Banklar dollar depozitlərinin faizini gündən-günə öldürür

Tarix: 06.05.2015 / 02:20
Bölmə: İqtisadiyyat

Məsələ ondadır ki, bu ilin fevral ayında həyata keçirilən manatın 34 faizlik devalvasiyasından sonra banklar valyuta əmanətləri üzrə gəlirliliyi tədricən azaltmağa başlayıb. Artıq bu tendensiya, demək olar, əksər banklarda müşahidə olunur.
İlkin müşahidələr nəticəsində məlum olub ki, bu gün Azərbaycanın bank sektorunda fəaliyyət göstərən aparıcı bankların əmanətlər üzrə ödədiyi faizlər (gəlirlilik) depozitin müddətindən asılı olaraq dəyişir. Yəni maraqlıdır ki, manat əmanətlərinə görə ödənilən faizlər hətta Əmanətlərin Sığortalanması Fondunun müəyyən etdiyi maksimal (illik 12 faiz) həddini də üstələyib. Elə banklar var ki, orada manat əmanətlərinə görə ödənişlər 17 faiz təşkil edir. Bəzi ekspertlərin fikrincə, buna səbəb isə ölkənin maliyyə bazarında yaranan manat qıtlığıdır. Fiziki şəxslərin əksəriyyəti əmanətlərini xarici valyutaya konvertasiya edərək yenidən əmanət kimi banka yatırıb. Devalvasiyadan əvvəl xarici valyutada əmanətlərə ödənilən faizlərlə manat əmanətlərinə ödənilən faizlər arasında ciddi fərq olmasa da, hazırda banklar xarici valyuta depozitləri üzrə gəlirliliyi xeyli aşağı salıb.
Məsələyə münasibət bildirən ekspert Rəsul Cahangirlinin fikrincə, prinsipcə, devalvasiyadan sonra belə vəziyyətin yaranması gözlənilən idi: "Nəinki Azərbaycanda, dünyanın istənilən ölkəsində bənzər qərar veriləndə əmanətçilər daha çox depozitlərini xarici valyutada yerləşdirir. İlk mərhələdə bu özünü daha qabarıq göstərirsə, sonrakı etapda sabitləşmə tendensiyası müşahidə olunur. Bazarda yaranmış bu vəziyyətin səbəbi onunla bağlıdır ki, hazırkı mərhələdə kommersiya banklarının xarici valyutada əmanətlərə ehtiyacı azdır. Bu da müştərilərin xarici valyutada olan kreditlərə tələbatının kəskin azalması və növbəti devalvasiya ehtimalı fonunda bankların kreditləşməni manatla aparmaq istəməməsi ilə əlaqəlidir. Yəni banklar onların sərəncamında olan xarici valyutanı konvertasiya edərək milli valyutada kredit vermək risqinə getmir. Bəzi banklar düşünür ki, guya Birinci Avropa Oyunlarından sonra növbəti devalvasiya baş verəcək. Halbuki, bu cür iddialar tamamilə əsassızdır. Bütün hallarda, sözügedən tendensiya bankların fəaliyyətinə ziyan vurur. Çünki nəzərə almaq lazımdır ki, bankların əsas gəlirləri məhz kreditləşmədən formalaşıb. Lakin əhali və korporativ müştərilər əsasən manat kreditlərinə maraq göstərir, banklar isə xarici valyutada toplanan depozit bazasının yerləşdirilməsində maraqlıdır. Hazırkı vəziyyətin hələ bir müddət davam edəcəyi güman olunur. Bəzi ehtimallara əsasən, belə vəziyyət ilin sonuna qədər davam edə bilər. Ola bilsin ki, neftin yenidən bahalaşması mövcud vəziyyəti dəyişsin. Hər halda bir müddət gözləmək lazım olacaq".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...