlərə xidmət etdiyi ortaya çıxdı. Armen Sarkisyan Paşinyan hakimiyyətə gəlməzdən əvvəl parlament tərəfindən Prezident seçilib. Keçmiş prezident Serj Sarkisyana daha yaxın olan şəxsdir. Bir ara erməni mediası onu elə təqdim edirdi ki, sanki A.Sarkisyandan güclü diplomat yoxdur. Nəzərə almaq lazımdır ki, Ermənistanın hazırki Prezidenti uzun illər diplomatik fəaliyyətlə məşğul olub. Belə fikirlər var ki, A.Sarkisyan Rusiya dairələrinə yaxındır. Ermənistanda “Məxməri inqilab”dan sonra Nikol Paşinyan Baş nazir oldu. Bir ara Baş nazirlə Prezident arasında müəyyən fikir ayrılıqları yaşandı. Paşinyan A.Sarkisyandan həmişə ehtiyat edir. Çünki o, “Qarabağ klanı”nın kadrı hesab olunur. İndi isə belə məlumatın yayılması o qənaətə gəlməyə əsas verir ki, doğrudan da Paşinyanı LGBT ilə nəsə bağlayır”.
Vidadi ORDAHALLI
