Prezident Azərbaycanın xarici borcu ilə bağlı cəmiyyətin gözlədiyini dedi...

Tarix: 06.05.2015 / 03:57
Bölmə: İqtisadiyyat

"...cəmi 10 faiz, aşağı səviyyədə saxlayacağıq" bəyanatına ekspertlər də optimist şərhlər verir

Samir Əliyev: "Azərbaycanda dövlət borcunun payının aşağı olması həmişə müsbət məqam kimi qeyd edilib"

"Neftin qiymətindən asılı olaraq manatın mümkün ucuzlaşması..."

"Özəl sektorun inkişafına çalışacağıq. Aşağı səviyyədə kreditlərin verilməsi və iqtisadiyyatın şaxələndirilməsi bizim üçün əsas prioritetdir". Bunu Azərbaycan Prezidenti İlham Əliyev Asiya İnkişaf Bankının (ADB) Rəhbərlər Şurasının 48-ci İllik Toplantısında çıxış edərkən deyib.
Ölkə başçısı qeyd edib ki, bu sahə diqqət mərkəzində saxlanacaq.
İlham Əliyev xarici borcun mümkün qədər aşağı səviyyəyə salınacağını bildirib: "Milli valyutamız çox gücləndiyi üçün devalvasiyaya getməli olduq. 1 manat 1 avroya bərabər oldu və çətin vəziyyətə düşdük. Qonşu ölkələrdə devalvasiya yaşandı və biz də milli valyutanı 35 faiz devalvasiya etməli olduq. Bu gün valyuta ehtiyatlarımız ümumdaxili məhsulun 70 faizinə bərabərdir. Biz özəl sektorun inkişafı üçün aşağı faizlə özəl sektora kreditlər verilməsini diqqət mərkəzində saxlayacağıq. Son 10 ildə Azərbaycan iqtisadiyyatı 3 dəfə artıb, xarici borc ümumdaxili məhsulun 10 faizini təşkil edir. Müstəqillik illərində 200 milyard dollar sərmayə cəlb etmişik. Hesab edirəm ki, bu çox gözəl göstəricidir. Lakin bunu biz hər zaman nəzərə almalıyıq ki, bu sahəyə diqqət yetirilməsə, bu borc arta bilər. Xarici borcumuzu aşağı səviyyədə saxlayacağıq".
Məlumat üçün qeyd edək ki, Maliyyə Nazirliyinin son məlumatına görə, yanvarın 1-i tarixinə Azərbaycan Respublikasının xarici dövlət borcu 6,478.2 milyon ABŞ dollarına çatıb. Həmin dövrə xarici dövlət borcunun ümumdaxili məhsula (ÜDM) olan nisbəti 8.6 faiz təşkil edib. Zəmanətli xarici dövlət borcunun 7,3 faizi 10, 60,2 faizi 10-20, 32,5 faizi daha çox müddətə cəlb edilib. Borcların 63,9 faizi dəyişən faiz dərəcəsi ilə cəlb edilib.
Maraqlıdır, Azərbaycanın xarici borcu hansı həddədir? İqtisadi risqləri nə dərəcədədir?
Sözügedən məsələni dəyərləndirən iqtisadçı-ekspert Samir Əliyev buna bir neçə prizmadan yanaşır: "Azərbaycanda dövlət borcunun payının aşağı olması həmişə müsbət məqam kimi qeyd edilib. Hətta beynəlxalq təşkilatlar da bunu təqdir ediblər. Ancaq fevral devalvasiyası Azərbaycanın mövqeyini bu sahədə müəyyən dərəcədə pisləşdirə bilər. Bir tərəfdən, ÜDM-in dollar ifadəsində həcminin təxminən 34 faiz azalması, digər tərəfdən, dünya bazarlarında neftin ucuzlaşması səbəbindən ÜDM-in nominal həcminin azalacağı xarici dövlət borcunun payının artmasını şərtləndirəcək.
Üstəgəl, ilboyu kreditlərdən istifadə etdikcə dövlət borcunun da artması baş verəcək. İlin sonuna xarici borcun ÜDM-də payının 15-20 faiz olma risqi var. Bura dövlət şirkətlərinin, məsələn, SOCAR-ın dövlət zəmanəti ilə aldığı borcları da daxil etsək, onda borcun həcmi xeyli çox olar. Neftin qiymətindən asılı olaraq manatın mümkün ucuzlaşması dövlət borcunu artıra bilər. Ona görə də prosesləri son dərəcə diqqətdə saxlamaq lazımdır ki, xarici borc təhlükəli həddə çatmasın".
Ancaq faktdır ki, Prezidentin "aşağı səviyyədə saxlayacağıq" kimi birmənalı bəyanatı bütün mümkün ictimai narahatlıqları və siyasi spekulyasiyaları aradan qaldırmaqda əhəmiyyətli təsirə malikdir.

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...