22/09/2020 22:18
728 x 90

İcra başçılarının dövlət işində də, məişətdə də nümunə olması – Prezident nələri nəzərdə tutdu...

Elçin Mirzəbəyli: “...onların davranışları ictimaiyyət tərəfindən nümunə kimi qəbul olunmalıdır”

img

“Əgər icra başçısı öz vəzifə borcunu yerinə yetirmirsə, əksinə, insanları incidir, insanların əmlakına göz dikir, kimsəsiz insanlara çatacaq yardımı oğurlayır, ictimai işlərə cəlb edilmiş insanların ödəniş kartlarını oğurlayır, talançılıqla, rüşvətxorluqla, korrupsiya ilə məşğul olursa, onda insanlar hansı fikirdə ola bilərlər?!”.

Bu fikirləri Prezident İlham Əliyev mayın 21-də Seymur Orucovu Ağstafa Rayon İcra Hakimiyyətinin, Elçin Rzayevi isə İmişli Rayon İcra Hakimiyyətinin başçısı vəzifələrinə təyin olunmaları ilə əlaqədar videoformatda keçirdiyi qəbulda deyib.

Pezident qeyd edib ki, siz işdə də, məişətdə də nümunə göstərməlisiniz və elə işləməlisiniz ki, insanlar sizdən razı olsunlar: “İnsanlar sizdən razı olsalar, mən də sizin işinizdən razı olacağam. Ona görə vəziyyəti dərindən təhlil edin, həllini gözləyən məsələləri həll etmək üçün səylər göstərin və gücünüz çatmayan işlərin həll edilməsi üçün Prezident Administrasiyasına, Nazirlər Kabinetinə, müvafiq dövlət orqanlarına müraciət edin”.

Maraqlıdır, dövlət başçısı icra başçılarına işdə və məişətdə nümunə olmalısınız deyəndə nəyi nəzərdə tutub?

  • “İcra başçıları öz işlərinə nə qədər vicdanla yanaşarlarsa, eyni zamanda, sadə insanlara münasibətdə yüksək mədəniyyət nümayiş etdirərlərsə...”

Siyasi ekspert Elçin Mirzəbəyli qeyd etdi ki, icra başçıları dövləti təmsil edən şəxslərdir. Onların davranışları ictimaiyyət tərəfindən nümunə kimi qəbul olunmalıdır: “Onlar öz işlərinə nə qədər vicdanla yanaşarlarsa, eyni zamanda, sadə insanlara münasibətdə yüksək mədəniyyət nümayiş etdirərlərsə, bu, dövlət tərəfindən cəmiyyətə verilən mesaj kimi qəbul olunacaq. Hesab edirəm ki, bununla bağlı ölkəmizdə kifayət qədər nümunə var. İlk olaraq bildirim ki, cənab Prezident və Birinci vitse-prezidentin şəxsində onların insanlarla münasibəti, qayğısı bütün məmurlara örnək olmalıdır. İcra strukturlarında təmsil olunanlar, həmçinin, icra başçıları da bu hallardan özləri üçün nümunə götürməlidirlər. Daha sonra onlar davranışları ilə cəmiyyətə örnək olmalıdırlar”.

Günel CƏLİLOVA

Son xəbərlər