Xaricdə ev alan azərbaycanlıların sayı dəyişir

Tarix: 14.05.2015 / 01:30
Bölmə: İqtisadiyyat

Daşınmaz əmlak bazarında aparılan son araşdırma xaricdə mənzil və kommersiya obyektləri alan soydaşlarımızın sayının yenə artmaqda olduğunu göstərir. Azərbaycanılar əsasən MDB ölkələrində və Türkiyədə daşınmaz əmlak alışına böyük diqqət yetirir. Lakin digər yerlərdə də daşınmaz əmlak sahibi olanların sayı az deyil. Məsələn, Mərkəzi və Şərqi Avropa ölkələrində, xüsusən də Çexiya, Polşada mənzil alanların sayında artım qeydə alınır.
Qərbi Avropada vətəndaşlarımızın ən çox üz tutduğu yer Böyük Britaniya və İspaniyadır.
Ekspertlər azərbaycanlıların xaricdə daşınmaz əmlak sahibi olması hallarının hələ bundan sonra da artan xətt üzrə gedəcəyini proqnozlaşdırır. Məsələn, "Value and Sources konsaltinq" şirkətinin nümayəndəsi Rəşad Əliyev deyir ki, Azərbaycan vətəndaşları üç səbəbdən xaricdə ev alır: "Birinci səbəb istirahət üçün. Bura əsasən Türkiyə, Bolqarıstan, Gürcüstan aiddir. İkinci səbəb kapitalın yerləşdirilməsidir. Bura Türkiyə, eyni zamanda Böyük Britaniya, Almaniya, Çexiya və sair ölkələr daxildir. Üçüncü səbəb həmin ölkədə preferensiyaların alınmasıdır. Məsələn, Macarıstanda və Portuqaliyada müəyyən məbləğə ev alanda daimi yaşayış yeri statusu verilir. Bu da vətəndaşın şengen zonasına birbaşa çıxışı deməkdir. Maltada isə qanunla müəyyən edilmiş həddə mənzil alan şəxs ümumiyyətlə vətəndaşlıq ala bilər". Araşdırmalar onu da göstərir ki, Bakıda mənzili olan və yeni mənzil almaq istəyənlərin bir çoxu xaricə üz tutur. Digər tərəfdən, Bakıda evlərin qiymətinin baha olması da prosesə təsirsiz ötüşmür. Bu gün 100-150 min manata Bakının mərkəzi rayonlarında mənzil almaq mümkün olmadığı halda, həmin qiymətə Türkiyənin iri şəhərlərinin mərkəzlərində mənzil almaq olar. Bunun nəticəsidir ki, azərbaycanlılar Türkiyədə daşınmaz əmlak almağa daha çox maraq göstərir. Azərbaycanda heç bir təmiri olmayan 3 otaqlı mənzil şəhərin mərkəzində bəzən 160 min manata təklif olunursa, Litvada orta təmirli 3 otaqlı, bütün sənədləri qaydasında olan mənzili 110 min manata almaq olar. Azərbaycanlılar üçün okeanın o tayında da ev almaq imkanı var. Belə ki, internet vasitəsilə Kanadanın paytaxtında mənzil sahibi olmaq çox asandır. Qiymətlər isə yenə də Azərbaycandan ucuzdur. Bundan əlavə, manatın ucuzlaşması daşınmaz əmlak bazarına da öz güclü təsirini göstərməyə başlayıb. Manatın məzənnəsinin enməsi, eləcə də daşınmaz əmlakla bağlı yeni vergilərin qoyulması vəziyyəti dəyişib. Halbuki, ekspertlərin fikrincə, mənzil və torpaq sahələrinə tələbin azalması fonunda əslində qiymətlərdə azalma olmalı idi. Amma bunun əksi baş verir. Digər tərəfdən, manatla təklifə çıxarılmış mənzillərdə qiymətlər dollara dəyişdirilib, həm də bir qədər də artırılmış şəkildə. Bu isə, faktiki olaraq, 25-30%-lik bahalaşma deməkdir. Mütəxəssislər deyir ki, yeni tikililərdə də ciddi bahalaşma var. Ümumiyyətlə, yeni binalarda qiymətlər 20-30 faiz arasında bahalaşıb. Bütün bunlar xaricdə mənzil almaq istəyənlərin sayını daha da artırır.
Amma xaricdə evi təkcə yaşamaq üçün almırlar. Orda əmlakın icarəsi yaxşı qazanc gətirir. Məsələn, Türkiyədə 50 minlik əmlak 10-12 faizlik illik gəlir vəd edir. Amma icarə bazarında qazanc hər yerdə eyni deyil. Dubay, Türkiyə və Bolqarıstanda il ərzində əmlakın dəyərinin 10-12 faizi, Almaniyada 3-4 faizi qədər pul götürmək olar. Avropada isə kommunal xərclər çox olduğuna görə, ekspertlər qeyd edir ki, kirayə haqqı elə onun saxlanmasına gedir. Lakin istənilən halda aydın görünür ki, bir çox xarici ölkələrdə daşınmaz əmlak qiymətləri Azərbaycanla müqayisədə daha sərfəlidir. Onu da qeyd edək ki, xaricdə qiymətlərin aşağı olması ilə yanaşı, bəzi ölkələrin alıcıları cəlb eləmək üçün burdan ev alanlara müxtəlif güzəştlər etməsi də bu məsələdə az rol oynamır. Məsələn, Türkiyədə əcnəbilər üçün daşınmaz əmlak almaq məhdudiyyətinin aradan qaldırılması ölkənin turizm bölgələrində, eləcə də böyük şəhərlərdə inşa olunmuş minlərlə lüks mənzilin satılmasına imkan verib. Azərbaycan, İran, Səudiyyə Ərəbistanı kimi bir çox ölkələrdən Türkiyənin əmlak sektoruna yatırım qoymaq istəyənlərin sayı bir neçə dəfə artıb. Ekspertlərin fikrincə, alıcılar həm xaricdəki ucuzluqdan istifadə edir, həm də dünyada müxtəlif valyutaların kursunun oynaması şəraitində pullarını etibarlı saxlamaq istəyirlər. Nəticədə xaricdə ev və ya başqa əmlak almaq istəyənlərin sayı xeyli artır.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...