Yeni biznesə başlayanlara dövlət dəstəyinin tam fərqli qaydaları gəlir

Tarix: 06.05.2015 / 03:03
Bölmə: İqtisadiyyat

Əli Məsimli: "Neftdənkənar sahələr üzrə xaricə mal çıxara bilən iş adamlarına vergi güzəştləri edilməlidir"

"Təbii ki, belə olan halda gəlirlər artacaq, əhali yerli məhsullara üstünlük verəcək"

Azərbaycanda yerli istehsalı stimullaşdırmaq üçün İqtisadiyyat və Sənaye Nazirliyi tərəfindən təkliflər paketi hazırlanıb. Burada yeni biznesə başlayanlar üçün bir sıra yeniliklər nəzərdə tutulub. Belə ki, biznesə yeni başlayan sahibkarlara güzəştli kreditlərin həcmi iki dəfə artırılacaq, elan olunan tenderlərdə ən çox xarici yox, yerli mallara, işçilərə və xidmətlərə yer verən şirkətlərə üstünlük veriləcək.
Müşahidələrə əsasən bu, sahibkarlara imkan verəcək ki, yerli məhsullarını kəmiyyət və keyfiyyət baxımından yüksəltsinlər, öz məhsullarını xarici bazarlara çıxarmaq və satmaq üçün daha da maraqlı olsunlar. Görünən odur ki, əlavə güzəştlərin tətbiqi yerli istehsalın həcminə müsbət təsir göstərəcək.
Digər tərəfdən, Nazirlər Kabinetinə təqdim edilən "Güzəştlərin həcmi və tətbiqi Qaydası" barədə və Milli Məclisə təqdim edilən "Dövlət satınalmaları haqqında" Qanunda dəyişikliklər olunması barədə layihələrin qəbulu da bu işin hüquqi bazasını yaradır. Həmin layihələrdə dövlət və müəssisə təşkilatları tərəfindən tenderlər keçirilərkən yerli mallar, işlər və xidmətlərə üstünlük verən şirkətlərə nəzərdə tutulan güzəştlərin həcminin 2 dəfəyə qədər artırılması əksini tapıb. Yəni mövcud Qaydaya əsasən, yerli malların xeyrinə tətbiq olunan güzəştli düzəlişin həcmi xaricdən idxal olunan eyni malların təklif olunan qiymətinin 15 faizinə qədər həcmində qəbul edilib. Təklif edilən dəyişiklikdə bu sahədə güzəştli düzəlişin 25 faizə qaldırılması nəzərdə tutulur.
Onu da qeyd edək ki, indiyədək Bakı şəhərinin və onun qəsəbələrinin sosial-iqtisadi inkişafına dair dövlət proqramları çərçivəsində paytaxt qəsəbələrində sahibkarlıq subyektlərinin 1033 investisiya layihəsinin maliyyələşdirilməsinə 229,4 milyon manat güzəştli kredit verilib. Nəticədə 7000-dən çox yeni iş yerinin açılması imkanı yaradılıb.
Bütövlükdə, son yenilikləri ekspertlər necə dəyərləndirir?
Sözügedən məsələni dəyərləndirən iqtisadçı, millət vəkili Əli Məsimlinin fikrincə, bu istiqamətdə işlər paralel görülməlidir: "Bir tərəfdən, xaricdən Azərbaycana gətirilən malları əvəz edə bilən sahələrdə müasir tələblərə cavab verən istehsal sahələrinin genişləndirilməsi işi, digər tərəfdən isə, neftdənkənar sahələr üzrə xaricə mal çıxara bilən iş adamlarına vergi güzəştləri edilməlidir. Həmçinin, əlverişli şərtlərlə kredit, gömrük sahəsində münbit şəraitin yaradılması, bürokratik əngəllərin aradan qaldırılması və s. vasitələrlə təşviq edilməlidir. Hazırda malların satın alınması ilə bağlı tender keçirilərkən təklif edilən malda yerli xammal və materialların və yerli işçi qüvvəsinin ümumi həcmi 50 faizdən 75 faizə qədər olduğu halda, 6 faiz güzəştli düzəliş tətbiq olunur. Təklif edilən dəyişikliyə əsasən, bu halda güzəştli düzəlişin həcmi 10 faizə qaldırılır. Yerli xammal və materialların və yerli işçi qüvvəsinin ümumi həcmi 75 faizdən 100 faizə qədər olduğu halda, 7,5 faiz güzəştli düzəliş tətbiq olunursa, dəyişikliyə əsasən, bu halda güzəştli düzəlişin həcmi 15 faizə qaldırılır. Təkliflər paketində göstərilir ki, satınalan təşkilat tender təkliflərini qiymətləndirərkən və müqayisə edərkən tenderin əsas şərtlər toplusunda müəyyənləşdirilən keyfiyyət tələblərinə, standartlara cavab verən yerli mallar üzrə tender təkliflərinin xeyrinə güzəşt tətbiq edir. Təbii ki, belə olan halda gəlirlər artacaq, əhali yerli məhsullara üstünlük verəcək".

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...