Avro sürətlə dəyərdən düşməyə başlayıb

Tarix: 07.05.2015 / 02:35
Bölmə: İqtisadiyyat

Avronun kursunun son dövrlərdə dollar qarşısında möhkəmlənməsi ətrafında dünya maliyyə bazarlarında fərqli fikirlər hökm sürməkdədir. Belə hesab edilir ki, bu proses əslində müvəqqəti xarakter daşıyır və tezliklə avro yenidən məzənnə fərqində dollara uduzmağa başlayacaq.
Avronun dollar qarşısında möhkəmlənməsi hazırda Avropada səhmlərin satışına problem yaradır. Bu səbəbdən Avropa Mərkəzi Bankı avronun məzənnəsinin zəifləməsi istiqamətində fəaliyyətini genişləndirir. "Goldman Sachs Group Inc." və "Roubini Global Economics" kimi maliyyə qurumları da bildirir ki, avronun məzənnə zəifləməsi davam etdiriləcək. Hesab olunur ki, bu, regionun qiymətli kağızlar bazarına fayda verəcək. "Roubini Global Economics" strateqi İbrahim Qassambe avronun dollar qarşısında son dövrlər möhkəmlənməsinin ABŞ iqtisadiyyatında gözləniləndən az olan inkişafın nəticəsi olduğunu bildirir. Bununla belə, onun sözlərinə görə, avro qarşıdakı aylarda zəifləyəcək və 1 avro 1 dollara bərabər olacaq. Ekspert avroda davam edən tənəzzülün daha çox ixracyönümlü ölkələrdə səhmlər bazarına dəstək təmin edəcəyini bildirir. Analitiklər qeyd edir ki, avro kursunun düşüşü Avropa Mərkəzi Bankının və ABŞ Federal ehtiyatlar sisteminin müxtəlifyönlü monetar siyasəti nəticəsində baş verəcək. Bu gedişlə də Avropa valyutasının qiyməti düşür və məzənnə daha 7-10 faiz ucuzlaşa bilər. Hazırda Avropa Mərkəzi Bankı aktiv şəkildə bazarı stimullaşdırma metodlarını işlədir, ABŞ-ın Federal ehtiyatlar sistemi isə bu prosesi təzəlikcə qurtarıb və bu il faiz dərəcələrinin artımına başlayacaq. ABŞ-da faiz dərəcələrinin artımı dollara dəstək olsa da, Avropa Mərkəzi Bankının faiz dərəcələrinin aşağı endirilməsi avroya neqativ təsir edir.
Məşhur "FIBO Group"dan olan investisiya məsləhətçisi Yevgeni Slesaryov bildirir ki, vəziyyət spekyulativ gözləntiləri də pisləşdirə bilər: "Məhz buna görə növbəti düşüş tam mümkündür. Mən bir avroya bir dollar veriləcəyi faktını istisna etmirəm. Bundan əlavə, Yunanıstan məsələsi də qızışsa və ya Avropa yenidən təbii kataklizmlərlə üzləşsə bu qaçılmaz olacaq. Lakin digər tərəfdən, bazar artıq neqativ momentləri nəzərə alıb və buna görə konsolidasiya da mümkündür". Analitiklər avro məzənnəsinin aşağı düşməsinin ilin axırına kimi davam edəcəyini gözləyir.
Təbii ki, bütün bunlar avro ilə saxlanan valyuta ehtiyatlarına təsirsiz ötüşməyəcək. Elə bu səbəbdəndir ki, bir çox dünya ölkələri avro ilə olan valyuta ehtiyatlarını başqa pullarla, o cümlədən qızılla əvəzləyirlər.
Ölkəmizin də vayuta ehtyiatlarında avronun payı az deyil. Azərbaycan Respublikası Dövlət Neft Fondunun (ARDNF) aktivlərinin 55,8 faizi dollarla, 31,6 faizi avro ilə, 5 faizi funt sterlinqlə, 7,6 faizi digər 4 valyutada və qızıl ehtiyatında saxlanır. Bir il əvvəlki göstəricilərlə müqayisə etdikdə aydın olur ki, Fondun investisiya portfelində dollarla olan vəsaitlərin payı artıb, əvəzində isə avro ilə olan vəsaitlərin payı azalıb. Bir il əvvəl aktivlərin 51,2 faizi dollarla, 37 faizi avro ilə saxlanırdı. Ötən bir ildə dolların məzənnəsinin yüksəlməsi, avronun isə kəskin məzənnə dəyəri itirməsi ilə əlaqədar olaraq dollarla aktivlər 55,8 faizə qədər artıb, avro ilə olan vəsaitlərin dəyəri isə 31,6 faizə enib. Ekspertlər hesab edir ki, avronun payının daha çox azalması istisna olunmur. Çünki bu pul sürətlə dəyər itirir. Əvəzində dollar və qızılla ehtiyatların həcminin artımı gözlənir. Eyni zamanda, artıq məlumat verildiyi kimi, Çin yuanı da valyuta ehtiyatları sırasına daxil ediləcək. ARDNF-in icraçı direktoru Şahmar Mövsümov qeyd edir ki, iyun ayında Azərbaycanın Çin yuanına 500 milyon dollar yatırması ilə bağlı müqavilə imzalanacaq. Onun sözlərinə görə, hazırda qiymətli kağızların seçilməsi prosesi gedir":Çin yuanı ilə bağlı uzun bir proses getdi. Bu proses artıq tamamlandı. Neft Fonduna 500 milyon dollar civarında kvota verildi. Biz artıq yuana investisiyalar üzrə müqaviləni imzalamışıq. Bir ay ərzində biz məlumat verəcəyik. İndi qiymətli kağızlar seçilir. Sonra alışlara başlayacağıq. Bu birinci mərhələ idi. Eyni zamanda, birinci mərhələdə Çin yuanında istiqrazlara investisiyalara başlayırıq". Ş.Mövsümov qeyd edib ki, ikinci mərhələdə Çin yuanında səhmlər bazarına da sərmayə qoymağa başlanacaq: "Bunun üçün yenə də müvafiq prosesdən keçmək lazımdır. Növbəti ay ərzində Azərbaycan hökuməti ilə Çin hökuməti arasında memorandum imzalanmalıdır ki, biz səhm bazarına çıxış əldə edə bilək".
Yuanla yanaşı, qızılla olan valyuta ehtiyatları həcminin də artırılması vacib sayılır. Qeyd edək ki, son dövrlərdə qızılla toplanan valyuta ehtiyatlarının miqdarının artırılması istiqamətində bir çox dünya ölkələri müvafiq addımlar atır. Xüsusən də Rusiya bu məsələdə olduqca fəaldır.

DİGƏR XƏBƏRLƏR

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...